Dagblaðið Vísir - DV - 21.04.2016, Blaðsíða 22

Helgarblað 21.–25. apríl 20162 Í góðum málum - Kynningarblað
F
lügger ehf. kynnir nýtt og
spennandi litakort fyrir sum­
arið en nú er ákveðin lita­
bylgja í gangi, að sögn Vig­
fúsar Gunnars Gíslasonar,
framkvæmdastjóra fyrirtækisins.
Segir hann vaxandi áhuga vera á
auknum fjölbreytileika í litum. „Það
gengur allt í bylgjum í lífinu, stund­
um er allt í misjafnlega hvítu, við
erum að fara í gegnum grátónaliti og
núna er fólk tilbúið að mála í rauð­
um, brúnum, bláum og jafnvel græn­
um og gulum tónum. Það er gaman
fyrir okkur að koma inn í þessa bylgju
með spennandi útilitakort fyrir sum­
arið úr smiðju skandinavískra arki­
tekta,“ segir Vigfús.
Flügger ehf. er í senn ramm­
íslenskt og alþjóðlegt fyrirtæki. Árið
2004 keypti danska fyrirtækið Flügger
A/S Hörpu Sjöfn og rekur það gróna
fyrirtæki á sömu kennitölu. Saga
Flügger A/S nær allt aftur til 1783
og keðjan er ein af leiðandi aðilum í
málningarbransanum í Skandinavíu,
Póllandi og víðar. Flügger á Íslandi
byggir því á afar traustum innlend­
um og erlendum grunni.
Vandaður undirbúningur
mikilvægur
Vigfús segir að fyrir þá sem hyggja
á málningarvinnu í vor og sumar sé
lykilatriði að vanda til undirbúnings:
„Fyrst þarf auðvitað að setja niður
markmiðin, hvað maður ætlar að
gera og hvaða niðurstöðu maður ætl­
ar að fá. Síðan er afar mikilvægt að
byrja ekki of snemma, gæta þess að
fletirnir séu orðnir þurrir og sumar­
klárir, því allt getur verið vatnsósa
eftir veturinn. Meta þarf aðstæður
sem geta verið breytilegar. Sums
staðar loftar vel um palla, tréverk og
þess háttar, og getur það verið orðið
skraufþurrt og tilbúið, en annars
staðar, þar sem fletir eru í skugga
eða skjóli eða niðri við jörð – þar
þarf kannski lengri tíma og nauðsyn­
legt að gæta vel að. Við eigum til
rakamæla sem mæla rakainnihald í
timbri og slíku, og þeir geta komið sér
vel áður en hafist er handa.“
Vigfús segir enn fremur mikilvægt
að fletir séu hreinir og fastir áður en
byrjað er að mála eða bera á:
„Á tréverk getur til dæmis komið
mosi og slý, svona græn slikja.
Þá koma ýmis hreinsiefni sér vel,
pallahreinsir og önnur hreinsiefni frá
Flügger. Það þarf að skafa, bursta og
hreinsa. Varðandi steinfleti þá þarf
sjá til þess að þeir séu þurrir, það
þarf að hreinsa og grunna, skafa burt
lausa málningu, gera við skemmdir í
múr, laga sprungur – og vanda þetta
allt.“
Viðskiptavinir Flügger eru mis­
reyndir í málningarvinnu og skyldum
verkefnum en Flügger­verslanirnar
eru fyrir alla, jafnt fagmenn sem byrj­
endur .
„Við höfum gríðarlega breidd
af vörum en það er breytilegt hvað
hentar á hverjum stað. Við erum til
dæmis með vatnsþynnt efni sem
teljast nútímaleg og umhverfisvæn.
Margir eru að nota slíkar vörur og
þær henta víðast hvar. Aftur á móti
eru margir í eldri lausnum, eru enn
að nota terpentínuþynnt efni og þess
háttar. Það búa margir yfir mikilli
verkreynslu frá fyrri tíð og það er ekk­
ert sem kemur í staðinn fyrir reynsl­
una. Ég hvet alltaf mitt sölufólk til
að taka ekki völdin af viðskiptavin­
um því flestir vita alveg hvað þeir eru
að gera. Síðan eru aðrir byrjendur
en við leggjum mikla áherslu á fag­
lega ráðgjöf til þeirra sem eftir henni
sækjast, margir málarar vinna í fyrir­
tækinu, við afgreiðslu og skyld störf.
Við hvetjum fólk til að koma og leggja
spilin á borðið, fá upplýsingar og ráð­
gjöf um hvernig best er að standa að
hlutunum,“ segir Vigfús og bætir við
að það sé í fínasta lagi að hafa ekki vit
á hlutunum, í upphafi séu allir byrj­
endur.
Margar verslanir og
langur afgreiðslutími
Flügger rekur fjölmargar sérverslanir
hér á landi sem eru uppfullar af
gæðavörum, fyrir íslenskar aðstæð­
ur. Auk höfuðborgarsvæðisins eru
Flügger­verslanir í Reykjanesbæ, á
Selfossi og Akureyri. Þá er Flügger
með samstarf við endursöluaðila um
allt land. Höfuðstöðvar fyrirtækisins
eru að Stórhöfða 44 en þar er opið
alla daga vikunnar frá kl. 7 á morgn­
ana til 19 á kvöldin. Segir Vigfús að
fólk fagni þessum langa afgreiðslu­
tíma og til dæmis komi ungt fólk í
stríðum straumum í verslunina á
sunnudögum.
Þess má geta að frá árinu 2010
hefur Flügger ehf. verið söluaðili fyrir
Hempel skipa­ og iðnaðarmálningu
hér á landi en Hempel er leiðandi á
íslenskum markaði í þeim vöruflokki.
Nánari upplýsingar um verslanir,
afgreiðslutíma, vöruúrval og annað
sem viðkemur Flügger ehf. er að
finna á heimasíðu fyrirtækisins,
flugger.is. n
Hágæða málningarvörur og
ráðgjöf fyrir byrjendur og fagfólk
Flügger er á meðal leiðandi aðila á íslenskum málningarvörumarkaði
Myndir Sigtryggur Ari