Dagblaðið Vísir - DV - 21.04.2016, Blaðsíða 11

Fréttir 11Helgarblað 21.–25. apríl 2016
Ólafur (ekki) Ósigrandi
3 Hver er líklegastur í augnablikinu til
að veita Ólafi verðuga
samkeppni? (Af þeim sem komnir eru fram eða ekki)
„Andri Snær getur unnið ef hann nær að höfða til fleiri en hing-
að til. Og ef hann er vel búinn undir þann skít sem Ólafur Ragnar
mun nú leynt eða ljóst ausa yfir hann, líkt og kom Þóru Arnórs
úr jafnvægi fyrir fjórum árum.“
„Andri Snær Magnason. Ekki spurning. Ég hafði vonað að Guðni
Th. myndi bjóða sig fram en ég reikna ekki með því úr þessu.“
„Guðni Th. Jóhannesson er sá eini sem nefndur hefur verið sem
mögulega gæti att kappi við Ólaf.“
„Enginn þeirra, sem nú er kominn fram. Eini maðurinn, sem
hefði átt svipaða möguleika og Ólafur Ragnar, er Davíð Odds-
son. Hann hefði haft víst um 30–35% fylgi og hefði fullnægt
öllum sömu skilyrðunum og Ólafur til að geta verið forseti.
Hann hefði auk þess áreiðanlega unnið fylgi í kosningabarátt-
unni.“
„Guðni Th. Jóhannesson væri mjög sterkur kandídat og ég skora
hér með á hann að láta slag standa þó að mér heyrist hann hafa
gefið það frá sér. Andri Snær mun annars fá næstflest atkvæði.
“
„Andri Snær. Ekki spurning. En hann verður líka að vera tilbúinn
að „get down and dirty“, þetta vinnst því miður ekki á málefn-
unum. Ekkert vinnst á málefnunum.“
„Afar hæfur, sjarmerandi og vel þekktur einstaklingur sem
gæfi kost á sér gæti e.t.v. náð að hrífa kjósendur með sér undir
slagorði um nýja og betri tíma. Slíkir einstaklingar hafa þó ekki
verið á lausu sem skýrir e.t.v. hvers vegna Ólafur Ragnar býður
sig enn á ný fram.“
„Líklega Guðni Th. Af þeim sem eru komnir fram Andri Snær –
aðrir eiga ekki möguleika.“
2 Hvað þurfa aðrir frambjóðendur fyrst
og fremst að gera til að
eiga möguleika?
„Þeir þurfa að sýna heiðarleika og auðmýkt, og að þeir séu ekki í framboði til
að fara út í klækjastjórnmál. Þá er líka einfalt að benda á að Ólafur Ragnar er
guðfaðir sitjandi ríkisstjórnar, ríkisstjórnar sem stór hluti þjóðarinnar vill frá.“
„Vera þjóðþekktir, sýna þjóðinni að þeim sé treystandi til að taka við og að
þeir séu ekki ofurseldir pólitískum öflum.“
„Frambjóðendur til forseta þurfa að vera þjóðkunnir og njóta trausts og hafa
unnið sér inn fyrir embættinu. Þeir þurfa að hafa reynslu af mannaforráð-
um og kunna að koma virðulega fram á erlendum vettvangi. Enginn hinna
frambjóðendanna fullnægði þessum skilyrðum, og framboð flestra þeirra var
fullkominn skrípaleikur.“
„Til að sigra þarf frambjóðandi fyrst og fremst að bjóða upp á skýra fram-
tíðarhugsun. Hugsun Ólafs Ragnars er föst í fortíðinni og hann mun ekki
komast þaðan héðan af.“
„Þeir þurfa skýran málflutning og hugmynd. Þeir þurfa líka að vera tilbúnir að
slást. Ólafur Ragnar er bardagamaður, hreinræktaður. Hann er með pólitískt
IQ sem er óviðjafnanlegt. Hann leikur sér að því að láta fólk líta illa út en held-
ur rosalegu kúli á meðan. Hann hefur yfir sér þennan gamla og vitra sjarma,
en hann er slóttugur og snjall. Frambjóðendur þurfa að vera snjallari. Ekki
einlægari eða krúttlegri – þeir þurfa að vera snjallari og slóttugri. Þeir þurfa
að taka hann í bólinu.“
„Skammt er til kosninga og nýir frambjóðendur hafa ekki mikinn tíma til að
kynna sig og afla sér stuðnings. Þeir geta ekki treyst á fjölmiðla og verða sjálf-
ir að eyða fé og vinnu í að tengjast kjósendum. Þetta þarf Ólafur ekki að gera.
Veikleiki Ólafs felst í því að honum er legið á hálsi fyrir að vera þaulsætinn í
embætti og hann er að eldast.“
„Þeir þurfa að taka stjórnina á umræðunni frá sitjandi forseta. Sitjandi forseti
hefur nú skilgreint kosningabaráttuna út frá óvissu og ólgu í samfélaginu.
