Morgunblaðið - 07.12.2017, Blaðsíða 20
20 FRÉTTIRInnlent
MORGUNBLAÐIÐ FIMMTUDAGUR 7. DESEMBER 2017
Stjórn Pressunn-
ar hefur lagt fram
kæru á hendur
Birni Inga
Hrafnssyni fyrir
meintan fjár-
drátt. Lögmaður
Björns Inga segir
að tilgangurinn
sé að þyrla upp
moldviðri í fjöl-
miðlum.
Greint var frá kærunni í Frétta-
blaðinu í gær. Hún byggist á því að
fráfarandi stjórnendur Pressunnar
hafi ekki staðið skil á greiðslu op-
inberra gjalda, að frá árinu 2014 hafi
á níunda tug milljóna verið milli-
færðar út af reikningum félagsins
inn á reikning Björns Inga og að
Björn Ingi hafi notað á þriðja tug
milljóna af eignum félagsins í formi
auglýsingainneigna til að greiða fyr-
ir hús að Kirkjustétt 28.
Í yfirlýsingu frá Sveini Andra
Sveinssyni, lögmanni Björns Inga,
segir að kæran sé hluti af herferð
sem gangi út á að koma höggi á fyrr-
verandi stjórendur Pressunnar og
koma fyrirtækjunum í þrot.
„Ný stjórn hefur ekki gert nokkra
tilraun til að kynna sér þau atriði
sem kært er fyrir eða afla sér gagna
eða upplýsinga hjá fyrrverandi fyrir-
svarsmönnum. Er tilgangurinn
greinilega sá að þyrla upp moldviðri í
fjölmiðlum og koma þannig höggi á
umbjóðendur mína.“
Pressan kærir
Björn Inga
„Verið að þyrla upp moldviðri“
Björn Ingi
Hrafnsson
Jólahátíð fatlaðra fer fram í kvöld á
Hilton Reykjavík Nordica hóteli.
Þetta er í 35. sinn sem hátíðin er
haldin að frumkvæði André Bach-
mann. Bjarni Þór Sigurðsson sér
um framkvæmd jólahátíðarinnarm
sem er vegleg að
þessu sinni sem
fyrr. Meðal
þeirra sem koma
fram eru Laddi,
Dimma, Sveppi,
Ingó töframaður,
Geir Ólafs og
Ingó veðurguð og
þá eru forseta-
hjónin heið-
ursgestir. Kynn-
ar eru
Sigmundur Ernir Rúnarsson og
þáttastjórnendur Með okkar aug-
um.
„Jólahátíðin er hugarfóstur og
barnið hans André Bachmann og
þetta er 35. árið sem hann heldur
hana,“ segir Bjarni Þór, sem hefur
aðstoðað André síðustu fimm árin.
„Hátíðin nú verður með svipuðu
sniði og fyrr en aðeins veglegri út af
35 ára afmælinu. Það er mikið lagt í
skemmtiatriðin og svo ætla forseta-
hjónin að heiðra okkur með nær-
veru sinni.“
Bjarni Þór býst við 1.500 til 2.000
gestum og mikilli gleði. Hann segir
að jólahátíðin verði vonandi haldin
áfram um ókomin ár, en Hilton hót-
el hefur gefið vilyrði sitt fyrir því að
hátíðin verði haldin þar áfram
næstu ár, þar sem hún hefur verið
síðustu tíu ár.
Ferðaþjónusta fatlaðra sér um
akstur til og frá hátíðinni fyrir þá
sem það panta og segir Axel Sig-
urjónsson, þjónustufulltrúi hjá
Ferðaþjónustu fatlaðra, að mikil
ánægja sé með þjónustu fyrirtæk-
isins. Þetta er stærsti dagur ársins
hjá ferðaþjónustunni, en hún er með
stjórnstöð á vettvangi og Axel
stendur með talstöð úti á plani og
stýrir umferðinni svo að allt gangi
hratt og örugglega fyrir sig. „Við
erum alltaf að reyna að byggja upp
gott umhverfi svo að öllum líði vel,
sérstaklega þeim sem eru að mæta
á þessa hátíð,“ segir Axel.
Húsið er opnað klukkan 19,
skemmtidagskrá hefst kl. 20 og dag-
skrá lýkur um klukkan 21.30.
Ókeypis er inn. ingveldur@mbl.is
Mikil gleði á
jólahátíð fatlaðra
35. sinn í kvöld Forsetahjónin mæta
Morgunblaðið/Árni Sæberg
Stuð Frá síðustu jólahátíð fatlaðra.
Bjarni Þór
Sigurðsson
Kristján H. Johannessen
khj@mbl.is
„Þjóðhagslegir hagsmunir eru gríð-
arlegir, en í lok síðasta árs var heild-
arfasteignamat alls húsnæðis á Ís-
landi tæplega 5.300 milljarðar
íslenskra króna,“ sagði Andrés
Magnússon, framkvæmdastjóri Sam-
taka verslunar og þjónustu (SVÞ), í
ávarpi sem hann flutti í gær á
fræðslufundi um myglu í húsnæði.
