FLE blaðið - 01.01.2015, Blaðsíða 7
Skattanefndin.
Samstarf þetta hefur gengið vel og er fyrirhugað að halda því
áfram.
Eins og ykkur er eflaust kunnugt um og var meðal annars
fjallað um á síðasta aðalfundi félagsins þá hefur verið í gangi
samstarfsverkefni innan NRF undir vinnuheitinu „Audit stand-
ard for SME,s" sem mætti útleggja sem endurskoðunarstaðall
fyrir lítil og meðalstór fyrirtæki.
Tilgangurinn með þessari vinnu er að semja endurskoðunar-
staðal sem yrði viðurkenndur og hægt væri að beita við endur-
skoðun lítilla fyrirtækja. NRF hefur tekið að sér ákveðið for-
ystuhlutverk með gagnrýni á Alþjóðlega staðlaráðið (IAASB)
innan IFAC hvað varðar þessa þörf, sérstaklega í Ijósi þess
að Alþjóðlegu endurskoðunarstaðlarnir (ISA,S) voru í upphafi
samdir út frá þörfum og kröfum við endurskoðun stærri félaga.
Mikill kraftur hefur verið í þessari vinnu allt þetta ár og hafa
verið í gangi vinnuhópar í hverju Norðurlandanna. Samnorræn
nefnd hefur haldið fjóra fundi á þessu tímabili þar sem fulltrúar
frá hverju landi hafa borið saman bækur sínar og lagt línurnar
fyrir vinnuhópana. I sumar vann íslenski hópurinn meðal ann-
ars drög að uppbyggingu fyrir staðalinn sem voru síðan send á
norska vinnuhópinn og NRF tók þá ákvörðun að nálgast verk-
efnið út frá þeim grunni.
Það er skemmst frá því að segja að þessi vinna innan NRF
hefur hlotið mikla og óvænta athygli og hafa mörg lönd haft
Frá yfirferð löggildingarprófa.
samband og óskað eftir að fá að fylgjast með framvindu mála.
Síðast liðið vor var NRF með kynningu á verkefninu á fundi
IAASB og Jens Röder gerði grein fyrir stöðu málsins á ársfundi
IFAC í Róm nú í nóvember.
Eftir nærri þriggja ára ferli og umfjöllun innan
Evrópusambandsins um málefni endurskoðenda sem hefur
mótast af fjölda skýrslna, nefndarálita og funda, þá voru
loksins afgreiddar nú í vor, tillögur um breytingar á lögum sam-
bandsins um endurskoðun félaga tengda almannahagsmunum
sem og reglugerð um endurskoðun. Ákveðið aðlögunarferli er
nú í gangi en endanleg gildistaka verður vorið 2016.
Það þykir tíðindum sæta að í lagasetningu EB séu ákvæði sem
eru valkvæð, en það er einmitt tilfellið varðandi ráðningar-
tíma endurskoðenda. í grófum dráttum þá gera lögin ráð fyrir
að hámarks ráðningartími endurskoðanda sé tíu ár og að við-
bættum öðrum tíu árum að undangengnu útboðsferli.
Flvað varðar ráðningartímann þá hefur ekkert verið ákveðið á
neinu Norðurlandanna. í Svíþjóð hafa þarlend stjórnvöld helst
hallast að tíu ára hámarks ráðningartíma fyrir fjármálafyrirtæki
og enga framlengingu, en heimila aftur á móti tíu ára framleng-
ingu fyrir önnur PIE félög. Finnland og Noregur eru að vonast
eftir að stjórnvöld þar á bæ gangi alla leið og heimili 10 + 10
ár fyrir öll PIE félög, en Danir virðast hallast að tíu ára hámarki
fyrir öll PIE félög en enga framlengingu.
Menntunarnefndin.
FLE blaðið janúar 2015 • 5