Dagblaðið Vísir - DV - 30.12.2016, Blaðsíða 51

Áramótablað 30. desember 20166 Völvuspáin 2017
uppnám á
spítalanum
Ástandið á Landspítalanum mun
skána lítið sem ekkert. Völvan sér
sjúklinga enn í rúmum frammi á
göngum og í einstaka tilfellum á
kaffistofum. Starfsfólk á spítalan­
um mun ítrekað mæta í fjölmiðla
og benda á ástandið og hið sama
munu sjúklingar gera. Langlundar­
geð starfsfólks LSH mun þrjóta eft­
ir margra ára fjársvelti. Hjúkrunar­
fræðingar, ásamt fleiri stéttum,
munu sjá hag sínum betur borg­
ið utan stofnunarinnar. Uppsagn­
ir munu byrja að hrannast inn til
stjórnenda þegar á vormánuðum.
ár ney tenda
Völvan telur að árið 2017 verði ár
neytandans. Neytendur rakna úr
rotinu og vakna til vitundar um að
okur hefur þrifist í flestum kimum
íslenskrar verslunar.
Frá því eru undan­
tekningar og völvan
nefnir IKEA sem
dæmi, en þaðan er
stofusófinn hennar
greinilega kominn.
Neytendur segja versl­
uninni stríð á hendur á
árinu og í fjarska sér völvan ný
neytendasamtök verða til. Óvæntur
en kærkominn kandídat stígur fram
sem nýr og öflugur málsvari al­
mennings í neytendamálum.
Tilkoma Costco mun skilja ís­
lenska heildsala eftir í blóði sínu,
neytendum til heilla. Menn sem leg­
ið hafa á meltunni um árabil munu
þurfa að finna sér nýjar matarholur.
Eldsneyti sem Costco selur á verði
sem hefur ekki sést á Íslandi í ára­
raðir mun leiða til þess að hrikta
mun í stoðum stórra aðila á elds­
neytismarkaði. Völvan sér skarpa
lækkun á eldsneytisverði í upphafi
sumars og dramatískar breytingar á
rekstrarumhverfi olíufélaga. Gömlu
risarnir munu berjast fyrir stöðu
sinni til síðasta dísildropa – jafn­
vel fyrir dómstólum. Samkeppnis­
eftirlitið mun fá risastórt samráðs­
mál í fangið, sem
tengist komu
Costco.
Raftækjaversl­
anir munu einnig
finna fyrri kaldri
kló bandaríska
smásölurisans, rétt
eins og fataverslanir.
Þeir neytendur sem binda
vonir við að tilkoma H&M muni fella
fataverð munu verða fyrir sárum
vonbrigðum. Costco mun þar hafa
mun meiri áhrif og koma sem hvirf­
ilbylur inn á ólíklegustu markaði.
Margir verða sárir. Með vorinu sér
völvan hatrammt áróðursstríð gegn
ameríska risanum hefjast.
síðustu
jól IKea-
geItarInnar
Það er gott yfir IKEA að öðru leyti
en því að komið er að ögurstund
hjá hinni margfrægu geit sem þar er
reist fyrir jólahátíðina. Eftir funda­
höld hjá eigendum IKEA hér á landi
verður ákveðið að reisa hana að
nýju, þrátt fyrir efasemdir um að
hún komist ósködduð frá því. Að
gömlum íslenskum sið verður geitin
síðan brennd af dólgum á öðrum
eða þriðja degi. Hún mun ekki rísa
aftur.
IngIbjörg
opnar sIg
Fjölmiðlar munu fjalla um frek­
ari kaup Ingibjargar Pálmadóttur,
stærsta hluthafa 365 miðla og eig­
inkonu Jóns Ásgeirs
Jóhannessonar, á
hlutabréfum í
verslunarris­
anum Hög­
um. Tilraun­
ir hennar til
að auka við
hlut sinn í
fyrirtækinu
munu vekja
athygli um mitt
ár og hleypa lífi í
umfjöllun um annars
daufan júlímánuð í Kaup­
höll Íslands. Þetta mun leiða til þess
að Ingibjörg verður í stóru viðtali
þar sem hún mun opna á ýmis göm­
ul mál sem tengjast hruninu og eft­
irmálum þess. Ekki þarf sérstaka
skyggnigáfu til þess að sjá að þau
ummæli munu víða falla í misjafnan
jarðveg, segir völvan og kímir.
