FLE blaðið - 01.01.2015, Blaðsíða 32
Samanborið við starfsemina á íslandi eru Danir almennt yngri
þegar þeir hefja störf á endurskoðunarstofum. Nokkuð algengt
er að þeir hefji störf eftir útskrift úr framhaldsskólum og hefja á
sama tíma háskólanám sem þeir sinna með vinnu. í háskóla-
náminu (sambærilegt BSc. á íslandi) er einnig einblínt töluvert
meira á reikningsskil, félaga- og skattarétt en við erum vön á
íslandi. Mín reynsla af því að starfsmenn hefja störf ungir að
árum er jákvæð og er bæði vinnuveitendum og starfsmönnum
í hag.
Löggildingarpróf í Danmörku
Allir sem þreyta löggildingarprófin í Danmörku fara í gegnum
tveggja ára námsferli á vegum FSR (FLE í Danmörku) og skil-
yrði fyrir inngöngu er að þátttakendur hafi lokið meistaranámi í
endurskoðun og reikningsskilum. Námið hjá FSR inniheldur 5
námskeið, ein vika í senn, þar sem farið er yfir ýmis efni varð-
andi endurskoðun, reikningsskil, félaga- og skattarétt o.s.frv.
með mikilli verkefnavinnu og mikil áhersla er lögð á tækni við
lausn verkefna og þátttöku nemenda í kennslu. Kennsla eryfir-
leitt um það bil 10 tímar á dag og því ekki gert mikið annað en
að sinna náminu á þessum tíma. Þar að auki eru skilaverkefni
bæði fyrir og eftir öll námskeið og æfingapróf tvisvar á ári. Þá
eru flestar stærri endurskoðunarstofurnar einnig með eigin
verkefnaskil u.þ.b. 6-8 verkefni á ári og mikil áhersla er lögð á
að leysa verkefni innan tímaramma því naumur tími er í skrif-
legu prófunum. Það fer því mikill tími í undirbúning löggildingar
því ofan á þetta kemur hinn hefðbundni undirbúningur fyrir
löggildingarprófin eins og við þekkjum á íslandi þar sem við
erum frá störfum einhverjum vikum fyrir próf.
Fyrirkomulagi löggildingarprófa í Danmörku hefur nýlega verið
breytt og var því í fyrsta sinn á síðasta ári skipt í þrjú skrifleg
próf og eitt munnlegt próf en áður var því skipt í eitt skriflegt
próf og eitt munnlegt próf. Skriflegu prófunum er nú skipt í
siðferði og óhæði (2 tímar), endurskoðunaraðferðir, endur-
skoðunaráritanir og aðrar áritanir á ársreikninga (6 tímar) og
allar aðrar áritanir, skatta, viðskipta- og félagaréttur (4 tímar).
Þessum þremur prófum verða þátttakendur að Ijúka í þremur
tilraunum á fjögurra ára tímabili áður en þeir fá tækifæri til þess
að þreyta munnlega prófið og er algengt að nemendur þreyti
fyrstu tvö prófin eftir eitt ár í undirbúningsnámi og þriðja prófi'
eftir tveggja ára nám. Þegar þátttakendur hafa náð öllum þrem-
ur skriflegu prófunum fá þeir tækifæri til þess að þreyta munn-
lega prófið. Þar fá þeir einnig einungis þrjú tækifæri. [ munn-
lega prófinu fær próftaki afhent verkefni og hefur 40 mínútur til
undirbúnings. Prófið fer fram í sal með 5 prófdómurum og
áhorfendum þar sem próftaki kynnir verkefni og lausn sína í 30
mínútur með tilheyrandi spurningum frá aðalprófdómara. í
þessum aðstæðum reynir ekki einungis á faglega þekkingu
heldur einnig á þroska próftakenda til að taka ákvarðanir undir
pressu og standa við þær. Það reynir vægast sagt á taugarnar
og er mikil upplifun að sjá þessi próf fara fram.
Ég stefni sjálf á að verða löggiltur endurskoðandi í Danmörku
og fylgi nú þessu tveggja ára námi á vegum FSR. Ég hef fengið
staðfestingu frá viðskiptaráðuneytinu í Danmörku að ég þarf
einungis að þreyta munnlegt próf með áherslu á danska löggjöf
og sérreglur þar sem ég fékk löggildingu á íslandi á árinu2010.
Ég ákvað sjálf að fara líka í gegnum námið hjá FSR og tel það
nauðsynlegt til að læra t.a.m. nánar um danskan félaga- og
skattarétt. Ég hef þó ekki sömu skyldur varðandi verkefnaskil,
þar sem ég mun ekki taka þátt í skriflegu prófunum. Ef allt
gengur eftir og tími gefst til undirbúnings, stefni ég á að þreyta
munnlega prófið í lok þessa árs.
Bryndís Símonardóttir
Tekið á námskeiði um markþjálfun.
30 • FLE blaðiðjanúar2015