Dagblaðið Vísir - DV - 21.04.2016, Blaðsíða 46
38 Fólk Helgarblað 21.–25. apríl 2016
MagnesíuM Kísill
Hin fullkomna tvenna
fyrir Heilsu og fegurð
Þrettán ára fréttakona
N
ú stendur yfir Barna-
menningarhátíð sem
hefur undið upp á sig og
skapað sér stóran sess í
menningarlífi Íslendinga
á undanförnum árum. Margir
hafa í nægu að snúast í tengsl-
um við hátíðina en þar á meðal er
fréttakonan Þórdís Ólafsdóttir, sem
sér um að segja fréttir af hátíðinni í
gegnum KrakkaRÚV.
Þórdís Ólafsdóttir er þrettán
ára gömul og stundar nám í Norð-
lingaskóla. Samhliða námi æfir
hún dans og selló, það gefur því að
skilja að lífið getur verið ansi anna-
samt hjá þessari duglegu stelpu.
Þórdís leggur áherslu á að vera
alltaf til búin að prófa eitthvað nýtt
og óþekkt en í því ljósi heillaði starf
fréttamanns hjá Krakkarúv þegar
hún sá auglýsingu um starfið.
„Ég sá auglýst eftir ungum frétta-
mönnum hjá KrakkaRÚV í sjón-
varpinu og mér finnst svo gaman
að prófa eitthvað nýtt svo ég ákvað
að slá til og senda inn umsókn. Mér
finnst líka Barnamenningarhátíð
svo skemmtilegur viðburður
þannig að þetta er fullkomin leið
til þess að taka virkan þátt í hátíð-
inni.“
Ásamt fjölda annarra barna og
ungmenna sótti Þórdís um starf-
ið sem aðeins örfáum útvöldum
bauðst, þar á meðal henni.
„Að undanförnu höfum við far-
ið á námskeið og kynningar til þess
að undirbúa okkur fyrir starfið. Við
höfum farið í mikla þjálfun og þurft
að skila inn heimaverkefnum. Mér
hefur þótt þetta undirbúningsferli
ótrúlega skemmtilegt auk þess sem
ég hef fengið að vinna með fólki
sem ég hef litið upp til og kynnst
fullt af skemmtilegum krökkum.
Svo er ekkert sjálfgefið að fá að taka
þátt í svona miklu menningarstarfi
eins og Barnamenningarhátíð er. “
Þegar blaðamaður náði tali
af Þórdísi var hún á leiðinni í sitt
fyrsta verkefni sem fréttakona.
„Barnamenningarhátíðin er að
byrja og upphafsatriðið er að hefj-
ast. Við ætlum að sýna frá upphafs-
atriðinu og taka viðtöl við krakka
sem eru á hátíðinni. Í framhaldinu
erum við svo búin að skipuleggja
mjög margt þannig að það eru
margir viðburðir væntanlegir og
margt spennandi framundan í
starfinu.“
Spennan og eftirvæntingin
leynir sér ekki í rödd Þórdísar sem
viðurkennir pínulítið stress.
„Mér finnst ekkert erfitt við
fréttaritarastarfið en þetta getur
vafalaust orðið stressandi. Til
dæmis er ekki hægt að vera smá-
munasamur því við þurfum að
skila efni fyrir ákveðin tíma og
maður getur alltaf og vill kannski
gera betur en það gefst ekki tími
til.“
Þarf að hafa hugrekki
Þórdís hafði aldrei áður leitt hug-
ann að því að starfa sem fréttakona
í framtíðinni en eftir þessa reynslu
útilokar hún það ekki.
„Það er aldrei að vita nema ég
verði fréttakona í framtíðinni. Mér
hafði ekki dottið það í hug áður því
ég hélt að það væri rosalega erfitt
en svo virðist það vera bara mjög
skemmtilegt. Ég hef lært mikið af
þessu og sé núna hvernig maður
ber sig að sem fréttamaður. Þetta er
til að mynda mjög góð leið til þess
að læra að koma fram og hjálpar
að vinna gegn feimni. Ég þarf til
dæmis að hafa hugrekki til þess að
spyrja aðra hvort ég megi taka við-
tal við þau.“
Fréttakonan unga á erfitt með
að gera upp á milli þeirra viðburða
sem Barnamenningarhátíð hef-
ur upp á að bjóða. Sjálf hefur hún
þó fengið tækifæri til þess að taka
þátt í Upptaktinum en það er vett-
vangur fyrir ung tónskáld til þess
að semja og koma verkum sínum á
framfæri með aðstoð atvinnutón-
listarfólks.
„Það sem mér finnst best við
Barnameningarhátíð er hve af-
skaplega fjölbreytt hún er og hvað
hún býður upp á margt að skoða og
gera fyrir börn og fjölskyldur þeirra.
Öll atriðin eru jafn spennandi en
sjálf fékk ég að taka þátt í Upptakt-
inum fyrir nokkrum árum þannig
að sá viðburður á sérstakan stað í
hjarta mínu. Ég hlakka því einkar
mikið til að sjá hvernig sá viðburð-
ur hefur breyst og hvað krakkarnir
þar eru að brasa í ár.“
Að lokum er Þórdís spurð hvort
henni þyki Barnamenningarhátíð-
in mikilvæg og hún hugsar sig ekki
um þegar hún segir:
„Já, mér finnst hún mjög mikil-
væg. Barnamenningarhátíð skapar
tækifæri fyrir fjölskyldur til þess að
vera saman og svo er ótrúlegt hvað
litlir viðburðir á hátíðinni geta gert
mikið fyrir svo marga.“ n
Út fyrir
kassann
Kristín Tómasdóttir
skrifar
„Það er aldrei að
vita nema ég verði
fréttakona í framtíðinni.
Mér hafði ekki dottið það
í hug áður því ég hélt að
það væri rosalega erfitt
en svo virðist það vera
bara mjög skemmtilegt.
Þórdís Ólafsdóttir „Ég
hef lært mikið af þessu og
sé núna hvernig maður ber
sig að sem fréttamaður.“
Mynd SigTryggur Ari
Þórdís Ólafsdóttir segir fréttir hjá KrakkaRÚV