Víkurfréttir - 13.12.2017, Blaðsíða 54

54 VIÐSKIPTI Á SUÐURNESJUM f immtudagur 13. desember 2017 // 49. tbl. // 38. árg.
„Við værum alveg til í að vera hérna í eldlínunni tuttugu árum yngri.
Reksturinn hefur aldrei gengið betur en við erum komnir á aldur
og erum til í að hleypa öðrum að,“ segir þeir Þórður Ingimarsson
og Björn Marteinsson en þeir stofnuðu Smurstöð Björns og Þórðar
fyrir 35 árum síðan. Þeir breyttu nafninu nokkrum árum síðar í
Smur- og hjólbarðaþjónustuna þegar ehf. kom til sögunnar og hafa
rekið smurstöð við Vatnsnesveg 16 og dekkjaverkstæði nokkur skref
frá eða við Framnesveg 23 í Keflavík við góðan orðstír í öll þessi ár.
Leiðir þeirra félaga lágu saman þegar
þeir voru ungir menn en sem ungl-
ingar unnu þeir eftir skólagöngu við
dekkja- og smurþjónustu í Keflavík.
Björn vann hjá Sigurjóni nokkrum
á smurstöðinni á Aðalstöðinni og í
samliggjandi húsnæði var dekkja-
verkstæðið og þar var Þórður undir
leiðsögn „Dekkja“-Leifa. Þessir
vinnustaðir voru á lóðinni þar sem
Domino’s er núna en margir Suður-
nesjamenn muna eftir Aðalstöð-
varplaninu frá yngri árum sem
var viðkomustaður unga fólksins á
rúntinum. Þannig fengu þeir félagar
smjörþefinn af því sem þeir hafa gert
síðustu 35 árin. Þeir voru líka saman
á sjó á bátnum Hamravíkinni sem var
í eigu Hraðfrystihússins í Keflavík,
sem var kölluð Stóra milljón.
Frá Sigöldu í atvinnurekstur
Bjössi og Doddi, eins og þeir eru kall-
aðir, fóru einnig til starfa hjá sama
verktakanum, Ellerti Skúlasyni úr
Njarðvík, unnu þar langa vinnudaga á
stórvirkum vinnuvélum við virkjana-
gerð úti á landi, t.d. við Sigölduvirkjun
og í Hrauneyjum. Eftir nokkur ár þar
dró til tíðinda. Árið er 1982 og staðan
í atvinnulífinu ekkert sérstök, rifjar
Þórður upp. Hann kemur þá einu
sinni sem oftar í heimsókn til Bjössa
vinar síns og sýnir honum blaðaaug-
lýsingu þar sem smurstöðin hjá Olís
í Keflavík er auglýst til sölu. „Það var
ekkert um að vera á þessum tíma. Við
vorum búnir að vera í verulegum upp-
gripum hjá Ella Skúla en sú vinna var
að minnka mikið svo við ákváðum að
kýla á þetta og tókum við rekstrinum.“
Á þessum tíma var hjólbarðaþjónusta
og smurstöð í sama húsnæðinu og
þannig byrjuðu þeir á verkalýðsdag-
inn 1. maí 1982. Þórður var trúnaðar-
maður starfsmanna hjá Ellerti Skúla-
syni en nú var hann kominn hinum
megin við borðið, orðinn atvinnu-
rekandi. „Það var nú frekar skondið
en svona er þetta stundum. Maður
veit ekki alltaf hvað er handan við
hornið,“ segir Þórður þegar hann
rifjar þetta upp. „Við vorum bara tveir
til að byrja með en fengum stráka til
að aðstoða okkur þegar það var mikið
að gera.“ Nokkrum árum síðar keyptu
þeir fiskvinnsluhúsnæði hinum megin
við götuna, við Framnesveg 23, og
færðu hjólbarðaþjónustuna þangað en
á þessum tímapunkti var starfsemin
búin að sprengja húsnæðið utan af
sér. „Þetta hentaði mjög vel og aðeins
nokkur skref eru á milli staðanna.
Það er oft fjör og mjög mikið að gera
þegar bíleigendur þurfa að skipta
yfir á vetrardekkin og þá tölta þeir
smurstöðvarmenn yfir í dekkin. Þetta
er góð samvinna,“ segja þeir báðir.
Betri bílar
Fréttamaður VF heimsótti þá félaga
þegar fyrsti snjórinn hafði fallið á
Suðurnesjum í nóvember. Það var
erfitt að panta tíma hjá þeim félögum
fyrir viðtal því þegar vetrardekkja-
tíminn skellur á eru þeir og starfs-
menn þeirra á fullu allan daginn. Það
var því ekki um annað að ræða en að
mæta bara í fjörið. Þórður var önnum
kafinn í afgreiðslu en Björn var að
ná sér í kaffibolla þegar við spyrjum
hann út í breytingarnar á bílvélinni
á undanförnum árum. Björn stýrir
smurstöð þeirra félaga og hefur skipt
um ófáar síurnar og gert ýmislegt við
þúsundir bíla á smurstöðinni. Hann er
fljótur að svara þegar hann er spurður
út í þróunina í bílageiranum og segir
að bílar í dag séu orðnir miklu betri
og eyði minna eldsneyti. „Svo er þetta
rafmagnsdæmi að koma vel út. Það
er magnað hvað litlar vélar, jafnvel 3
sílindra, eru að skila miklu afli. Svo
er eyðslan orðin miklu minni. Jeppar
sem eyddu yfir 30 lítrum áður eyða
núna 12 lítrum,“ segir Björn og út-
skýrir fyrir fréttamanni að túrbínur
spili stórt hlutverk í nýju bílvélunum.
„Þetta snýst um stýringuna á elds-
neytinu og að hafa mengunina sem
minnsta.“
En hvað gerist á smurstöðinni þegar
rafmagnsvélin fer að taka meira við
í framtíðinni?
Ekki liggur á svarinu hjá Birni. „Bilar
þetta ekki allt, sama hvernig þetta
er? Við verðum að aðlaga okkur að
þeim breytingum, er það ekki? En það
er engin spurning að þetta „hybrid“
„Værum til í að vera
tuttugu árum yngri“
- segja þeir Þórður
Ingimarsson og
Björn Marteinsson
sem hafa rekið
smur- og hjólbarða-
þjónustu í rúm 35 ár
og reksturinn aldrei
gengið betur
Það var ekkert um að vera
á þessum tíma. Við vorum
búnir að vera í verulegum
uppgripum hjá Ella Skúla
en sú vinna var að minnka
mikið svo við ákváðum að
kýla á þetta og tókum við
rekstrinum.
Páll Ketilsson
pket@vf.is
VIÐTAL
Þórður og Björn fyrir framan dekkjaverkstæðið við Framnesveg. VF-myndir/pket.