Dagblaðið Vísir - DV - 21.04.2016, Blaðsíða 8

8 Fréttir Helgarblað 21.–25. apríl 2016
Dýr metanstöð skilað
sjö milljónum í tekjur
Stjórnarformaður Norðurorku á Akureyri vongóður um að 360 milljóna króna verkefnið borgi sig á endanum
V
ið erum róleg yfir þessu
verkefni og erum sannfærð
um að það muni borga sig
þegar upp er staðið,“ seg­
ir Geir Kristinn Aðalsteins­
son, stjórnarformaður Norðurorku á
Akureyri, aðspurður hvort metansala
fyrirtækisins, sem nam rúmum fimm
milljónum króna í fyrra, sé von­
brigði í ljósi þess að verkefnið hefur
nú þegar kostað rúmar 360 milljón­
ir króna. Norðurorka, sem er nánast
alfarið í eigu Akureyrarkaupstaðar,
opnaði einu metanafgreiðslustöðina
utan höfuðborgarsvæðisins í ágúst
2014 og hafði um síðustu áramót selt
eldsneytið fyrir alls 6,8 milljónir.
„Sorphaugurinn á að endast okk­
ur í einhver 30 ár og þó ekki væri
nema bara til að hindra að gasið
streymi upp í andrúmsloftið þá erum
við einnig sannfærð um að verkefnið
muni borga sig fjárhagslega,“ segir
Geir.
Haugarnir frusu
Metanið sem Norðurorka selur er
hauggas frá gömlum sorphaugum
í Glerárdal. Fyrirtækið er framleið­
andi og heildsali eldsneytisins og
hefur Olís séð um smásölu þess í af­
greiðslustöðinni á Akureyri. Olíufé­
lagið skuld­
batt sig til að
greiða fyrir
ákveðið magn
eldsneytisins
óháð raun­
sölu. Eins og
DV greindi
frá í septem­
ber síðast­
liðnum þurfti
metansalan
þá að tífald­
ast næstu sex
árin á eftir
svo áætlanir
Norðurorku stæðust.
„Fyrsta árið var þokkalega á áætl­
un en áætlanir okkar eru svolítið
brattar og gera ráð fyrir talsverðri
aukningu milli ára. Það er ekkert
launungarmál að ef þessar lang­
tímaáætlanir eiga að standa þá þurf­
um við að fjölga stórnotendum því
þeir telja svo rosalega drjúgt á móti
einkabílnum. Við lentum hins vegar
í smá vandamálum um daginn þegar
það hreinlega fraus í haugunum og
salan stöðvaðist í um tvær vikur. Það
er nú búið að koma í veg fyrir það og
allt komið í gang aftur,“ segir Geir.
Keypti 11%
Norðurorka á og rekur sex metanbíla.
Samkvæmt svari fyrirtækisins við
fyrirspurn DV keypti það metan úr
afgreiðslustöðinni á Akureyri fyrir
585 þúsund krónur í fyrra eða sem
nemur 11% af heildarsölunni það ár.
Stjórnendur Norðurorku hafa átt í
viðræðum við bæjaryfirvöld á Akur­
eyri um að sveitarfélagið kaupi eða
leigi metanstrætó. Það muni fjölga
stórnotendum metans en einn
slíkur strætó svarar til 60 fólksbíla
í ársrekstri. Framleiðsla Norður­
orku á metani nægir fyrir 600
fólksbíla á ári til ársins 2030.
Geir Kristinn segir Norðurorku
vinna með sveitarfélaginu að
því „að koma allavega hluta
af strætisvagnaflotanum í
metan“.
„Síðan er þetta svo fljótt
að breytast. Rafmagnsbílarnir
eru nú mikið í umræðunni og
svo eru Danirnir komnir í vetn­
ið alveg á fullu og manni finnst
fókusinn vera svolítið út um allt
í þessum vistvænu orkugjöfum.
Við erum fullviss um að þessi
fjárfesting muni reynast
góð til lengri tíma litið
og auðvitað einnig
í umhverfislegu
sjónarmiði því
gasið er nú ekki
að gufa upp í
andrúmsloftið
þarna upp frá,“
segir Geir. n
Haraldur Guðmundsson
haraldur@dv.is
„Við erum fullviss
um að þessi fjár-
festing muni reynast góð
til lengri tíma litið.
Stjórnarfor-
maðurinn
Geir Kristinn
Aðalsteinsson
segir Norð-
urorku eiga í
viðræðum við
Akureyrar-
bæ um að
sveitarfé-
lagið kaupi
farartæki
sem geti síðan
verslað metan
fyrirtækisins úr
Glerárdal.
Metanstöðin Afgreiðslustöð Olís, þar
sem metanið sem Norðurorka framleiðir er
selt, var opnuð í ágúst 2014.
Sjálfstætt
starfandi
apótek
í Glæsibæ
Opnunartími: Virka daga frá kl. 8.30-18.00
Laugardaga frá kl. 10.00-14.00
Okkar markmið er að veita þér og þínum
framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð