Dagblaðið Vísir - DV - 21.04.2016, Blaðsíða 2

2 Fréttir Helgarblað 21.–25. apríl 2016
Ekki fengið
skattagögnin
Skattrannsóknarstjóri bíður enn eftir viðbótum
B
ryndís Kristjánsdóttir skatt-
rannsóknarstjóri segir óvíst
hvort embætti hennar fái
fleiri gögn um aflandsfé-
lög Íslendinga til viðbótar við þær
upplýsingar sem það keypti af er-
lendum huldumanni í apríl í fyrra.
DV fjallaði þann 5. apríl um til-
raunir embættisins til að fá við-
bótargögn úr stærsta gagnaleka
sögunnar, Panama-skjölunum, og
sagðist Bryndís þá ekki ætla að leita
til huldumannsins, Alþjóðasamtaka
rannsóknarblaðamanna (ICIJ) eða
Reykjavík Media.
„Það er óbreytt og ekkert í hendi
með það. Aftur á móti er ekki útséð
með það en þetta er ekki komið og
ég veit ekki hvernig þetta fer. Við
erum enn að leita leiða til að fá þessi
gögn á endanum og því ekki búin að
gefa þetta upp á bátinn,“ segir Bryn-
dís í samtali við DV.
Skattrannsóknarstjóri vill ekki
upplýsa hvaðan viðbótargögnin
gætu komið. Panama-skjölin koma
frá lögmannsstofunni Mossack
Fonseca. n haraldur@dv.is
Skattrannsóknarstjóri
Bryndís Kristjánsdóttir er
ekki jafn vongóð og fyrir
tveimur vikum um að emb-
ætti hennar fái viðbótar-
gögnin. Mynd Sigtryggur Ari
Vill 52 milljónir
í bætur
Maður sem varð fyrir líkamsárás
á skemmtistaðnum Spot í Kópa-
vogi í maí 2014 krefst 51,6 millj-
óna króna skaðabóta úr hendi
árásarmanns síns. Ákæra hefur
verið gefin út á hendur mann-
inum en samkvæmt henni hlaut
fórnarlambið alvarlega og lífs-
hættulega höfuðáverka.
Samkvæmt frétt RÚV er
ákærða gefið að sök að hafa
hrint þolandanum með þeim af-
leiðingum að hann skall í gólf-
ið. Hann hafi höfuðkúpubrotn-
að, hlotið áverka og blæðingu á
heila sem leiddi til heilaskaða,
minnistaps, tapi á lyktar- og
bragðskyni og varanlegrar
heyrnarskerðingar.
Mannverk
búið að svara
Verktakafyrirtækið Mannverk hef-
ur svarað Minjastofnun Íslands en
það hafði frest fram á síðastliðinn
mánudag til að gefa skýringar á því
af hverju Tryggvagata 12 var rifin.
Húsið var rifið í leyfisleysi en það
var friðað. Minjastofnun mun taka
ákvörðun á morgun, föstudag, um
það hvort stofnunin kæri Mann-
verk til lögreglu.
Forsvarsmenn fyrirtækisins
sögðu í síðustu viku að starfs-
menn þess hefðu rifið húsið í góðri
trú. Þeir hafi talið sig vera innan
heimilda við framkvæmdina og að
niðurrifið hafi verið nauðsynlegt
við endurbyggingu Exeter-hússins
svokallaða. Borgaryfirvöld hafa
kært niðurrifið til lögreglu.
Áritun Kanye West
500.000 króna virði
n Bergur á líklega verðmætasta skópar landsins n Fékk áritun stjörnunnar
S
autján ára menntaskólanemi
datt í lukkupottinn þegar stór-
stjarnan Kanye West árit-
aði skóparið hans um síðustu
helgi. Áritunin þýðir að skópar-
ið gæti selst á rúmlega 5.000 dollara,
sem gera um 600 þúsund íslenskar
krónur. Eðli málsins samkvæmt er
skóparið geymt í læstum peningaskáp
hjá ættingja á meðan hinn útsjónar-
sami eigandi íhugar næstu skref.