Ef einhver ætti að eiga séns í hann þyrfti viðkomandi að endurskilgreina
baráttuna, jafnvel benda á mistök sem sitjandi forseti hefur gert á síðustu
misserum og benda þjóðinni á hvernig áframhaldandi seta hans muni ekki
leysa vanda þjóðarinnar.“
„Það þarf að vera skýrt hvað þeir standa fyrir og þeir þurfa að benda með
mjög skýrum hætti á veikleika Ólafs Ragnars. Hafa kjark til að vera með
beitta gagnrýni í garð Ólafs og taka slaginn við hann sem yrði blóðugur.“
4 Heldur þú að einhver nýr frambjóðandi
sé líklegur til að koma
fram úr þessu?
„Davíð [Oddsson] ætlaði fram, en hann þorir vart héðan af. Það er þrýst á
Kötu Jak að endurskoða ákvörðun sína um að fara ekki fram, en ég efast um
að hún skipti um skoðun. Hvað Guðni Th. gerir veit enginn. Hann myndi vinna
Ólaf Ragnar örugglega ef Andri Snær væri ekki á sviðinu.“
„Ekki séns. Frambjóðendur eru nú þegar farnir að hætta við framboð þannig
að þróunin verður frekar í þá átt.“
„Nei, því miður.“
„Nei, ég tel það frekar ólíklegt.“
„Nei, enginn með vigt allavega.“
„Nei, en fleiri munu heltast úr lestinni – með réttu.“
„Ekki sterkur frambjóðandi. Það er óðs manns æði að fara gegn Ólafi Ragnari
í þeirri sterku stöðu sem hann er.“
Álitsgjafar DV
Stefanía Óskarsdóttir stjórnmálafræðingur og dósent
Friðjón R. Friðjónsson almannatengill
Illugi Jökulsson blaðamaður
Hannes Hólmsteinn Gissurarson stjórnmálafræðiprófessor
Björk Eiðsdóttir ritstjóri
Baldur Þórhallsson stjórnmálafræðiprófessor
Halldór Halldórsson (DNA), leikari og grínisti
Erla Hlynsdóttir ritstjóri
1 Er hægt að sigra sitjandi forseta til 20 ára eins og Ólaf Ragnar Grímsson í kosningum?
„Það er vel hægt að sigra hann. Þótt hann hafi lipran talanda og traustlegt yfirbragð, þá kemur í ljós þegar orðræða hans er
skoðuð að þar er á ferð samsafn af innihaldslitlum og jafnvel barnalegum klisjum. Frambjóðandi sem ósmeykur gengur á
hólm við það getur vel unnið.“
„Já, það er hægt en það þarf eitthvað mikið að koma til til þess að það gerist. Hann er í mjög sterkri stöðu. Hann er pólitískur
refur og um leið og færi að halla undan fæti myndi hann finna leið til að ráðast á hættulegasta frambjóðandann og ganga frá
honum eins og hann gerði við Þóru. Ólafur Ragnar er snjallasti stjórnmálamaður samtímans, bæði ljón og refur í hinum pólitíska
slag. Enginn er betri í tímasetningum en hann. Enginn er óforskammaðri en hann. Enginn slær eins fast frá sér ef honum finnst
þess þurfa. Enginn skiptir á svo skömmum tíma um bandamenn í pólitík. Enginn fórnar bandamönnum sínum fyrir framan
alþjóð á sama hátt og hann til að tryggja stöðu sína. Hann skiptir um lið án þess að hika. Það er því mjög erfitt að fella hann.“
„Nei. Það er auðvitað hægt að sigra sitjandi forseta, og það hefur gerst í öðrum löndum, en staða Ólafs Ragnars er sterk um
þessar mundir. Fólki finnst öryggi að honum.“
„Ef það er hægt að sigra sitjandi forseta á Íslandi þá er það nú. Öll þjóðin var búin að gíra sig upp í að fá loksins nýjan forseta
og svo dembir hann því á okkur að hann sé barasta aftur hættur við að hætta. Þetta er löngu orðið þreytandi.“
„Já, réttur frambjóðandi sem er þjóðþekktur, tiltölulega óumdeildur og nýtur trausts getur það.“
„Já, eða við verðum að minnsta kosti að vona það. Í hnefaleikum er gjarnan sagt að þú þurfir að stöðva heimsmeistara til að
verða heimsmeistari. Það þýðir ekki að vinna á stigum, eða verða heimsmeistari því hinn er hættur. Ætli þetta sé ekki eins
með Ólaf. Hans einu örlög eru að tapa í kosningum. Annars losnarðu ekki við hann.“
„Auðvitað er það fræðilega hægt. Ólafur Ragnar nýtur þess þó að hann nýtur mikils trausts meðal almennings þótt stjórn-
málastéttin sé honum frekar andsnúin. Það er þó líka styrkur hans. Styrkur Ólafs felst einnig í því að hvert mannsbarn á Íslandi
þekkir hann. Enginn sem orðaður hefur verið við forsetaembættið er viðlíka vel þekktur og hefur jafnsterkt tengslanet.“
„Hefðin segir að það sé ekki hægt og það verður ekki heldur í þetta sinn, því miður – hér búa sömu kjósendur og áður.“