Morgunblaðið - 20.04.2017, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 20. APRÍL 2017
Sími 788-2070 / 787-2070 | hotelrekstur@hotelrekstur.is | hotelrekstur.is
Baðvö
rur
HOTELREKSTUR
ALLT Á EINUM STAÐ
Fyrir hótel, gistiheimili, dvalarheimili, veitingahús,
veisluþjónustur, heilsugæslustofnanir o.fl.
Haldið var upp á aldarafmæli Leik-
félags Akureyrar með hátíðardag-
skrá í Samkomuhúsinu síðdegis í
gær. Forseti Íslands, Guðni Th. Jó-
hannesson, hélt erindi, hljómsveitin
Hundur í óskilum skemmti og tón-
listarperlur úr sögu LA voru flutt-
ar.
Meðal þeirra sem komu fram
voru nokkrir af fyrstu fastráðnu
leikurunum í sögu LA, Sunna Borg,
Saga Jónsdóttir, Gestur Einar Jón-
asson og Aðalsteinn Bergdal, sem
öll eru heiðursfélagar LA. Félagið
var stofnað 19. apríl 2017 og verður
aldarafmælinu fagnað út árið með
margvíslegum viðburðum.
Morgunblaðið/Skapti Hallgrímsson
Gamanmál Hljómsveitin Hundur í óskilum, Eiríkur G. Stephensen og Hjörleifur Hjartarson á leiksviðinu í gær.
Aldarafmæli LA fagnað
Stjórar Leikhússtjórar LA, sem voru viðstaddir samkomuna í gær, ásamt
forseta Íslands. Signý Pálsdóttir, Magnús Geir Þórðarson, Jón Páll Eyjólfs-
son, núverandi leikhússtjóri, Viðar Eggertsson og Guðni Th. Jóhannesson.
Magnús Heimir Jónasson
mhj@mbl.is
Aðalmeðferð í hópmálsókn fjögurra
einstaklinga gegn íslenska ríkinu
vegna aðgerða lögreglunnar á Vest-
urlandi lauk á þriðjudaginn. Stefn-
endur krefjast viðurkenningar á
ólögmætum þvingunaraðgerðum
lögreglunnar á tónlistarhátíðinni
Extreme Chill Festival á Hellis-
sandi árið 2015. Að sögn lögmanns
hópsins, Helgu Völu Helgadóttur,
eru stefnendur í málinu einungis
hluti af þeim sem upplifðu brotið á
sér á hátíðinni. Vænta má niður-
stöðu dómsins innan fjögurra vikna.
Hátíðargestir í heljargreipum
Tónlistarhátíðin Extreme Chill
hefur verið haldin árlega síðan 2009.
Árið 2015 var viðbúnaður lögreglu
meiri en áður og kvörtuðu margir
gestir undan framferði lögreglunn-
ar. Skipuleggjendur hátíðarinnar
sendu frá sér yfirlýsingu til fjöl-
miðla um að lögreglan hefði haldið
hátíðargestum í heljargreipum frá
því þeir komu á svæðið. „Við tókum
á móti fjölda fólks í áfalli í anddyri
hátíðarsvæðisins sem treysti sér
ekki aftur á tjaldsvæðið sökum
ágangs og valdníðslu lögreglu-
manna að þeirra sögn,“ segir í yf-
irlýsingunni.
Guðrún Lárusdóttir, sem kemur
að skipulagningu hátíðarinnar
ásamt manni sínum, Pan Thoraren-
sen, birti á sínum tíma grein á vef
Kvennablaðsins þar sem hún lýsti
stöðugu eftirliti lögreglu, vegatálm-
um, lögregluhundum, leitum í tjöld-
um, rútum og á fólki. Hún sagði
einnig frá kunningjakonu sinni sem
þurfti að fara í þvagprufu og blóð-
prufu á staðnum og konu sem þurfti
að „strippa fyrir framan lögregl-
una“ eftir að hundur lögreglu lét
hana ekki í friði.
Aðalmeðferð
lokið í hópmál-
sókn gegn ríkinu
 Telja lögregluna hafa farið út fyrir
valdheimildir sínar á Extreme Chill
Extreme Gestir hátíðarinnar voru
afar ósáttir við lögregluna í fyrra.
Sigurður Bogi Sævarsson
sbs@mbl.is
„Sérsveitin og efling hennar er mik-
ilvæg, en einnig er nauðsynlegt að
endurnýja bíla og búnað almennrar
löggæslu,“ segir Sveinn Kr. Rúnars-
son, yfirlögregluþjónn á Suðurlandi.
