Víkurfréttir - 13.12.2017, Blaðsíða 16

16 MANNLÍF Á SUÐURNESJUM f immtudagur 13. desember 2017 // 49. tbl. // 38. árg.
„Við megum ekki borða kjöt á aðfangadag. Við erum með þrettán rétti á
borðinu og þurfum að smakka alla þessa rétti,“ segir Karolina Krawczuk
um pólskar hefðir á jólunum hjá fjölskyldunni sinni, en stórfjölskyldan
ver jólunum saman.
Aðspurð hvernig mat þau borði á að-
fangadag nefnir hún meðal annars
steikta ýsu og einhvers konar „kál-
rétt“. „Þetta er allt gott, nema síldin,
ég borða hana aldrei, en aðrir í fjöl-
skyldunni gera það.“ Einnig er boðið
upp á einhvers konar jarðarberjagraut
og þá er heldur ekki leyfilegt að neyta
áfengis á aðfangadag.
Áður en fjölskyldan borðar segja fjöl-
skyldumeðlimir við hvert annað hvers
vegna þau séu þakklát fyrir hvert
annað. „Elsta manneskjan á borðinu
fer svo með bæn og þá megum við
borða.“
Á hverju ári stillir fjölskyldan upp
auka diskasetti á borðinu ef ske kynni
að óvæntur gestur banki upp á. „Í
gamla daga var víst labbað á milli
þorpanna og þegar veðrið var slæmt
var bankað. Ef ske kynni að einhver
banki, þá erum við með laust diska-
sett á borðinu og eigum að segja já.
En það er enginn að fara að banka
á Íslandi.“
Karolina segist ekki mjög trúuð, en
þetta séu hefðir sem hún var alin
upp við. „Amma býr hér og hún er
geðveikt trúuð. Hún fylgir þessum
reglum ennþá.“
Eftir matinn fer Karolina, þar sem
hún er næst elst af ungmennunum,
fram með börnin og þau horfa á
myndbönd saman. Á meðan mætir
jólasveinninn á heimilið og setur allar
gjafirnar undir tréð.
Á jóladag hittist fjölskyldan svo aftur
nýtur þess að vera saman. „Það er
bara eins og matarboð. Við spilum
saman og megum borða það sem við
viljum, þá eru engar reglur varðandi
matinn.“ Eftir það horfir fjölskylda
Karolinu á jólamyndina Home Alone,
en það er orðin árleg hefð.
VF
-m
yn
d:
Só
lbo
rg
Karolina Krawczuk hefur búið á Íslandi í ellefu ár
en fjölskyldan hennar fylgir hefðum heimalandsins,
Póllands, yfir hátíðirnar
Þrettán réttir
á boðstólum á aðfangadag ❱❱ Engin Þorláksmessa
❱❱ Þrettán grænmetis- og fiskréttir
❱❱ Auka diskasett á borðinu fyrir
óvæntan gest
❱❱ Jólasveinninn setur pakkana undir
tréð eftir matinn
Gunnar Hörður Gunnarsson er menntaður
stjórnmálafræðingur og almannatengill, en
hann segist þó fyrst og fremst vera FS-ingur.
Síðan í febrúar 2017 hefur hann starfað við
stafræna miðlun og almannatengsl fyrir
Markaðsstofu Reykjaness. Gunnari finnst
jólin snúast um bland af samveru með fjöl-
skyldunni og góðum mat. Hann ætlar að verja
jólunum með tengdafjölskyldu sinni og gefa til
góðgerðamála.
Hvar ætlar þú að verja aðfanga-
degi? „Ég og Perla, kærastan
mín, munum eyða aðfangadeg-
inum í Kópavoginum heima
hjá foreldrum hennar. Tengda-
mamma gerir truflaða sveppa-
sósu með hamborgarhryggnum
og er alltaf með heimagerðan
ís í eftirrétt. Rosalega kósý og
ég hlakka mikið til.“
Ertu byrjaður að kaupa jóla-
gjafir? „Já, byrjaður en ekki
búinn. Ég gef ekki margar
gjafir og þetta tekur vanalega
ekki mjög langan tíma.“
Ertu með einhverjar hefðir
um jólin? „Hefðirnar hafa
tekið svolitlum breytingum
síðustu ár. Lengst af horfðum
ég og bróðir minn á einhverja
jólateiknimynd, oftar en ekki
var Mickey’s Christmas Carol
fyrir valinu. Þegar ég vann í
Bláa Lóninu fannst mér svo
mjög næs að vinna fyrir hádegi
í gestamóttökunni, þá komu
ekki mjög margir en þeir sem
komu voru mjög glaðir, ætli
fjöldi gesta hafi ekki eitthvað
aukist síðan það var. Í dag
höfum við Perla farið með
tengdó í heimsókn í kirkju-
garðinn og svo farið og fengið
okkur heitt kakó með fjölskyld-
unni. Það er mjög hátíðleg og
jólaleg hefð sem ég hef komið
mér inn í.“
Hvað verður í matinn á að-
fangadag? „Geri ráð fyrir að
það verði hamborgarhryggur
og heimagerður jólaís í eftir-
rétt. En átta mig núna á því að
ég hef ekki fengið það staðfest.