FIve gu ys
hIngað tIl
lands
Þá mun bandaríska hamborgara­
keðjan Five Guys bætast í skyndi­
bitaaflóru landsins þrátt fyrir að
mörgum þyki nóg um. Græn­
metisætur og aðrir grasbít­
ar geta þó huggað sig við
það að McDonald's og
Burger King koma ekki.
Þegar völva DV horfir
inn í skyndibitaheim
næsta árs blasir einnig
við að erlendir eigend­
ur Coca­Cola Europe­
an Partners Ísland ehf.,
áður Vífilfells, munu
draga úr framleiðslu á
sykruðu gosi en aftur
á móti flytja inn
sömu vörur
frá Evrópu.
Margir
munu óttast að „íslenska kókið“
hverfi, og ekki að ástæðulausu, en
það gerist þó ekki.
bIrna úr ís-
landsbanKa
Ólíkt kókinu þá mun Birna Einars­
dóttir hverfa, það er að segja úr stól
bankastjóra Íslandsbanka.
Birna varð ansi óhress
þegar ríkið eignað­
ist bankann og héldu
margir að hún myndi
í kjölfarið segja upp.
Birna mun þó áfram
vera áberandi í ís­
lensku viðskiptalífi
en eitthvað er fram­
tíð hennar hulin að því
leytinu til að völvan sér
ekki hvort hún mun taka
við stjórnunarstöðu hjá einu
af stóru tryggingafélögunum eða
greiðslukortafyrirtækinu Valitor.
erlendIr
aðIlar eIgn-
ast í arIon
Fleiri stórar fréttir munu berast
úr bankageiranum en þó engin
stærri en sú þegar erlendir aðilar
eignast minnihluta í Arion banka.
Eignarhaldsfélagið Kaupþing, sem á
87 prósenta hlut í bankanum, verð­
ur gagnrýnt fyrir þá sölu af öllum
frá þingmönnum og niður í virka í
athugasemdum en aðrir, þar á með­
al Bjarni Benediktsson forsætisráð­
herra, benda á kosti þess að bank­
inn sé að hluta til í eigu útlendinga.
FjölmIðlar
spjara sIg
Völvan er spurð um fjöl­
miðla og segir hún að
fjölmiðlaumhverfið sé
sannarlega erfitt en fjöl­
miðlarnir muni spjara
sig þokkalega, þrátt fyr­
ir stöðugar kröfur um
sparnað og hagræðingu.
Fjölmiðlar verða
sumpart í stuði á árinu og
munu afhjúpa fleiri neytenda­
mál af þeirri stærðargráðu sem
Brúneggjamálið var. Neytendur
munu snúa baki við þekktum fram­
leiðanda í matvælaiðnaði. Völv­
an sér verksmiðjuframleidd svín
hlaupa um í for, í fyrsta sinn, fyrir
tilstilli almennings.
helgI seljan
hverFur
Frá rúv
Hjá RÚV verður allt nokkurn veginn
í sóma, fyrir utan stormasöm sam­
skipti fréttastofunnar og Sigmundar
Davíðs Gunnlaugssonar. Uppákoma
mun svo verða þegar Helgi Selj­
an missir stjórn á sér í Kastljósþætti
og hellir sér yfir ráðherra í beinni
útsendingu. Völvan segir að
sér sýnist það verða vegna
ástands á Landspítalanum,
sem Helgi telji stjórnvöld
bera ábyrgð á. Ofsi Helga
verður það mikill að ráð­
herrann yfirgefur mynd­
verið. Útvarpsstjóri veitir
Helga áminningu sem
hann tekur svo illa að hann
segir starfi sínu lausu. 365
miðlar gera honum
umsvifalaust
tilboð sem
hann tek­
ur.
ljúffengur morgunmatur
alla daga
Kaffivagninn / Grandagarði 10, 101 Rvk.
Sími: 551 5932 / www.kaffivagninn.is
Opið virka daga frá 07:30–18:00
og um helgar frá 09:30–18:00
gamla
höfnin