Beið í biðröð í tvo sólarhringa
„Ég reikna með að selja þá fljótlega,“
segir Bergur Blær Kristjánsson, sem
um síðastliðna helgi eignaðist að öll-
um líkindum verðmætasta skóp-
ar landsins. Forsaga málsins er sú að
tæplega tveimur mánuðum áður hafði
Bergur Blær, ásamt nokkrum félögum
sínum, beðið í biðröð í tvo sólarhringa
fyrir framan verslunina Húrra til þess
að kaupa par af svokölluðum Yeezy-
skóm. Þeir eru hannaðir af stórstjörn-
unni og Íslandsvininum Kanye West.
Verðið á skónum, sem eru af
gerðinni Yeezy Boost 350 Pirate
Black, var um 35 þúsund krónur
hérlendis. Þar sem skórnir voru
aðeins seldir í takmörkuðu upp-
lagi í sérvöldum verslunum um
allan heim máttu þeir, sem
lögðu það á sig að bíða,
búast við því að geta selt
skóna fyrir umtalsvert hærri
fjárhæð. Markaðsvirðið, án
áritunar, er yfir 100 þúsund
krónur sé miðað við sölusíð-
ur á borð við eBay, og
því ætluðu fæst-
ir sem náðu
sér í eintak
að ganga í
tískuskón-
um.
„there you have it“
Þegar Bergur Blær frétti af veru Kanye
West á Íslandi þá fékk hann snjalla
hugmynd. „Mamma átti erindi niður
í bæ og bauð mér að koma með. Ég
þáði það og greip skóparið mitt með.
Við fengum okkur síðan að borða á
veitingastað fyrir framan 101 hótel,
þar sem Kanye og frú dvöldu,“ seg-
ir Bergur Blær hress í samtali við DV.
Hann var við öllu búinn, með penna
í vasanum, og fylgdist með hótelinu.
„Allt í einu sé ég að eitthvað er að
gerast fyrir utan hótelið og þýt út,“
segir hann og lýsir atburðarásinni
fyrir blaðamanni. Kanye West
strunsaði framhjá eldheitum
aðdáendum sínum en rak
síðan augun í skóna hjá
Bergi Blæ. Hann
greip í pennann
hans og áritaði
skóna í hvelli.
„Svo segir hann:
„There you have it“,“
segir Bergur Blær, sem eðli-
lega var afar ánægður með at-
burðarásina. „Ég náði þessu
á myndband til sönnunar,
það var mikilvægt
atriði,“ segir
hann. Áritun
Kanye West
þýðir að
verðmæti
skóparsins
hefur rok-
ið upp og ekki
ólíklegt að Bergur
Blær geti selt það
á ríflega 5.000
dollara,
það
er
um 600 þúsund
krónur. Eitt slíkt par er
til sölu á Ebay og eru
allnokkrir áhugasamir
kaupendur sem fylgj-
ast grannt með sölu-
ferlinu.
Pílagrímsferð til
Las Vegas
Félagar Bergs Blæs
eru að hans sögn
grænir af öfund. Þeir
eiga sambærilega
skó en eitt penna-
strik þýðir líklega að um hálfri
milljón króna munar á verðmæti
þeirra. DV freistaði þess að fá mynd af
hinu forláta pari og hinum útsjónar-
sama eiganda en það reyndist þraut-
in þyngri. „Ég fór með þá beint í pen-
ingaskáp hjá ættingja mínum sem er
núna staddur erlendis. Þar eru þeir í
öruggri geymslu,“ segir Bergur Blær
og hlær.
Fyrsta skrefið í söluferlinu var að
senda tölvupóst á eftirlætis skóbúðina
hans en sú heitir Urban Necessities
og er í Las Vegas. „Búðin kaupir árit-
aða skó og hefur þá til sýnis. Ég sendi
þeim strax tölvupóst og ætla að kanna
hvort að þeir hafi áhuga á að kaupa
parið af mér. Þá gæti ég mögulega
farið einhvern daginn til Las Vegas
og skoðað skóna í framtíðinni,“ segir
Bergur Blær. n
Björn Þorfinnsson
bjornth@dv.is
Verðmætt Hér má sjá áritun Kanye West á Yeezy-skópari Bergs rétt áður en því var komið fyrir í traustum peningaskáp.
yeezy
Boost 350
Pirate Black
Hér má sjá
sambærilega
skó og þá
sem Bergur
Blær fjárfesti
í. Fjárfesting
sem að öllum
líkindum skilar
sér margfalt
tilbaka.