Fer kannski að spyrjast fyrir…“
Er eitthvað hér á Suðurnesjum
sem þú mælir með að fólk nýti
sér/geri um jólin? „Það er nátt-
úrulega ótrúlega margt spenn-
andi í gangi. Duus húsin eru
orðin sérstaklega jólaleg og ég
mæli með því að kíkja þangað
í heimsókn ef það vantar upp
á jólaskapið. Annars er ég líka
mikill matgæðingur og finnst
jólin svolítið snúast um bland
af samveru með fjölskyldu og
vinum og rosa góðum mat.
Ég geri ráð fyrir að fara út að
borða einhvern góðan jólamat
yfir hátíðarnar með fjölskyld-
unni hér á Suðurnesjum, mæli
sterklega með því.“
Ætlarðu að láta eitthvað gott
af þér leiða um jólin? Ef svo
er, hvernig? „Ég hef vanalega
gefið til góðgerðarmála, mál-
efni flóttamanna hafa verið
mér mjög hugleikin síðustu tvö
ár svo ég mun finna einhverja
leið í ár til þess að styðja við
verkefni sem aðstoða flótta-
menn á einhvern hátt. Að gefa
peninga er þó ekki eina svarið
en mörg félög hér á Íslandi taka
glöð á móti sjálfboðaliðum í
kringum hátíðarnar, sjálfur hef
ég nokkrum sinnum aðstoðað
við úthlutanir hjá Mæðra-
styrksnefnd en það er ekki
erfitt verk en mjög gefandi. Svo
er ég mjög mikið jólabarn og
reyni að smita jólagleðina ótrú-
lega mikið frá mér, það hlýtur
að leiða til einhvers góðs.“
Reynir að smita frá sér jóla-
gleði og aðstoða flóttamenn
Sama dag og tendrunin
átti sér stað, sl. sunnudag
3. des., voru tuttugu og
sjö ár frá því Sandgerði
fékk kaupstaðaréttindi.
Sigrún Árnadóttir, bæjar-
stjóri Sandgerðis, fór að-
eins yfir sögu Sandgerðis
sem er merkilegt.
„Við eigum góðan bæ sem í
býr gott fólk. Fólkinu hefur
fjölgað mikið á síðustu misserum og
ég vil bjóða nýja íbúa sem hér eru
sérstaklega velkomna og óska þess
að hér líði ykkur vel.
En eins og allir vita er samfélagið
hér mun eldra en 27 ára, fólk hefur
búið hér öldum saman. Í gegnum
tíðina hafa bæði bæjarmörkin og
stærð bæjarins breyst nokkuð og
nafn bæjarins líka.
Einu sinni hét sveitarfélagið Rosm-
hvalaneshreppur og náði þá alla leið
frá Garðskaga inn að Vogastapa. Fyrir
421 ári síðan, árið 1596 var bærinn,
eða hreppurinn, minnkaður en hét þó
áfram Rosmhvalaneshreppur næstu
290 árin.
Fyrir 131 ári síðan, árið 1886 var
Rosmhvalaneshreppi skipt í tvennt
eftir endilangri Miðnes-
heiði. Hét nyrðri hlutinn
áfram Rosmhvalanes-
hreppur, en syðri hlutinn
Miðneshreppur.
Fyrir 27 árum síðan var
Miðneshreppi breytt í
Sandgerðisbæ þann 3.
desember 1990.
Og fyrir aðeins nokkrum
dögum síðan var samþykkt
í kosningum meðal íbúanna að breyta
stærð sveitarfélagsins og verður þá
gamli Rosmhvalaneshreppurinn sam-
einaður á ný og verðum við þá næst
stærsta bæjarfélagið á Suðurnesjum.
Þetta eru áhugaverðir tímar og von-
andi verður ánægjulegt fyrir okkur að
vera þátttakendur í því að byggja upp
nýtt, stórt og öflugt sveitarfélag. Og
það er mjög mikilvægt að við stöndum
öll saman um að búa til samfélag þar
sem okkur getur öllum liðið vel og
sem við getum verið stolt af.
Þrátt fyrir að við sameinumst Garði þá
búum við sem hér erum áfram í Sand-
gerði og þeir sem eiga heima í Garði
búa í Garði. En þegar við hittumst hér
aftur eftir ár verður komið nýtt nafn
á sveitarfélagið okkar,“ sagði Sigrún.
-Löng samfélagssaga í Rosmhvalaneshreppi
Nýtt nafn að ári
Frá tendrun jólatrésins í Sandgerði.
VIÐTAL Sólborg Guðbrandsdóttirsolborg@vf.is