Dagblaðið Vísir - DV - 30.12.2016, Blaðsíða 99

Áramótablað 30. desember 201680 Fólk
Sími: 562 5900
www.fotomax.is
Ömmu og
afa bollar í
miklu úrvali
Fæst í vefverslun og í verslun
okkar að Höfðabakka 3
Þau fundu ástina á árinu
Á
rið 2016 er orðið alræmt fyr-
ir þann mikla fjölda frægra og
dáðra einstaklinga sem yfir-
gáfu þetta jarðlíf. Fjölmargt
gleðilegt átti sér þó stað á
árinu og eitt af því er þegar tveir
einstaklingar fella hugi saman. DV
rifjar upp ástarsambönd sex þjóð-
þekktra para sem tilkynntu um sam-
bönd sín á árinu. n
Hildur og Ólafur á góðri stund
Orðrómur um samband Ólafs Stephensen, framkvæmdastjóra Félags atvinnurekenda,
og borgarfulltrúans, Hildi Sverrisdóttur, hefur verið hávær undanfarin ár. Parið hefur
ekki opinberað samband sitt formlega og sem dæmi má nefna að Ólafur er ennþá
skráður einhleypur á Facebook. Um jólin birtu þau bæði myndir af sér í boði hjá fjöl-
skyldu Ólafs og staðfestingar verða ekki skýrari en það. Ástin blómstrar.
Ástin spyr ekki um landamæri
Það vakti verðskuldaða athygli á árinu þegar handboltakappinn Aron Pálmarsson og söng-
og leikkonan Ágústa Eva Erlendsdóttir sviptu hulunni af sambandi sínu. Aron spilar með
stórliðinu Veszprém í Ungverjandi og ferðast heimshornanna á
milli út af handboltanum en Ágústa Eva býr í Hveragerði.
Turtildúfurnar nýta hverja lausa
stund til að hittast og hafa
stórauknar flugsamgöng-
ur til Íslands undanfarin
misseri eflaust komið
sér vel. Aron er tilefndur
sem íþróttamaður
ársins fyrir vasklega
framgöngu sína á árinu
og Ágústa Eva lék meðal
annars lítið hlutverk í
stórmyndinni Justice
League sem tekin
var upp að hluta á
Ströndum.
Í fljúgandi gír
Allt gengur Skúla Mogensen í haginn. Margir héldu að hann væri orðinn galinn þegar
hann stofnaði flugfélagið WOW á sínum tíma en eftir erfiða byrjun er fyrirtækið byrjað
að mala gull. Hann var nýlega kjörinn viðskiptamaður ársins af miðlum 365. Það gengur
ekki síður vel í einkalífinu hjá Skúla en á árinu tók hann saman við fitnessdrottninguna
Írisi Örnu Geirsdóttur. Þau skötuhjúin eru dugleg að ferðast og njóta lífsins saman.
Á vængjum
ástarinnar
til Nepal
Sjónvarpskonan Friðrika Hjördís
Geirsdóttir og Haraldur Örn Ólafsson,
framkvæmdastjóri Íslandssjóða og
einn þekktasti útivistarmaður landsins,
opinberuðu samband sitt á árinu. Með ný-
fundnu ástinni má sannarlega fullyrða að
þetta hafi verið ár breytinga hjá Rikku, sem
hætti störfum eftir áratug á 365 og fór að
takast á við nýjar áskoranir. Haraldur Örn
vann það sér til frægðar á árum áður að
ganga á báða pólana sem og að klífa sjö
hæstu tinda heims. Hann kynnti kærust-
unni fyrir helstu raun útvistarmanna þegar
skötuhjúin skelltu sér í ferð til Nepal og
skoðuðu grunnbúðir Everestfjalls.
Hjörvar
Hafliðason
Ástarblossar kviknuðu á árinu milli
fjölmiðlamannsins Hjörvars Hafliða-
sonar og lögfræðingsins Heiðrúnar
Lindar Marteinsdóttur. Það var nóg að
gera á öllum vígstöðvum hjá Heiðrúnu
Lind en hún landaði eftirsóttri en
krefjandi stöðu framkvæmdastjóra SFS
síðla árs. Á meðan hefur Hjörvar skemmt
hlustendum Brennslunnar alla morgna á
FM957 auk þess að halda um taumana
á umfjöllun 365 um enska boltann í
sjónvarpsþættinum Messunni.