Tímarit hjúkrunarfræðinga - 01.04.1999, Blaðsíða 41

kjark og þor til að takast á við verkefni og hæfileika til að
mæta áföllum. Stjórnandi verður að vera vinnusamur, hug-
myndaríkur og sveigjanlegur og ekki spillir að hann búi yfir
persónutöfrum eða ákveðnum „stíl“. Leiðtogahæfileikar
eru einnig mjög æskilegir, stjórnandi verður að fá fólk með
sér og það er einnig mikilvægt að hann hafi innsýn inn í
hinn pólitíska heim. Að lokum er nauðsynlegt að geta séð
spaugilegu hliðarnar á oft mjög grátbroslegu vinnu-
umhverfi okkar og að taka sjálfan sig ekki alltof hátíðlega."
Fleiri stjórnarmynstur
Varðandi stjórnfyrirkomulag segir Sigríður að í framtíðinni
muni verða aukin fjölbreytni í stjórnarmynstri sjúkrahúsa.
„Yfir sjúkrahúsunum hefur meiri hluti stjórnarmanna verið
skipaður af stjórnmálaflokkum. Þetta er allt hið mætasta
fólk sem hefur lagt sig mikið fram um að skilja og setja sig
inn í þá flóknu starfsemi sem sjúkrahúsin hýsa. Ég tel
sjálfsagt að skoða hvort tímabært sé að endurskoða þetta
form að einhverju leyti og jafnframt að gera þá forstjóra og
framkvæmdastjórn ábyrgari fyrir rekstrinum. Erlendis eru
æðstu stjórnendur sjúkrahúsa eins og t.d.
hjúkrunarforstjórar ekki „æviráðnir", ef þeir standa sig eru
þeir áfram, ef ekki þá er annar ráðinn. Þeir fá líka greitt fyrir
það sem þeir hafa til brunns að bera og þá áhættu sem
þeir taka.“
Hvað um einkavæðingu sjúkrahúsa? „Ég held að fleiri
rekstrarform eigi fullan rétt á sér,“ segir hún. „Ég sé þó
engan ávinning í því að sameina sjúkrahús undir einn hatt
og breyta engu frekar. Með aukinni samvinnu og samein-
ingu sjúkrastofnana tel ég að jafnframt eigi að skoða hvort
gera eigi þjónustusamninga um ákveðna starfsemi, sem
hefur „slitið barnsskónum1' og hefur möguleika á að
standa á eigin fótum eða aðskilja rekstur fjárhagslega.
Umræður eru hafnar á mörgum sviðum og benda má á að
apótekið hér er t.d. hlutafélag í eigu spítalans. Þjónustu-
samningagerð, einkarekstur og hlutafélög eru form sem
ég held að við munum kynnast betur í náinni framtíð. Með
bættum upplýsingum um verð á þjónustu erum við, veit-
endur þjónustunnar sem og greiðendur, í allt annari
aðstöðu til að ganga til samninga. Við skulum taka sem
dæmi að hjúkrunarfræðingur hefði áhuga á að taka að sér
hjúkrunarþjónustu á ákveðinni deild, þá er nauðsynlegt
fyrir alla aðila að hafa nákvæmar upplýsingar um hvað
þjónustan kostar og hvernig hún skiptist milli hinna ýmsu
þátta."
Verkefni fram undan
Sigríður segir að lokum að fram undan séu mörg mjög
spennandi verkefni sem verði tekist á við í nýskipaðri
samvinnunefnd sjúkrahúsanna sem í sitja auk forstjóra
framkvæmdarstjórar beggja spítalanna, hjúkrunarforstjórar,
lækningaforstjórar og formenn stjórna. „Það þarf að taka
ákvörðun um hvert við ætlum að beina kröftum okkar og
hvernig við ætlum að nýta fjármagn sem ætlað er í sjúkra-
húsin á næstunni. Þetta verður ekki auðvelt, við þurfum að
fjalla um hvernig eigi að reka endurhæfingarþjónustu, dag-
og göngudeildaþjónustu, sjúkrahótel, sjúkrahústengda
heimaþjónustu og ný og breytt rekstrarform. Eflaust mun
þetta kalla á einhverja uppstokkun sérgreina milli sjúkra-
húsanna þó engin ákvörðun liggi fyrir um það heldur.
Þekking í heilbrigðisvísindum í dag býður okkur að gera
næstum hvað sem er út frá tæknisjónarmiði en við höfum
ekki fjármagn til að fylgja því öllu eftir. Ef við ætlum að vera í
fararbroddi eins og við höfum verið hingað til, þá verðum
við kannski að sætta okkur við breytingar sem okkur eru
ekki allar að skapi því það er dýrt og erfitt að halda uppi
háþróaðri og sérhæfðri þjónustu við hlutfallslega fáa
sjúklinga á tveimur sjúkrahúsum í fámennu landi."
Dagur hjúkrunar verður haldinn á FSA á
Akureyri þann 12. maí.
Kynnt verður þróunar-og verkefnavinna
hjúkrunarfræðinga á FSA.
Allir velkomnir.
Tímarit hjúkrunarfræðinga • 2. tbl. 75. árg. 1999
121