Voru það SVÞ og verkfræðistofan
Mannvit sem efndu til fundarins og
var vel mætt.
Aðalræðumaður fundarins var
hins vegar Wolfgang Lorenz, einn
helsti sérfræðingur Þjóðverja á
þessu sviði, en hann rekur ráðgjafar-
og verkfræðistofu í Düsseldorf þar í
landi og sérhæfir hún sig í myglu og
áhrifum hennar á húsnæði og fólk.
„Eftir 25 ára vinnu höfum við tekið
út um 16.000 heimili, fyrirtæki og
skóla og á þessum tíma höfum við
lært margt. Í upphafi, árið 1992, átt-
um við oftast von á því að vandamálið
væri efnafræðilegs eðlis, s.s. vegna
þungmálma, en í dag er það myglan,“
sagði Lorenz.
Hann benti á að árið 1994 hefði
mygla verið vandamál í um 20%
þeirra húsa sem fyrirtæki hans kann-
aði en í dag væri mygla sökudólgur-
inn í nær öllum tilfellum. „Þetta hef-
ur breyst mjög. Var áður minnsti
hluti okkar vinnu en er nú stærstur.“
Þéttari hús – meiri skemmdir
Lorenz sagði ekki auðvelt að festa
fingur á hvað veldur þessari umpól-
un. „Því mygla er jú eldri en sjálft
mannkynið. Sveppir og bakteríur
lifðu góðu lífi á jörðinni löngu áður en
við mættum til sögunnar. Þetta er því
ekkert nýtt,“ sagði hann og velti því
m.a. upp hvort fólk hefði á árum áður
einfaldlega leitt mygluskemmdir hjá
sér, ekki rætt þær í jafn miklum mæli
eða hvort þær væru sýnilegri nú
vegna betri tækni.
„Á undanförnum 20 árum hefur
fólk einnig viljað spara þegar kemur
að nýbyggingum,“ sagði hann og hélt
áfram: „Nú á dögum er byrjað að
flytja inn í hús sem vart eru tilbúin,
auk þess sem húsin eru mun þéttari
en áður. Það er því mikill raki í nýjum
byggingum,“ sagði Lorenz og benti á
að í eldri húsum væri oft skipt um
glugga og að þeir væru mun þéttari
en þeir sem fyrir voru. Er því mik-
ilvægt að huga að loftun. „Aukinn
þéttleiki húsa er því oft á tíðum einn
helsti valdur þess að skemmdum
fjölgar,“ sagði Lorenz.
Morgunblaðið/Hari
Sérfræðingur Dr. Wolfgang Lorenz flutti erindi í gær, en hann hefur 25 ára reynslu af mygluvandamálum í húsum.
Vandamálið lang-
oftast rakið til myglu
Mygluvandamál rædd á morgunfundi Mannvits og SVÞ
„Ég get full-
vissað þig um
að það eru eng-
ir hamstrar í
hættu,“ segir
Flosi H. Sig-
urðsson héraðs-
dómslögmaður
um gjaldþrot
Dýraríkisins
ehf. sem aug-
lýst hefur verið
í Lögbirtinga-
blaðinu. Dýraríkið ehf. var lýst
gjaldþrota í Héraðsdómi Reykja-
víkur í síðasta mánuði og hefur
Flosi kallað eftir kröfum í búið
fyrir hönd skiptastjóra.
Áður hafði rekstur Dýraríkis-
ins, nafnið og lager, verið seldur
til nýrra aðila. Þeir tóku við í
mars á þessu ári og reka nú þrjár
verslanir undir nafninu Dýra-
ríkið, í Holtagörðum, á Akureyri
og Selfossi.
Fjallað var um málefni Dýra-
ríkisins í fjölmiðlum í fyrra, en
þáverandi eigandi sagði að þung-
ur skuldabaggi hefði legið á
fyrirtækinu frá hruni. Fréttir
voru sagðar af slæmum aðbúnaði
dýra í versluninni árið 2015 og
gerði Matvælastofnun at-
hugasemdir við frávik á reglum
um dýravelferð, meðal annars að
smádýr væru drepin þar með
klóróformi.
Nýir eigendur hafa tekið vel til
í verslunum og bætt aðbúnað dýr-
anna til muna.
„Það fór gríðarlegur tími í þrif
hérna en hefur gengið vel síðan,“
sagði starfsmaður í versluninni
við Morgunblaðið í gær.
Dýraríkið ehf. tekið til gjaldþrotaskipta
Páfagaukur Dýrin í
Dýraríkinu fengu
nýja húsbændur.
Skeifunni 3h ll Sími: 588 5080 ll dynjandi.is
Mannbroddar
-öryggisins vegna