FLE blaðið - 01.01.2015, Blaðsíða 5

Formaður hugsi á hádegisfundi.
Á reikningsskiladegi. Sturla og Ingunn ráðstefnustjóri.
sláandi fyrir þau fimm endurskoðunarfyrirtæki sem áttu vöru-
merki í könnuninni en þau röðuðu sér meðal þeirra vörumerkja
sem fengu slökustu einkunn líkt og meðfylgjandi mynd ber
með sér. Endurskoðunarfyrirtækin fimm eru sérstaklega auð-
kennd á grafinu sem er birt með góðfúslegu leyfi Capacent.
Samkvæmt upplýsingum frá Capacent var starfsgreinin sem
heild áberandi neðarlega f þessum hluta könnunarinnar og sú
starfsgrein sem deildi verstu einkunn með endurskoðunarfyrir-
tækjunum á grafinu voru helst smálánafyrirtækin svokölluðu.
Niðurstöður könnunarinnar eru því ótvíræðar. Álit almennings á
endurskoðunarfyrirtækjum fer ekki hátt og ekki hægt að draga
aðrar ályktanir en þær að stéttin búi við ímyndarvanda.
Undanfarin ár hafa ýmsir endurskoðendur haft það á orði,
bæði í ræðu og riti, að traust til endurskoðunarstéttarinnar
beið hnekki í kringum hrun fjármálakerfisins árið 2008. <Deyr
fé, deyja frændur, deyr sjálfur ið sama. En orðstír deyr aldregi
hveim er sér góðan getun, segir í gestaþætti Hávamála og hafa
þessi orð lifað með íslensku þjóðinni um aldir alda enda hverju
orði sannari. Og ætli sama gildi ekki um vondan orðstír enda
er það gömul saga og ný að traust til fyrirtækja, stofnana, fag-
stétta eða einstaklinga getur hrunið á mjög skömmum tíma en
tekur jafnan langan tíma að byggja upp.
Það er þó ekki svo að félagið hafi setið aðgerðalaust frá árinu
2008. Félagið hefur reynt að sporna við neikvæðri fjölmiðlaum-
fjöllun og stuðlað að gagnrýnni og opinni umræðu á vettvangi
félagsins um málefni endurskoðunarstéttarinnar. Félagið hefur
lagt sig fram við að koma áleiðis skilaboðum um hvað í starfi
endurskoðenda felst og hlutverki þeirra í viðskiptalífinu. Sú
gagnrýni hefur þó ratað inn á stjórnarborðið að félagið ætti að
vera meira áberandi í opinberri umræðu en verið hefur og láta
víðar til sín taka, þótt sitt sýnist vissulega hverjum í þessum
efnum.
Traust til stéttarinnar er hornsteinn endurskoðunarstarfsins.
Þó svo traust fagaðila, ss. fjárfesta, fjármálafyrirtækja og við-
skiptalífsins sé okkur ofarlega í huga er traust almennings til
stéttarinnar okkur einstaklega mikilvægt. Það er því stefna
núverandi stjórnar að gefa ímyndarmálum stéttarinnar sér-
stakan gaum á árinu, svo og á komandi árum enda Ijóst er hér
er um langtímaverkefni að ræða.
Sturla Jónsson
Frá stjórnarfundi: Sturla, Margrét, Sigurður framkvæmdastjóri, Árni og Anna Birgitta.
FLE blaðið]anúar2015 • 3