Ráðunautafundur - 15.02.1998, Blaðsíða 70

62
þessu sviði. Skólinn nýtur einnig góðs af staðsetningu bútæknideildar RALA á Hvanneyri og
er að vænta aukins vægis á bútækni í ffamboði skólans á námskeiðum. Þetta stafar einnig af
því að sú staðreynd er að verða mönnum æ ljósari að í skynsamlegu vali og rekstri á vélakosti
getur skilið á milli feigs og ófeigs í afkomu búanna. Búvísindadeild skólans hlaut góðar gjafir
á 50 ára afmæli sínu í ágúst s.l. Meðal þeirra var fjarkennslubúnaður en með honum má halda
fundi með hjálp sjónvarpssendinga um símaiínur. Skólinn hefur áhuga á að nýta þennan
búnað til að koma til móts við bændur í hinum fjarlægari byggðum landsins.
SKYGGNST TIL FRAMTÍÐAR í LJÓSI NÝRRAR TÆKNI
Að undanförnu hefur notkun internetsins breiðst út hér á landi og má reikna með að sú þróun
sé enn rétt á byrjunarstigi. Augljóst er að eífir því sem tölvueign meðal bænda verður al-
gengari verður unnt að nýta þessa tækni til að miðla þeim upplýsingum og fræðslu. Jafnframt
er ljóst að um leið mun aukast mjög þörf hjá bændum fyrir grunnþjálfun í notkun tölva. Þeirri
þörf verða búnaðarskólarnir að mæta með námskeiðum. Það liggur beint við að ætla að auð-
veldara verði fyrir búnaðarskólana að koma efni á framfæri, t.d. upplýsingum um námskeið
og þess háttar. Skólarnir standa þó ffammi fyrir nýjum vandamálum í því að nýta þessa tækni
sem best. Verkmenntaskólinn á Akureyri hefur haft forystu um fjarkennslu með hjálp inter-
netsins og munu búnaðarskólarnir vafalítið leita þangað til að fá ráð um slíka kennslu. í fyrstu
eru áform um að aðlaga eldri námskeið að þessari tækni. Þar má nefna námskeiðin Rekstur á
kúabúi og Rekstur á sauðfjárbúi. Þessi námskeið hafa verið með því sniði að þau hafa staðið
yfir í meira en eitt ár og þátttakendur hafa komið nokkrum sinnum saman til að hlýða á fyrir-
lestra og vinna með gögn úr eigin búrekstri. Það má hugsa sér að þessi námskeið geti farið
fram að verulegu leyti um internetið og því megi fækka sameiginlegum fundum þátttakenda
en umsjónarmaður námskeiðsins verði í sambandi við þátttakendur, fái frá þeim gögn og
sendi ný í staðinn. Til að gera þetta þarf að aðlaga námsefnið verulega og fela umsjá þeirra
einhverjum sem hefur svigrúm til að vera í stöðugu sambandi við alla þátttakendur. Ætla má
að þátttakendur sem ljúka svona námskeiði verði betur í stakk búnir til að vinna sjálfstætt og
muni eflast til sjálfsnáms.
SJÁLFSNÁMSVEFIR
Sjálfsnámsvefir eru gerðir þannig að umsjónarmaður safnar saman efni sem hann setur á vef-
inn og er aðgengilegt öllum. Notendurnir geta síðan bætt inn tilvísunum til efnis sem þeir
komast yfir eða semja. í sumum tilfellum er einstaklingum falið að taka saman fræðsluefni
fyrir tiltekna stétt eða starfshóp. Notendurnir geta síðan komið með fyrirspurnir sem er svarað
af þeim sem eitthvað hafa fram að færa hverju sinni. Hver notendanna sem er getur svo bætt
inn athugasemdum eða veitt andsvar ef upphaflega svarið stangast á við skoðun eða reynslu
hans. Segja má að þannig verði til lifandi tímarit sem er í stöðugri endurnýjun. Þó einhverjum
kunni að koma það á óvart er þegar komin reynsla hér á fandi af svona sjálfsnámsvefjum.
Upplýsingaþjónusta Háskóla íslands hefur öðlast verulega þjálfun í að setja upp sjálfsnáms-