Dagblaðið Vísir - DV - 23.02.2018, Side 62

62 fólk 23. febrúar 2018
Í
Facebook-hópinn Iceland
Carnivore Tribe-Kjötætur hafa
safnast saman einstaklingar
sem eiga það sameiginlegt
sneiða fram hjá plöntuafurðum og
kolvetnum og reyna eftir fremsta
megni að borða eingöngu kjöt í
þeim tilgangi að léttast og líða bet-
ur. Þannig eru meðlimir að borða
eingöngu kjöt í morgunmat.
Fimm kíló farin
Tónlistarmaðurinn Jógvan Han-
sen var einn af þeim sem slógu til
og ákvað að prófa kúrinn nú í byrj-
un árs og neyta aðeins kjöts í jan-
úar. Í viðtali við DV nú um miðjan
janúar, þegar Jógvan var búinn að
vera á kúrnum í rúmlega
viku, hljómaði hann
nokkuð jákvæður
en efaðist þó
um að þetta
yrði einhver
varanleg lífs-
stílsbreyting.
Þegar
blaðamað-
ur náði tali af
honum til að
vita hvern-
ig hafi gengið
vildi svo til að
Jógvan einmitt að
fá sér í salat. „Ótrú-
lega fyndið, ég var einmitt að fá mér
salat í fyrsta skipti í sex og hálfa viku.
Ég hugsaði bara að ég nennti þessu
ekki lengur og fékk mér Sesar-salat.“
Að eigin sögn er hann þó mikill
kjötmaður og reyndist kúr-
inn honum því ekki jafn
erfiður og mörgum.
„Fyrst maður var
að fara í einhvern
kúr til að byrja
með þá virkaði
þessi eðlileg-
astur fyrir mér.
Ég elska kjöt.
Þetta er eins
einfalt og svona
kúrar gerast.
Þetta var líka
fínt til að núll-
stilla sig, hætta
að borða
endalaust af
brauði.“
Hann segir að þetta hafi al-
mennt gengið vel. „Ég er búinn
að léttast um fimm kíló. Og mér
leið bara eins, ég fann ekki þannig
mikinn mun á líðaninni. Annars
er þetta mikið hugarfarið, fólki
finnst alveg fáránlegt að maður sé
bara að borða kjöt. Það var erfitt að
sleppa kolvetnunum en ég myndi
alveg mæla með þessu og gæti
vel hugsað mér að gera þetta aft-
ur. Það er svo mikið af góðu kjöti
til, hérna á Íslandi er eitt besta kjöt
sem hægt er að fá.“
En var ekki dýrt að borða bara
kjöt?
„Ég hef ekki skoðað það ná-
kvæmlega en ég til dæmis keypti
minna af drasli eins og sósu sem
maður notar kannski bara tvær
skeiðar af og svo fer hún í ruslið.
Jú, kjöt er kannski örlítið dýrt en
ég hugsa að ég hafi ekki eytt meiri
pening því ég sóaði minna. Svo
fannst krökkunum mínum alveg
frábært að fá beikon í morgunmat
alla daga!“
Varð orkumeiri
Ævar Austfjörð, stofnandi hóps-
ins, hafði áður tileinkað sér lág-
kolvetna lífsstílinn með ágæt-
um árangri. Hann langaði þó að
prófa eitthvað nýtt og ákvað fyrst
að sleppa öllum plöntuafurðum
í janúar í fyrra. Það fór ágætlega
í hann svo hann hellti sér í frek-
ari rannsóknir og komst þannig í
kynni við Shawn Baker, sem sjálf-
ur var nýbyrjaður að borða ein-
göngu kjöt. Baker auglýsti svo
stuttu síðar eftir fólki sem væri til
í að láta reyna á þetta í 90 daga
og ákvað Ævar að slá til. Hann sér
ekki eftir því en hann hefur misst
13 kíló síðasta hálfa árið og segist
hafa mun meiri orku ásamt því að
svefninn sé kominn lag.
