Dagblaðið Vísir - DV - 13.04.2018, Side 40

13. apríl 2018KYNNINGARBLAÐVorverkin
FLÚÐASVEPPIR:
Lífræn mold úr
svepparæktun
er frábær gróður-
mold og áburður
Flúðasveppir hafa lengi framleitt framúrskarandi sveppi og annað grænmeti á matarborð lands­
manna. Moldin sem þessar heilnæmu
matvörur eru ræktaðar í nýtist líka
sem frábær gróðurmold og áburður.
„Þessi mold er sérstök vegna þess
að hún er meðhöndluð eftir sveppa­
rækt. Þess vegna er moldin svona
góð. Þegar við erum búin að rækta
sveppina í massanum þá hitum við
hana upp í 80 gráður og sjóðum
hana út, eins og við köllum það. Þá
sótthreinsast hún algjörlega, við
látum hana moltast hérna úti á plani
upp á nýtt og þá verður þetta frábær
molta,“ segir Georg Ottósson, fram­
kvæmdastjóri Flúðasveppa.
Í öllum betri gróðurbúðum og
einnig í Bónus eru til sölu Flúðamold,
Lífrænn massi og Heklu­Vikur, allt
gróðurvörur í neytendaumbúðum frá
Flúðasveppum.
„Flúðamoldin er blönduð með
hreinni mómold frá okkur sem við
tökum úr jörðinni hjá okkur. Þetta er
algjörlega íslensk mold sem verður
til með þessari aðferð, að blanda
massanum saman við mómold,“ segir
Georg.
„Lífræni massinn er alveg hreinn,
alveg eins og hann kemur af beðinu.
Hann er nokkuð sterkur og hægt að
nota hann sem áburðarefni. Þá þarf
engan tilbúinn áburð. Massinn er
mjög góður á beð sem áburður eða
blandaður við góða mold.“
Íslenskur vikur er mjög gott rækt­
unarefni og Flúðasveppir hafa
sett vöruna Heklu­vikur á markað í
handhægum og smekklegum neyt­
endaumbúðum. „Heklu­vikur er
ræktunarefni sem við notum mikið
í gróðurhúsunum okkar til að létta
moldina. Við notum hann mikið við
eigin ræktun á tómötum og papriku,“
segir Georg.
Gífurlegt magn af mold verður
til hjá Flúðasveppum og er hún
endurunnin með því að setja á túnin á
landareign fyrirtækisins. Endurunnin
er þessi mold afbragðsefni í ræktun
og áburð. „Við erum stolt af þessari
vöru því við þekkjum hvað hún hefur
nýst okkur frábærlega við okkar eigin
ræktun,“ segir Georg að lokum.