Dagblaðið Vísir - DV - 30.12.2016, Blaðsíða 6
Áramótablað 30. desember 20166 Fréttir
Þetta Þarftu að
vita um útsölur
n ekki láta blekkjast af gylliboðum n Gerðu verðsamanburð og þekktu rétt þinn
Lækkað verð? Ekki er allt sem sýnist þegar kemur að útsölum. Um þær gilda strangar reglur.
1 sex vikna hámark Þegar vara eða þjónusta hefur verið
auglýst á lækkuðu verði í sex vikur
skal það kallast venjulegt verð. Um
það kveða reglur Neytendastofu
um útsölur. Þar stendur líka að
skýrt skuli í auglýsingum taka fram
hvaða vörur eða þjónusta er seld á
lækkuðu verði.
2 ekki kaupa óþarfa Kauptu eitthvað sem
þú hefðir keypt þótt það
væri ekki á útsölu. Þetta er
eitt af þeim atriðum sem
finna má um útsölur á vef
Fjármálaskólans. Að öðrum
kosti gætir þú látið frá þér peninga í
hluti sem þig vantar ekki. Ekki fara
bara til að skoða eitthvað.
3 verða að geta sannað lækkun Það er beinlínis
óheimilt að auglýsa vöru á útsölu
nema um raunverulega verðlækkun
sé að ræða. Verðmerkingin þarf að
sýna skýrt hvert upprunalegt verð
vörunnar var. Verslunin þarf að geta
sýnt Neytendastofu fram á að hún
hafi selt vöruna á því verði áður.
4 mættu snemma Vænlegast til árangurs er að mæta
snemma á útsölu, samkvæmt
Fjármálaskólanum. Þá er líklegast
að finna það sem mann vantar,
áður en það klárast. Algengustu
stærðirnar, þegar kemur að fatnaði
eða skóm, seljast fyrst.
5 Gerðu verðsamanburð Flestar alvöru verslanir sýna
verð á vörum á vefsíðum sínum.
Aðrar gefa líka út auglýsingabæk-
linga sem rata inn um bréfalúgur
fólks. Eitt mikilvægasta ráðið, til að
átta sig á því hvort varan er á góðu
verði, er að bera saman verð. Á
netinu er það afar auðvelt. Gott er
að gera verðsamanburð innanlands
en ekki síður er gott að bera saman
verð við útlönd. Pricerunner.co.uk,
pricerunner.dk, og prisjakt.no eru
dæmi um síður þar sem bera má
saman verð með auðveldum hætti.
Ekki láta glepjast af hárri hlutfalls-
tölu þegar afsláttur er auglýstur.
6 Gerðu innkaupalista Gott ráð áður en á útsölur er haldið
er að gera innkaupalista og ræða
við maka sinn eða vin, hvað þú ert
tilbúinn til að greiða fyrir vöruna. Ef
þú finnur vöruna ekki innan þeirra
marka sem þú hefur sett þér hvað
verð varðar, skaltu kaupa hana við
annað tækifæri – ef þörf krefur.
7 leitaðu í Bretlandi Þannig háttar til að gengi íslensku
krónunnar er afar sterkt um þessar
mundir, ekki síst gagnvart pund-
inu. Í Bretlandi er því hægt að gera
sérstaklega góð kaup. Verslana-
keðjur eins og Tesco og Argos selja
alls kyns varning á hagstæðu verði.
Mundu að janúarútsölur eru ekki
séríslenskt fyrirbrigði því um allan
heim er hægt að gera frábær kaup á
þessum árstíma. Pricerunner.co.uk
er frábært verkfæri til að einfalda
þér leitina – ef þig bráðvantar ekki
vöruna strax.
8 „takmarkað magn“ Í regl-um Neytendastofu um útsölur
kemur fram að verslanir mega ekki
auglýsa „takmarkað magn“ vöru
nema tilgreina hversu mikið magn
stendur til boða. Þá mega verslanir
ekki segja að eitthvað fylgi ókeyp-
is með – eða sé gjöf – þegar um
kaupauka með vöru sem þú greiðir
fyrir er að ræða.
9 14 daga skilaréttur Neyt-endasamtökin hafa gagnrýnt
það harðlega að útsölur hefjist svo
skömmu eftir jól – svo neytendum
gefst ekki tími til að skila vöru og
fá fullt verð endurgreitt. Í verk-
lagsreglum viðskiptaráðuneytisins
um skilarétt kemur fram að réttur
til að skila ógallaðri vöru skuli að
minnsta kosti vera 14 dagar frá
afhendingu. Ekki þarf að framvísa
kvittun þegar gjafamerki er á vör-
unni. Inneignarnótur skuli miðast
við upprunalegt verð. Þá segir í
reglunum að inneignarnótur og
gjafabréf skuli gilda í allt að fjögur ár
frá útgáfudegi.
10 rýmingarsölur Algengt er að sjá auglýsingar um rým-
ingarsölur. Í reglum Neytendastofu
kemur fram að aðeins skuli auglýsa
rýmingarsölu þegar verslun hættir
eða hættir sölu tiltekins vöruflokks.
„Rýmingarsala skal ekki standa yfir
í lengri tíma og eigi hún einungis
við um takmarkað vöruúrval skal
það tekið skýrt fram í auglýsingum
og varan höfð aðgreind frá öðrum
vörum. Vara sem seld hefur verið í
rýmingarsölu skal ekki selja síðar á
fullu verði.“