Dagblaðið Vísir - DV - 30.12.2016, Blaðsíða 25

Áramótablað 30. desember 201626 Fréttir Innlendur fréttaannáll
September
1. september
Ofurbónusar besta
leiðin
Paul Copley, forstjóri Kaupþings,
mætir í Kastljós og ver ofurbónusa-
kerfi eignarhaldsfélagsins sem DV
hafði afhjúpað nokkrum dögum
áður. Það opnar á möguleikana á
mörg hundruð milljóna bónus-
greiðslur til handa starfsmönnum á
komandi árum. Copley sagðist hafa,
í sátt við stjórn og hluthafa, ákveðið
að þetta fyrirkomulag væri hvetj-
andi fyrir starfsfólk til að binda enda
á starf sitt fyrr en ella. „Ég er sann-
færður um að þetta sé besta leiðin.“
2. september
Milljarðar í hvalkjöti
DV greinir frá því að birgðir Hvals hf.
af frystum hvalaafurðum séu metnar
á 3,6 milljarða króna þegar síðasta
fjárhagsári félagsins lauk í septem-
ber í fyrra. Óseldar birgðir fyrir-
tækisins voru tveimur árum áður
metnar á 1,8 milljarða króna en erf-
iðlega hefur gengið að koma kjötinu
á markað í Japan. Hvalur hf. hætti
að veiða hval en á af þessum sökum
nóg af óseldu kjöti á lager. 2,3 millj-
arða króna hagnaður Hvals skýrist
nær alfarið af tekjum af eignarhlut
í Vogun hf., sem á 33,7% hlut í HB
Granda og ríflega annað eins í
Hampiðjunni.
3. september
Nova-
snappið
hneykslar
Allt fer á hliðina
er óhugnan-
leg saga birtist á
Snapchat-aðgangi
fjarskiptafyrirtækisins
Nova. Þar mátti meðal annars sjá
fíkniefnaneyslu, partí, ungt fólk flutt
með sjúkrabíl og mannrán. Í ljós
kemur að um var að ræða hliðar-
sögu úr kvikmyndinni Eiðinum
sem leikstýrt er af Baltasar Kormáki
og frumsýnd var síðar í mánuðin-
um. Ekki áttuðu allir sig á því og
vakti uppátækið mikla hneykslan.
DV bárust ótal ábendingar vegna
málsins frá reiðum og áhyggjufull-
um foreldrum sem höfðu áhyggjur
af því að börn þeirra sæju óhugnað-
inn.
4. september
Banaslys á Ólafs-
fjarðarvegi
Alvarlegt umferðarslys þriggja
bifreiða verður við vegamót
Ólafsfjarðarvegar og Skíða-
dalsvegar. Fjórir voru
fluttir á sjúkrahús. Ung
stúlka frá Siglufirði, fædd
árið 2008, lést í slysinu.
4. september
Fæðing á bílaplani
í Hamraborg
Stúlkubarn kemur í heiminn á
bílastæði Íslandsbanka í Hamra-
borg í Kópavogi. Foreldrarnir, Ein-
ar Þór Hákonarson og Ragna Þyrí
Dögg Guðlaugsdóttir, voru staddir í
Keflavík þegar hríðir hófust og óku
þeir í skyndi sem leið lá á Landspít-
alann í Reykjavík. Þau komust þó
ekki lengra en að bílastæðinu því
stúlkunni lá á að komast í heiminn.
Ragna, sem er lærður hjúkrunar-
fræðingur, tók sjálf á móti barninu
og gekk allt að óskum.
5. september
Sakfelld í stóru fíkni-
efnamáli
Íslenskir fjölmiðlar greina frá því
að Kolbrún Ómarsdóttir hafi í júní
verið dæmd í þriggja mánaða skil-
orðsbundið fangelsi fyrir aðild að
umfangsmiklu fíkniefnamáli í Bret-
landi. Málið kom upp á síðasta ári
og DV greindi frá því þegar mikið
magn fíkniefna fannst á heimili kon-
unnar og unnusta hennar í Melling
á Norður-Englandi. Um var að ræða
13 kíló af heróíni, 38 sterlingspund
og 1,2 milljónir evra í reiðufé sem
fundust við húsleit.
Darren Marsden hlaut 12
ára dóm og samverka-
maður hans, Joseph
Courtney, fékk 10
ára dóm.
5. september
Kennarar
fella kjara-
samning
Meirihluti í Félagi grunn-
skólakennara fellir nýjan kjara-
samning við Samband íslenskra
sveitarfélaga. Skrifað hafði ver-
ið undir nýjan kjarasamning í lok
ágúst sem byggði á samningi sem
kennarar í Félagi grunnskóla-
kennara felldu í júní.
6. september
Ferðamaður fróaði sér
við grunnskóla
Hópur nemenda við Fjölbrautaskóla
Suðurlands nær á myndband þegar
nakinn ferðamaður í bíl fyrir utan
Vallaskóla og íþróttahúsið Iðu á Sel-
fossi fróar sér. Myndbandinu, sem
tekið var 5. september, var komið til
lögreglu sem hóf rannsókn á mál-
inu. Maðurinn reyndist ferðamað-
ur frá Ísrael. Lögreglan handtekur
hann degi síðar og er hann úrskurð-
aður í farbann.
