Morgunblaðið - 20.04.2017, Page 16

16 FRÉTTIRInnlent
MORGUNBLAÐIÐ FIMMTUDAGUR 20. APRÍL 2017
Sigtryggur Sigtryggsson
sisi@mbl.is
Mikið verður um að vera í Vest-
urbugtinni við Gömlu höfnina í
Reykjavík á næstunni. Vesturbugt
er svæðið milli Slippsins og
Grandagarðs. Framundan er mikil
uppbygging íbúðabyggðar á svæð-
inu og jafnframt er unnið að end-
urbótum á hafnarsvæðinu sjálfu.
Nýlega var boðið út af Faxaflóa-
höfnum sf. verk í Vesturbugtinni.
Að sögn Guðmundar Eiríkssonar,
forstöðumanns tæknideildar Faxa-
flóahafna, felst verkið í að ljúka
smíði trébryggju og malbika innan
við hana í framhaldi af núverandi
bryggju. Hin nýja trébryggja verð-
ur austan við hina fyrri og mun ná
alveg að athafnasvæði Slippsins. Í
framhaldi af henni mun koma ný
flotbryggja.
Þetta er 4. áfangi þessara fram-
kvæmda sem hófust með smíði
bryggju framan við Sjóminjasafnið.
Samhliða verður gengið frá vatns-
lögnum, raflögnum og lýsingu fyrir
trébryggjuna og flotbryggjur sem
eru til staðar og verður komið fyrir
í tengslum við þessa bættu að-
stöðu. „Þessar framkvæmdir miða
að því að bæta aðstöðu fyrir hvala-
skoðun og tengda starfsemi í Vest-
urbugtinni,“ segir Guðmundur.
Ný söluhús á hafnarsvæðinu
Samhliða þessu verður útbúin
aðstaða fyrir söluhús sem verða á
hafnarsvæðinu og er úthlutun
þeirra á vegum Reykjavík-
urborgar. Er þar um bráðabirgða-
aðstöðu að ræða, að sögn Guð-
mundar. Þessi aðstaða kallar á
rafmagn, vatn og fráveitu, auk lítils
tækjahúss sem er hluti verksins. Á
hún að vera tilbúin í upphafi sum-
ars.
Eftir opið útboð var samið við
Knekti ehf. um að vinna verkið í
Vesturbugt.
Tvö hvalaskoðunarskip munu
hafa aðstöðu í Vesturbugt í sumar,
Ambassador og Sailor. Hin end-
urbætta aðstaða ætti einnig að
gefa möguleika á frekari hafsæk-
inni ferðaþjónustu.
Eins og fram kom í fréttum í
fyrra ákvað stjórn Faxaflóahafna
að starfsemi Slippsins yrði áfram í
Gömlu höfninni enn um sinn. Jafn-
framt var ákveðið að fara í end-
urbætur á upptökubúnaði Slipps-
ins. Að sögn Guðmundar stóðu
framkvæmdir yfir í byrjun ársins
og er þeim lokið að sinni. Steypt
var undir einn sleðann þar sem
efni hafði skolast frá. „Frekari
framkvæmdir bíða betri tíma en
þörf er á frekari styrkingu sleð-
anna og upptökumannvirkjanna,“
segir Guðmundur.
Mynd/Faxaflóahafnir
Framkvæmdir Ný trébryggja og flotbryggja. Slippurinn er til hægri.
Uppbygging við Gömlu höfnina
 Mikið verður um að vera í Vesturbugtinni á næstunni  Framundan er mikil uppbygging íbúða-
byggðar á svæðinu  Nýjar bryggjur og aðstaða fyrir söluhús  1. áfangi á endurbótum Slippsins
Morgunblaðið/RAX
Vesturbugt Framkvæmdir eru hafnar við að leggja lagnir í jörðu vegna söluhúsa. Í bakgrunni má sjá Hótel Marina.
Á þriðjudag var skrifað undir
samning um uppbyggingu í Vest-
urbugt við gömlu höfnina í Reykja-
vík. Byggðar verða 176 íbúðir
ásamt verslunar- og þjónustu-
húsnæði.
Dagur B. Eggertsson borgar-
stjóri, Grímur M. Jónasson, fram-
kvæmdastjóri VSÓ, og Bjarki A.
Brynjarsson, framkvæmdastjóri
Vesturbugtar ehf., skrifuðu undir
samninginn. Framkvæmdir eiga að
hefjast innan 15 mánaða frá undir-
skrift og skal þeim lokið innan fimm
ára.
Sérstakt félag, Vesturbugt ehf.,
hefur verið stofnað og mun það
annast uppbyggingu svæðisins í
samstarfi við Reykjavíkurborg.
Að sögn Bjarka A. Brynjarssonar
er stefnt að því að hefja jarðvinnu í
Vesturbugt fyrir lok þessa árs.
Næstu skref í verkefninu verði þau
að arkitektar vinni að teikningum
sem skila þarf til borgarinnar til að
fá byggingarleyfi. Slík hönnun-
arvinna taki sinn tíma.
Bjarki segir það vera mjög
ánægjulegt að koma að uppbygg-
ingunni í Vesturbugt. Teymi arki-
tekta hafi lagt mikinn metnað í að
þróa hugmyndafræði svæðisins
þannig að það verði aðdráttarafl
fyrir íbúa og gesti. Í bland við afar
fallega íbúðabyggð verði veitinga-
staðir og verslanir á jarðhæðum
sem opnast út á skjólsæl torg. Nú
þegar sé iðandi mannlíf að finna í
nágrenninu.
Samkvæmt upplýsingum frá
skrifstofu eigna og atvinnuþróunar
hjá Reykjavíkurborg er félagið
Vesturbugt ehf. í eigu stofnanda
þess, Þróunarfélagsins Sundaborg-
ar ehf., en það félag er í 50% eigu
BAB Capital ehf. og í 50% eigu VSÓ
Ráðgjafar ehf. Samkvæmt fyrir-
tækjaskrá er Bjarki Andrew Brynj-
arsson skráður eigandi BAB Capi-
tal ehf. en Grímur Már Jónasson,
Guðni Jónsson, Einar Kristján Stef-
ánsson og Haukur Hlíðkvist Óm-
arsson eru skráðir eigendur VSÓ
Ráðgjafar ehf. Samkvæmt upplýs-
ingum frá VSÓ Ráðgjöf ehf. eiga
einnig starfsmenn félagsins og fé-
lagið sjálft litla hluti í félaginu.
Til grundvallar samningnum sem
skrifað var undir á þriðjudaginn
liggja niðurstöður í samkeppnis-
útboði sem Reykjavíkurborg stóð
fyrir. Að vinningstillögunni stóðu
VSÓ Ráðgjöf ehf., BAB Capital ehf.,
PKdM Arkitektar ehf., Basalt arki-
tektar ehf., Trípólí arkitektar sf. og
Krads arkitektar ehf. sisi@mbl.is
Ljósmynd/Reykjavíkurborg
Undirritun Borgarstjóri og forráðamenn verkefnisins í Vesturbugt.
Stefnt er að því
að hefja jarðvinnu
fyrir lok þessa árs
 Skrifað var undir samning um upp-
byggingu 176 íbúða í Vesturbugtinni