Víkurfréttir - 13.12.2017, Blaðsíða 27

27MANNLÍF Á SUÐURNESJUM f immtudagur 13. desember 2017 // 49. tbl. // 38. árg.
Kolbrún Marelsdóttir, eða Kolla eins og hún
er kölluð, er mikið jólabarn. Henni finnst fjöl-
skyldan ómissandi á jólunum og heldur fast í
gamlar hefðir. Hún bakar sörur og finnst fátt
notalegra en að njóta alls þess góða á aðventunni
og í kringum jólin.
Ertu mikið jólabarn? Já, heldur
betur. Ég elska allt við jólin,
gleðina, kærleikann, fegurðina
og að ógleymdum öllum fallegu
ljósunum. Mamma var alltaf
mikið jólabarn og ég er alin upp
við það að jólin séu mikil gleði-
hátíð og ég hef haldið í það.
Heldur þú fast í gamlar jóla-
hefðir? Já, það geri ég. Til
dæmis bökum við alltaf laufa-
brauð og sörur með fjölskyld-
unni og höfum gert í mörg ár.
Á aðfangadag er alltaf kveikt
á útvarpinu rétt fyrir kl. 18
og hlustað á jólaklukkurnar
hringja jólin inn, þegar því
er lokið hefst borðhald. Ég
fer alltaf í kirkjugarðinn með
fjölskyldunni, kveiki á kertum
fyrir þá sem ég á þar og á nota-
lega stund. Svo má ekki gleyma
púrtvíninu á aðventunni sem
er algerlega ómissandi.
Hvað er ómissandi á jólunum?
Fyrst og fremst er það fjöl-
skyldan og fólkið mitt. Svo
auðvitað að njóta alls þess góða
sem er í kring um jólin, laufa-
brauðið, sörurnar og fleira.
Hvað finnst þér skemmtilegast
við jólahátíðina? Það er eigin-
lega allt bara, knúsið, keleríið,
allur góði maturinn og öll nota-
legheitin sem eru á aðventunni
og í kringum jólin. Mér finnst
líka mjög gaman að fara á tón-
leika á aðventunni, það er alltaf
svo hátíðlegt.
Bakar þú smákökur fyrir
jólin? Nei, ég baka eiginlega
bara sörur.
Hvenær kláraðir þú að kaupa
jólagjafirnar? Ég var á góðum
tíma þetta árið og kláraði þær
í nóvember.
Hvenær setur þú upp jólatréð?
Það er ekki föst hefð hjá okkur
með dag en það fer yfirleitt upp
um 22. desember.
Hvað er eftirminnilegasta
jólagjöfin? Eftirminnilegasta
jólagjöfin þegar ég var barn
var þegar afi og amma gáfu
mér dúkku sem gat grátið og
dúkkuvagn.
Hvenær eru jólin komin fyrir
þér? Fyrir mér eru jólin fólkið
mitt og samvera með þeim, en
ekki pakkar, glansmynd eða
glingur. Mér finnst jólin því
vera komin þegar ég er komin
með allt fólkið mitt í mat og við
eigum notalega stund.
„Púrtvínið alger-
lega ómissandi
á aðventunni“
AUGLÝSINGASÍMINN ER
421 0001
Sönghópur Suðurnesja, undir stjórn
Magnúsar Kjartanssonar, stóð fyrir
glæsilegum aðventutónleikum í Stapa
í vikunni sem leið. Á dagskrá voru
vönduð og skemmtileg jólalög og
viðeigandi efni í léttum dúr í anda
sönghópsins.
Undirleikarar á aðventutónleikunum
voru þeir Ingólfur Magnússon á bassa,
Þorvaldur Halldórsson á trommum og
Agnar Már Magnússon á píanó.
Auk Sönghóps Suðurnesja þá komu
fjórir einsögnvarar fram á tónleikunum.
Þau Jana María Guðmundsdóttir, Guð-
mundur Hreinsson, Guðmundur Her-
mannsson og Sólmundur Friðriksson.
Ljósmyndari Víkurfrétta smellti af
meðfylgjandi myndum á tónleikunum.
Glæsilegir
aðventutónleikar
Sönghóps Suðurnesja
Tónleikarnir voru vel sóttir. VF-myndir: Hilmar Bragi BárðarsonJana María Guðmundsdóttir var meðal þeirra sem
söng einsöng á tónleikunum.
Sönghópur Suðurnesja á sviði ásamt
undirleikurum og stjórnanda sínum.

LAUS STÖRF
Minnum á Facebook síðuna Reykjanesbær - laus störf.
Hægt er að leggja inn almenna umsókn á vef Reykjanesbæjar:
Stjórnsýsla: Laus störf.
Umsóknum er komið til stofnana sem eru í leit að starfsfólki.
Almennar umsóknir eru geymdar í gagnagrunni okkar í sex
mánuði.
Stefna Reykjanesbæjar er að hafa á að skipa hæfum og
ánægðum starfsmönnum sem geta sýnt frumkvæði í störfum
sínum og veitt bæjarbúum framúrskarandi þjónustu.
Vinnustaðir Reykjanesbæjar eru fjölmargir og hafa hver sitt
einkenni og umhverfi. Stjórnendur á hverjum stað fara yfir
umsóknir og kalla hæfa umsækjendur í viðtöl.

VIÐBURÐIR
BÓKASAFN REYKJANESBÆJAR
Jólasveinaratleikur fyrir fjölskylduna í Bryggjuhúsi fram að jólum.
Gömlu jólasveinarnir hafa falið sig hingað og þangað um húsið.
Ókeypis aðgangur.
DUUS SAFNAHÚS
Undirskrift getur bjargað mannslífi.
Bréfamaraþon Amnesty International stendur til 16. desember í safninu.
GJALDTAKA Í INNANBÆJARSTRÆTÓ
Gjaldtaka í innanbæjarstrætó hefst um áramótin. Sala strætókorta
er á eftirtöldum stöðum: Bókasafni Reykjanesbæjar, Duus Safna-
húsum, Hljómahöll, Sundmiðstöð og Íþróttamiðstöð Njarðvíkur.
Almennt kort kostar 5000 kr.
Kort fyrir eldri borgara, öryrkjar og börn 6-18 ára kostar 2000 kr.
Stakur miði kostar 300 kr. en engin skiptimynt né skiptimiðar verða.