Eins og sagði frá í Morgunblaðinu í
gær er sérsveit Ríkislögreglustjóra
þessa dagana að taka í notkun fjóra
sérútbúna bíla af gerðinni Ford Pol-
ice Interceptor, kraftmikla og vel
tækjum búna, og kostar hver þeirra
15 milljónir króna. Aukinheldur er
verið að skipta út einkennisklæðnaði
sérsveitarmanna, sem framvegis
verða í gráum samfestingum í stað
blárra eins og verið hefur.
Í flota lögreglu á Suðurlandi eru
13 sérmerktir bílar, sem eru í mikilli
notkun. Þremur þessara bíla, sem
eru af gerðinni Skoda Superb, hefur
verið ekið 300 – 400 þúsund kíló-
metra og fyrir vikið eru þeir orðnir
nokkuð viðhaldsfrekir.
Fimm bílar á endurnýjartíma
„Fimm af okkar bílum eru komnir
á endurnýjunartíma, en sennilega
fáum við ekki nema einum skipt út í
ár. Um mest eknu bílana má segja að
einn dagur í notkun þýði annar á
verkstæði og auðvitað er engin glóra
í slíku,“ segir Sveinn.
Á síðastliðnu ári fékk starfsstöð
Suðurlandslögreglunnar á Selfossi
tvo nýja Skoda Superb bíla en fékk
jafnframt að halda eftir tveimur
eldri bílum sömu gerðar. Það segir
Sveinn að hafi verið nauðsynleg ráð-
stöfun, enda séu verkefnin alltaf að
aukast. Vegna mikillar fjölgunar
ferðamanna hafi verið nauðsynlegt
að efla eftirlit og löggæslu, og þar
hefur mest áhersla verið lögð á upp-
sveitir Árnessýslu, ýmsar hálendis-
slóðir og svæðið milli Kirkjubæjar-
klausturs og Hafnar í Hornafirði.
Vegna þessara auknu verkefna hafa
fengist frekari fjárveitingar og hefur
embættið því um 870 milljónir úr að
moða. Embættin sjálf ákveða þó ekki
hvernig endurnýjun ökutækja fer
fram heldur er það alfarið háð fjár-
veitingum sem fara til embættis Rík-
islögreglustjóra.
Í fastaliði lögreglunnar á Suður-
landi er í dag 41 lögreglumaður. Þeir
standa vaktina á Selfossi, Hvolsvelli,
Vík, Kirkjubæjarklaustri og Höfn í
Hornafirði. Sumarafleysingamenn í
ár verða svo alls 22 og hafa aldrei
verið jafn margir og nú.
Fatasamningar úr gildi
Sveinn Kr. Rúnarsson vekur enn-
fremur athygli á því að samningar
lögreglunnar við birgja um kaup á
einkennisfatnaði séu úr gildi fallnir
og fyrir vikið sé nýjan einkennisfatn-
að á mannskapinn ekki að hafa. Það
skapi vanda þegar svo stór hópur af
nýju fólki kemur inn. Því sé þessa
dagana verið að leita að og tína til
notuð föt og annað sem tiltækt er í
skápum fyrir sumarfólkið, sem kem-
ur til starfa flest hvert í næsta mán-
uði.
Sumarlöggurnar í notuðum fötum
 Almenna löggæslan þarf nýja bíla og búnað, rétt eins og sérsveitin  Eftirlit á Suðurlandi eflt mikið
vegna fjölgunar ferðamanna, segir yfirlögregluþjónn  Leitað í skápum að einkennisbúningum
Morgunblaðið/Sigurður Bogi
Suðurland Nokkrir af bílum lög-
reglunnar við stöðina á Selfossi.
Nýliðinn vetur var bæði hlýr og úr-
komusamur, að því er fram kom í grein
Trausta Jónssonar veðurfræðings á
bloggi hans (trj.blog.is) og Hungurdisk-
um á Facebook í gærkvöld.
Trausti birti m.a. línurit með grein-
inni þar sem hann bar saman hita ís-
lenskra vetra í Reykjavík (grá lína) og á
Akureyri (rauð lína) alllangt aftur í tím-
ann. Ártöl standa við síðara ártal vetr-
arins. 2017 merkir veturinn 2016-2017.
Trausti bendir á að í Reykjavík sé vit-
að um fjóra hlýrri vetur. Veturinn 2002-
2003 var hlýjastur, síðan 1928-1929,
1963-1964 og 1945-1946. Ámóta hlýtt og
nú var einnig 1941-1942.
Reikningar á Akureyri ná aðeins aft-
ur til vetrarins 1936-1937. Nýliðinn vet-
ur er sá næsthlýjasti á því tímabili. Vet-
urinn 2002-2003 er sá eini sem er hlýrri.
Hlýr og úrkomusamur