Myndirnar í hópnum hafa þó
vakið athygli fyrir að vera margar
frekar ókræsilegar. Ævar hlær og
slær á létta strengi. „Mér þykir
nú myndirnar flestar girnilegar,“
en bætir svo glettinn við: „nema
kannski þegar fólk er að sulla ein-
hverjum plöntum á diskana.“
Þótt þetta séu umdeildar hug-
myndir, sérstaklega nú þegar sí-
fellt fleiri tileinka sér vegan eða
grænmetisfæði, geta flestir verið
sammála um að þessar myndir
séu kannski ekki besta leiðin til
sannfæra fólk um ágæti kjötætu-
kúrsins. n
Léttist um
fimm kíló á
30 dögum
Sjáðu ógirnilegt matarklám íslenskra kjötæta
Þetta borða þeir í morgunmat:
Steingerður Sonja Þórisdóttir
ritstjorn@dv.is
Jógvan Söngvarinn geðþekki
borðaði eingöngu kjöt í mánuð
og léttist um fimm kíló.
Ævar Austfjörð
Gallhörð kjötæta.
„Eins pirrandi og þú ert oft, þá ertu þokkalegur núna“
Skemmtikrafturinn og snapparinn Hjálmar Örn Jóhannsson sýnir á
sér nýja hlið í myndinni Fullir vasar sem frumsýnd er í dag. Hann settist
niður, tæmdi vasana og svaraði nokkrum undarlegum spurningum fyrir
lesendur DV.
Lítt þekkt ættartengsl
Kynfræðingur
og þingmaður
Jóna Ingibjörg Jónsdóttir, hjúkr-
unar- og kynfræðingur, hristi
aldeilis upp í hugsun og kyn-
hegðun Íslendinga þegar hún
kom fyrst fram á sjónarsviðið á
níunda áratugnum með fyrir-
lestra og fræðigreinar sínar.
Kynlíf og kynhegðun sem áður
hafði verið feimnismál, þótti nú
lítið tiltökumál að ræða við eld-
húsborð landsmanna eða uppi
í rúmi. Eitthvað sem þykir sér-
stakt í dag þegar umræða um
kynlíf og kynhegðun er orðin
mjög opinber.
Einn af frændum Jónu Ingi-
bjargar, er „stóri frændinn“
Mörður Árnason, sjálfstætt
starfandi íslenskufræðingur og
stjórnmálamaður og fyrrver-
andi þingmaður Samfylkingar-
innar.
Mörður er sjö árum eldri
en Jóna Ingibjörg og móðir
Marðar og faðir Ingu Jónu eru
samfeðra. Móðir Marðar, Vil-
borg Harðardóttir, og fað-
ir Jónu Ingibjargar, Jón Reynir
Eyjólfsson, eru börn Harðar
Gestssonar. Jón Reynir ber hins
vegar eftirnafn kjörföður síns,
Eyjólfs Gíslasonar.
Skemmtilegt er að á meðan
Jóna Ingibjörg leggur áherslu
á góð og jákvæð samskipti
kynjanna í starfi sínu, þá virð-
ast skapsmunir Marðar miklir.
Segir Gunnar Birgisson, fyrr-
verandi bæjarstjóri í Kópa-
vogi og alþingismaður, svo frá
í ævisögu sinni
að hann hafi
lagt það til
við forseta
Alþingis
að Mörður
yrði kost-
aður á
námskeið í
mannlegum
samskipt-
um.
Ef þú þyrftir að breyta, hvað myndirðu
vilja heita annað en Hjálmar? Ég er sáttur
við Hjálmar og skemmtilegt að segja frá því að
ég slapp alla grunnskólagönguna við að vera
kallaður Bólu-Hjálmar.
Hverjum líkist þú mest? Ég er ótrúlega líkur
Ledley King, fyrrverandi fyrirliða Tottenham
Hotspur.
Í hverju finnst þér þú vera betri en aðrir? Að
velja bland í poka, hef stundum verið kallaður
Dr. Blandí.