12. september
25 milljóna framboð
Guðna
Kostnaður við forsetaframboð
Guðna Th. Jóhannessonar, sem var
kjörinn forseti Íslands í sumar, nam
rúmum 25 milljónum króna. Þetta
kemur fram í rekstrarreikningi sem
Guðni skilaði til Ríkisendurskoðun-
ar og var birtur á heimasíðu stofn-
unarinnar.
18. september
KSÍ hafnaði FIFA 17
Sú ákvörðun KSÍ að hafna tilboði
tölvuleikjaframleiðandans EA
Sports um að hafa íslenska karla-
landsliðið í knattspyrnu með í FIFA
17 vekur mikla reiði á meðal ís-
lenskra knattspyrnu- og tölvuleikja-
áhugamanna. Um er að ræða einn
stærsta og vinsælasta tölvuleik
heims og bauðst KSÍ ein milljón
króna fyrir þátttökuna. Geir Þor-
steinsson, formaður KSÍ, sagði að
upphæðin hefði verið of lág og
gagntilboði KSÍ ekki verið tekið. Al-
mannatengill lýsir ákvörðuninni
sem ævintýralegu markaðsklúðri
í kjölfar frábærs árangurs lands-
liðsins á EM í sumar.
18. september
Banaslys á Snæfells-
nesi
38 ára karlmaður lætur lífið í bíl-
veltu á Snæfellsnesi. Slysið varð
á Útnesvegi í Breiðuvík, skammt
austan Arnarstapa. Maðurinn lætur
eftir sig unnustu og tvö börn.
20. september
Misþyrmt í Eyjum
Lögreglan í Vestmannaeyjum rann-
sakar alvarlega líkamsárás sem átti
sér stað í bænum aðfaranótt 17.
september. Nakin kona á fimm-
tugsaldri fannst utandyra í aust-
urhluta bæjarins með alvarlega
áverka á höfði. Grunur lék á að hún
hefði orðið fyrir kynferðisofbeldi.
Þetta staðfesti Páley Borgþórsdótt-
ir, lögreglustjóri í Vestmannaeyj-
um, í samtali við DV. Konan var flutt
með sjúkraflugi á Landspítalann í
Fossvogi þar sem gert var að sárum
hennar. Maður, sem grunaður var
um árásina, var handtekinn á heim-
ili sínu sömu nótt.
22. september
Barátta Stefáns Karls
Leikarinn Stefán Karl Stefánsson
og eiginkona hans, Steinunn Ólína
Þorsteinsdóttir, greina frá því að
Stefán glími við alvarleg veik-
indi. Um var að ræða mein
sem veldur þrengingum
í gallvegi og brisgöng-
um en ekki var vitað
hvort meinið væri ill-
eða góðkynja. Upp-
lýstu hjónin að Stefán
mundi gangast undir
umfangsmikla skurðað-
gerð 4. október þar sem
meinið yrði fjarlægt.
26. september
Álagsbónus KSÍ
Greint er frá því að stjórn KSÍ hafi
samþykkt í júlí að greiða starfsfólki
sambandsins launauppbót sökum
álags í tengslum við þátttöku karla-
landsliðs Íslands á EM í knattspyrnu
í Frakklandi í sumar. Bónusinn sam-
svarar mánaðarlaunum hvers starfs-
manns. Tillagan var komin frá Geir
Þorsteinssyni, formanni KSÍ.
26. september
Dýr var Davíð allur
Ríkisendurskoðun birtir upp-
gjör Davíðs Oddssonar, ritstjóra
Morgunblaðsins, vegna forseta-
framboðs hans í sumar. Kostnað-
ur framboðsins nam 28 milljónum
króna en ríflega 11 milljónir komu
úr vasa Davíðs sjálfs og 400 þúsund
krónur frá eiginkonu hans, Ástríði
Thorarensen.
Halla Tómasdóttir, sem hafnaði í
öðru sæti í forsetakjörinu, eyddi 8,8
milljónum á sama tíma, en þar af
komu tvær milljónir úr hennar vasa.
27. september
Íslendingur beit mann
í lest
Íslendingur í annarlegu ástandi
ræðst á mann um borð í lest í
Berlín og bítur hluta úr eyra hans.
Íslendingurinn var handtekinn í
kjölfarið. Í ljós kom að fórnarlamb
árásarinnar hafði reynt að stöðva
árás Íslendingsins á annan farþega
í lestinni.
Mynd Sigtryggur Ari
Hreinsun
á kjólum
1.600 kr.
Opið
Virka daga
08:30-18:00
laugardaga
11:00-13:00
Hringbraut 119 - Einnig móttaka á 3.hæð í Kringlunni
hjá Listasaum - Sími: 562 7740 - Erum á Facebook