Morgunblaðið - 20.04.2017, Qupperneq 9

FRÉTTIR 9Innlent
MORGUNBLAÐIÐ FIMMTUDAGUR 20. APRÍL 2017
Gleðilegt sumar!
Ragnar Þór Ingólfsson, formaður
VR, segist kalla eftir samstarfi
stjórnvalda, aðila vinnumarkaðar-
ins og lífeyrissjóða til að ráðast að
rótum húsnæðisvandans. Þörf sé á
samstilltu átaksverkefni í líkingu
við það þegar samstaða náðist árið
1973 um byggingu svokallaðra
Viðlagasjóðshúsa eftir Vestmanna-
eyjagosið.
Ragnar Þór segir að sérstök
húsnæðisnefnd sé að hefja störf á
vegum félagsins en henni sé ætlað
að kortleggja húsnæðismarkaði í
nágrannalöndunum, ,,fá hug-
myndir og sjá hvernig leigu-
félögum, bæði óhagnaðardrifinna
félaga og samvinnufélaga, er stýrt
og hvernig þau eru uppbyggð. Á
endanum vonast ég til að haldin
verði ráðstefna eða kynning strax
í haust þar sem við fengjum hugs-
anlega aðila sem reka þessi félög
erlendis til að heimsækja okkur og
veita upplýsingar. Síðan þarf að
koma verkefninu í hendur þeirra
sem geta stýrt þessu verkefni og
hrint því í framkvæmd. Það virðist
ekki vera nein yfirsýn í dag yfir
nokkurn skapaðan hlut þegar
kemur að húsnæðismálunum,“
segir hann.
Ragnar Þór
segir að Bjarg,
íbúðafélagið sem
ASÍ og BSRB
stofnuðu og und-
irbýr byggingu
leiguíbúða í sam-
vinnu við sveit-
arfélög fyrir
tekjulágar fjöl-
skyldur, leysi
ekki nema mjög
lítinn hluta vandans. Neyðar-
ástand sé á húsnæðimarkaðinum
m.a. vegna síhækkandi leiguverðs.
„Það vantar lóðir og það vantar
þolinmótt fjármagn og okkur vant-
ar einhverja til þess að stýra
þessu verkefni. Til þess þurfum
við aðila vinnumarkaðarins, lífeyr-
issjóði, sveitarfélögin og stjórn-
völd sameiginlega til að taka þátt í
heilbrigðri uppbyggingu í stað
þess að selja bara hæstbjóðanda
hverju sinni,“ segir hann og minn-
ir á að nú styttist í sveitarstjórn-
arkosningarnar. Þá megi búast við
að lofað verði þúsundum lóða en
hættan sé sú að þær endi í braski
á öllum byggingarstigum og gangi
kaupum og sölum en leysi engan
vanda.
Vill undirbúa
samstillt átak
 Húsnæðisnefnd falið að kortleggja
Ragnar Þór
Ingólfsson
Vilhjálmur A. Kjartansson
vilhjalmur@mbl.is
„Gjöfin skiptir starfið miklu máli og
þá sérstaklega í ljósi þess að við bár-
um skertan hlut frá borði við fjár-
lagagerð og höfum þurft að draga
saman starfsemi okkar,“ segir Bára
Sigurjónsdóttir, sérfræðingur í
barnahjúkrun og forstöðumaður
Ljóssins, spurð út í gjöf Lions-
klúbbsins á Seltjarnarnesi til félags-
ins.
„Við þurfum um rúmlega 25 millj-
ónir króna á ári til að halda úti starf-
semi okkar, en fáum rétt tæpan
helming af þeirri upphæð frá ríkinu.
Það er okkur mjög erfitt þar sem við
styðjum við 75 fjölskyldur lang-
veikra barna auk þess sem 16 fjöl-
skyldur eru í sorgarhópnum okkar,“
segir Bára.
Sérstök gjöf frá Lions
Eiríkur Steinþórsson, formaður
Lionsklúbbsins á Seltjarnarnesi,
segir gjöf klúbbsins til Ljóssins sér-
staka að því leytinu til að klúbburinn
gefur að jafnaði ekki beina pen-
ingagjöf.
„Alla jafna kaupum við einhver
tæki eða búnað sem þörf er á, en að
þessu sinni fannst okkur rétt að
bregða út af hefðinni og styrkja
Ljósið um eina og hálfa milljón
króna,“ segir Eiríkur, en klúbbfélag-
arnir höfðu heyrt af fjárhagsvanda
Ljóssins og því mikilvæga starfi sem
félagið sinnir og vildu leggja sitt af
mörkum til að styðja við starfið.
„Þarna fer fram gífurlega mik-
ilvægt starf. Ljósið aðstoðar fjöl-
skyldur langveikra barna á svo
margvíslega vegu. Hjálpar fólki í
gegnum kerfið og leitar leiða utan
kerfisins ef því ber að skipta.“
Spurður hvernig styrkir klúbbsins
eru fjármagnaðir segir Eiríkur að
þeir hafi fyrst og fremst tekjur af
sölu jóladagatala og hvetur fólk því
að fylgjast með þeim fyrir næstu jól.
Morgunblaðið/Árni Sæberg
Stuðningur Lionsklúbburinn á Seltjarnarnesi veitti Ljósinu veglega peningagjöf, eða eina og hálfa milljón króna.
Styrkur fyrir langveik börn
ÞÚ FINNUR ALLT Á FINNA.IS