Hvað finnst þér að eigi að kenna í skólum
sem er ekki kennt þar núna? „Small talk“,
væri geggjað ef allir Íslendingar myndu læra
það í skóla.
Ef þú þyrftir að eyða 100 þúsund krónum
á klukkutíma, í hvaða verslun færirðu?
Dogma, væri kominn með tækifærisgjafir fyrir
vini og ættingja næstu árin.
Hvað viltu að standi skrifað á legsteininum
þínum? Fyrirmynd rauðhærðra og mikill
Tottenham-maður sem elskaði óhollan mat.
Hvernig myndirðu lýsa litnum gulur fyrir
blindum manni? Leyfa honum að smakka
Sinalco.
Ef þú mættir velja eitt lag sem yrði alltaf
spilað um leið og þú gengir inn í herbergi
allt þitt líf, hvaða lag myndirðu velja?
Afmæli með Svavari Elliða ft. Hjálmar Örn.
Hvaða lag skammastu þín mest fyrir að
hafa haldið upp á? It's my party and i cry if i
want to.
Ef þú þyrftir að dansa til að bjarga lífinu,
undir hvaða lagi myndirðu vilja dansa? I'm
better – Missy Elliot.
Hvað var í tísku þegar þú varst yngri en er
það ekki lengur? Skott, strákar með langt hár
niður á bak. Sakna þess.
Borðarðu mat sem er kominn fram yfir
síðasta söludag? Aldrei nokkurn tíma er
mjög mathræddur.
Hvað er það furðulegasta sem þú hefur
keypt? Hlutabréf í Millwall Football Club.
Hvert er versta hrós sem þú hefur fengið?
Eins pirrandi og þú ert oft, þá ertu þokkalegur
núna.
Hvaða ósið hefur þér reynst erfiðast að
hætta? Naga neglurnar, man ekki af hverju
það var einhvern tímann gott.
Hverju laugstu síðast? Að ég væri 105,9 kíló,
ég er 106,6.
Hvaða áhugamál myndirðu ekki sætta þig
við að maki þinn stundaði? Rotturækt.
Hvaða einstakling finnst þér þú þekkja,
þótt þú hafir aldrei hitt hann? Ricky Gervais.
Hvaða hljóð fer mest í taugarnar á þér?
Þegar einhver sötrar eitthvað.
Hvaða frægu persónu leistu upp til en
sérð eftir því í dag? Ruhollah Khomeini, mér
fannst hann alltaf þvílíkt jólalegur kall og
góðlegur en annað kom á daginn.
Hver er mest kynæsandi teiknimynda-
persónan? Betty Rubble, konan hans Barney í
Flinstones. „What a lady!“
Í hvaða íþróttagrein finnst þér að kepp-
endur ættu að leika ölvaðir? Krikket, myndi
hjálpa þeim að komast í þennan hræðilega
leik.
Hvað verður orðið hallærislegt eftir fimm
ár? Vonandi hár.
Hvaða teiknimyndapersónu myndirðu vilja
eiga sem vin? Peter í Family Guy.
Hvað ættu allir að prófa að minnsta kosti
einu sinni í lífinu? Fara í joggingbuxum og
spariskóm út í búð, mjög frelsandi.
Hvað myndirðu segja ef Guð hnerraði? Ertu
að verða veikur? Og hvað gerist þá?
Ef þú værir ritstjóri dagblaðs og sama
daginn myndi Lagarfljótsormurinn
finnast, Frikki Dór vinna Eurovision fyrir Ís-
lands hönd og Donald Trump verða myrtur.
Hver væri stærsta fyrirsögnin í blaðinu
þínu daginn eftir? Það eru góðar líkur á að
Frikki Dór vinni Euro einn daginn, Trump er
orðinn verulega tæpur en Lagarfljótsormurinn
er „HUGE!“
hin hLiðin
Jóna
Ingibjörg
Mörður
Árnason