Dagblaðið Vísir - DV - 22.03.2016, Qupperneq 15

Páskablað 22.–29. mars 2016 Fréttir 15
lendra fjármálafyrirtækja, að fjár­
hæð um 60 milljarða. Hversu stór
hluti aflandskrónueigenda mun fara
úr landi í gegnum gjaldeyrisforðann
mun hins vegar augljóslega ráðast að
miklu leyti af því hvert skiptigengið
verður í útboðinu. Þá er ekki sjálfgef­
ið að sá hluti forðans sem er óskuld­
settur verði aðeins nýttur í gjaldeyr­
isútboðinu heldur kemur einnig til
greina að nota þann gjaldeyri sem
var fenginn með skuldabréfaútgáfu
í Bandaríkjadölum árið 2011 en sá
skuldabréfaflokkur er á gjalddaga
síðar á þessu ári.
Njóti ekki bættrar stöðu
Eins og áður hefur verið upplýst um
í DV er 230 milljarða aflandskrónu­
stabbinn í eigu aðeins fjögurra banda­
rískra fjármálafyrirtækja. Þau eru vog­
unarsjóðirnir Discovery Capital og
Autonomy Capital og sjóðastýringar­
félögin Eaton Vance Management og
Loomis Sayles. Í þessum hópi er það
Discovery Capital sem heldur utan
um stærsta aflandskrónustabbann,
eða um helminginn af slíkum krónu­
eignum erlendra aðila. Á sjóður­
inn því gríðarlegra hagsmuna að
gæta í fyrirhuguðu aflandskrónuút­
boði en heildareignir sem Discovery
Capital er með í stýringu nema um
38 milljörðum Bandaríkjadala, jafn­
virði um 5.000 þúsund milljarða ís­
lenskra króna. Stofnandi og forstjóri
vogunarsjóðsins er Rob Citrone en
sá sem stýrir fjárfestingum sjóðsins
í aflandskrónum er Charly Cui, einn
af helstu stjórnendum Discovery
Capital.
Fulltrúar sumra þessara sjóða
fara ekki leynt með að þeir telji, sök­
um bættrar stöðu þjóðarbúsins og
mikilla gjaldeyriskaupa Seðlabank­
ans, ótækt að þeir þurfi að sætta sig
við skipti gengi í útboðinu sem er
tugprósentum lægra en skráð gengi
krónunnar. Hafa þeir komið slíkum
sjónarmiðum skýrt á framfæri við Al­
þjóðagjaldeyrissjóðinn og stóru láns­
hæfismatsfyrirtækin í því skyni að
hafa áhrif á vinnu stjórnvalda, sam­
kvæmt upplýsingum DV. Af hálfu ís­
lenskra yfirvalda er aftur á móti talið
einsýnt að sú aðferðafræði sem verð­
ur beitt við framkvæmd aflandskrón­
uútboðsins sé að fullu í samræmi
við íslensk lög og alþjóðlegar skuld­
bindingar. Þá sé alveg ljóst að eigend­
ur aflandskróna eigi ekkert tilkall til
þess að fá hagstæðari meðferð við út­
göngu úr höftum vegna betri gjald­
eyrisstöðu Íslands – ekki frekar en
var reyndin með þá niðurstöðu sem
náðist við erlenda kröfuhafa gömlu
bankanna á síðasta ári.
„Sjálfstætt vandamál“
Stjórnvöld hljóti að horfa aðeins til
þess, eins og lesa mátti út úr ræðu
fjármálaráðherra á ársfundi Seðla­
bankans, að sú góða staða sem hefur
orðið til í þjóðarbúskapnum vegna
viðvarandi mikils viðskiptaafangs
verði nýtt til að skapa aðstæður fyrir
almenna haftalosun á Íslendinga.
Þannig benti Bjarni á að í sjö ár hafi
höftin takmarkað áhættudreifingu í
eignasöfnum íslenskra fyrirtækja og
lífeyrissjóða.
„Sparnaður innlendra að­
ila frestar neyslu og fjárfestingu og
stuðlar því sjálfkrafa að viðskiptaaf­
gangi innanlands. Í einfaldaðri mynd
má því segja að takmörkun á erlend­
um fjárfestingum innlendra aðila feli
í sér framtíðarráðstöfun á viðskipta­
jöfnuði enda er sparnaðinum ætl­
að að standa undir neyslu eða fjár­
festingu í framtíðinni.
Stærstur hluti neyslu­ og fjár­
festingarvara hér á landi er innfluttur
og vegna smæðar hagkerfisins er lík­
legast að svo verði áfram. Þess vegna
er afar mikilvægt að unnt verði að
losa um fjármagnshöft á innlenda
aðila sem fyrst, áður en uppsöfnuð
fjárfestingarþörf fer að verða sjálf­
stætt vandamál við losun fjármagns­
hafta auk þess að bjaga eignaverð
innan lands.“ n
Forðinn nýttur til að losa út 230 milljarða aflandskrónustabba
n Stærsti hluti aflandskrónuvandans gæti verið leystur í gegnum gjaldeyrisuppboð n Fái ekki hagstæðara útboðsgengi vegna bættrar stöðu þjóðarbúsins n Kynnt á ríkisstjórnarfundi
Aflandskrónur í
formi hlutafjáreignar
gætu verið undir
Á meðal þeirra erlendu aðila sem gætu
staðið frammi fyrir því að þurfa að taka
þátt í fyrirhuguðu aflandskrónuútboði
á næstunni eru fjárfestingarsjóðir sem
eiga aflandskrónur í formi hlutafjáreign­
ar í íslenskum fyrirtækjum.
Þannig er til skoðunar í tengslum
við vinnu stjórnvalda að undirbúningi
útboðsins, samkvæmt heimildum DV, að
það muni ekki aðeins ná til aflandskróna
sem eru í formi innlána og ríkisskulda­
bréfa – heldur einnig annarra skamm­
tímakrónueigna á borð við hlutafé í
skráðum og óskráðum fyrirtækjum sem
má telja auðseljanlegar eða kvikar.
Dæmi um slíkar eignir eru hlutir í Eim­
skipum og eignaumsýslufélaginu Klakka
sem erlendir fjárfestingarsjóðir eru taldir
hafa keypt með aflandskrónum á sínum
tíma. Þar er annars vegar um að ræða
25% hlut bandaríska fjárfestingarsjóðs­
ins Yucapia í Eimskipum, stærsta eins­
taka hluthafa félagsins, og hins vegar
hlut í eigu vogunarsjóðsins Burlington
Loan Management í Klakka, en sá sjóður
var sem kunnugt er umsvifamikill kröfu­
hafa gömlu bankanna.
Lokahnykkurinn
Bjarni Benediktsson
fjármálaráðherra kynnti
næstu skref við lausn
aflandskrónuvandans á
ríkisstjórnarfundi síðasta
föstudag. MyNd Sigtryggur Ari