Morgunblaðið - 07.12.2017, Qupperneq 36

36 FRÉTTIRInnlent
MORGUNBLAÐIÐ FIMMTUDAGUR 7. DESEMBER 2017
SVIÐSLJÓS
Ingveldur Geirsdóttir
ingveldur@mbl.is
Íbúum í sveitarfélaginu Árborg hef-
ur fjölgað um 523 á einu ári, frá 1.
desember 2016 fram til 1. desember
2017. Í nóvembermánuði fjölgaði
íbúunum um 58, þeir eru nú 8.967 í
allri Árborg sem telur Selfoss,
Stokkseyri, Eyrarbakka og Sand-
víkurhrepp. Fólksfjölgunin hefur
kallað á mikla uppbyggingu.
„Það sem af er þessu ári erum við
búin að samþykkja um 380 íbúðir,
allt árið í fyrra voru þær 150. Ég
gæti trúað að það sé að nálgast 300
íbúðir sem er búið að taka í notkun á
þessu ári,“ segir Bárður Guðmunds-
son, skipulags- og byggingarfulltrúi
Árborgar. „Það er búið að vera að
byggja í Gráhellu sem er syðst í
bænum og í Dísastaðalandi sem við
köllum Austurbyggð. Síðan er það
Hagahverfið við flugvöllinn og við
Austurveginn, í miðbænum, þar sem
er verið að byggja hátt í 50 íbúðir
fyrir 50 ára og eldri.“
Bárður segir aðallega verið að
byggja lítil raðhús og parhús þótt
einbýlishús og fjölbýlishús sjáist
líka. Í Austurbyggðinni er mest
byggt af litlum raðhúsíbúðum, um 70
fm án bílskúrs, sem verið er að selja
á 20 til 25 milljónir. Fólk virðist mik-
ið vera að leita að slíkum eignum, að
sögn Bárðar. Mikið er byggt af timb-
urhúsum. „Við erum á upptakasvæði
Suðurlandsskjálftans og þau standa
betur í hristingi. Í Árborg hefur allt-
af verið timburhúsamenning.“
Grunnskólabygging á dagskrá
Búið er að skipuleggja um 500 til
600 íbúðir í Björkulandi þar sem líka
verður byggður grunnskóli og leik-
skóli. Bárður býst við að farið verði
að byggja á því svæði eftir tæp tvö
ár. „Það er verið að gera deiliskipu-
lagið núna og við reiknum með að
klára það á næsta ári. Sennilega
verður byrjað á að byggja grunn-
skólann og gera byggingarhæfar
lóðir í kringum hann. Annars er enn
þá eitthvað af lausum lóðum í eign
einkaaðila í Hagalandi og Aust-
urbyggð og þá eru einkaðilar með
Árbakkann, byggð fyrir sunnan
sjúkrahúsið sem teygir sig austur að
golfvellinum. Þar er tilbúið skipulag
og hluti af innviðum kominn og þar
gæti verið byrjað að byggja á næsta
ári. Þá er verið að byggja 70 her-
bergja hótel við Eyrarveg 11.“
Bárður segir að þau hafi farið að
finna fyrir fjölguninni í sveitarfé-
laginu í fyrravetur en síðan hafi það
bara aukist og aukist. „Það er stutt í
að það verði lóðaskortur hérna. Ef
þessu heldur svona áfram eins og
hefur verið. Það er líka verið að
byggja á Stokkseyri og Eyrarbakka
og allt selst hratt og vel.“
Bárður hefur verið skipulags- og
byggingarfulltrúi á Selfossi síðan
1985 og hann man ekki eftir öðru
eins. „Þetta er algjörlega for-
dæmalaust og hefur verið mikill
álagstími að undanförnu, við erum
hálfbugaðir hérna,“ segir hann
kankvís.
Fagnar fjölguninni
Ásta Stefánsdóttir, fram-
kvæmdastjóri Árborgar, segir þá
sem hafa flust í sveitarfélagið að
undanförnu skiptast í þrjá hópa:
ungt fólk í fyrstu kaupum, fjöl-
skyldur sem þurfa að stækka við sig
húsnæði og ráða ekki við það á höf-
uðborgarsvæðinu og eldra fólk sem
er að selja stærri eignir og losa um
pening með því að fara í minna og
ódýrara húsnæði. Ásta segir þá sem
hafa flutt á svæðið mikið keyra á
höfuðborgarsvæðið til vinnu en einn-
ig hafi störfum á Suðurlandi í þjón-
ustu og í kringum ferðamennsku
fjölgað. Þá sé rífandi gangur í bygg-
ingarbransanum, iðnaðarmenn
standi ekki aðgerðalausir.
Ágætlega hefur gengið að takast á
við þessa hröðu fjölgun íbúa að sögn
Ástu. „Það tekur auðvitað í í ýmsum
þjónustuþáttum eins og leik- og
grunnskólum. Við erum að undirbúa
núna fyrir næsta ár að stækka hjá
okkur einn leikskóla og svo erum við
að vinna í lausnum varðandi grunn-
skóla og erum jafnframt byrjuð á
undirbúningi á nýjum grunnskóla.“
Um 1.200 grunnskólanemendur eru
nú á Selfossi og er hver fermetri í
skólunum tveimur sem þar eru vel
nýttur að sögn Ástu.
„Við erum mjög glöð með að fá allt
þetta fólk til okkar, það er gaman að
fólk vilji búa hérna og segir okkur að
þjónustan sem við veitum er góð. Ég
á von á því að það muni halda áfram
að fjölga fram á næsta ár enda er
mjög mikið af íbúðum í byggingu.“
Spurð hvort þau hafi lent í ein-
hverjum vandræðum vegna fólks-
fjölgunar segir Ásta það snúa að-
allega að leikskólunum, þar hafi
myndast biðlistar í haust, ólíkt því
sem áður var. Hún segir ekki nægan
stuðning við sveitarfélög sem
stækka svona hratt hér á landi og
vísar til Noregs þar sem jöfn-
unarsjóður greiðir framlag til sveit-
arfélaga í örum vexi. „Það er ekkert
slíkt hér og það er líka of lítið tillit
tekið til þess í núgildandi reglum
jöfnunarsjóðs þegar sveitarfélög
sameinast og verða fleiri en einn
byggðarkjarni. Það vantar að bæta
inn í stuðningi við sveitarfélög sem
eru með marga byggðarkjarna.“
Hröð fólksfjölgun í Árborg
 Búið að samþykkja um 380 íbúðir það sem af er ári  Voru 150 allt árið í fyrra  Byggingarfulltrúi
man ekki eftir öðru eins  Spurn eftir litlum rað- og parhúsum  Stutt í lóðaskort ef fram heldur
Morgunblaðið/Hari
Uppbygging Byggingarkrana er víða að sjá á Selfossi en íbúum þar hefur fjölgað hratt síðasta árið.
Fasteignasalar á Selfossi
kvarta ekki að sögn Þorsteins
Magnússonar, fasteignasala hjá
Fasteignasölunni Árborgir.
„Þetta er búið að vera mjög
gott. Við erum að selja mikið
af smærri íbúðum í raðhúsum,
en svo hefur verið að aukast
salan bæði í parhúsum og ein-
býlishúsum. Árið er búið að
vera mjög gott en undanfarin
ár hafa verið góð líka,“ segir
Þorsteinn.
Spurður hverjir séu að flytja
í bæinn segir Þorsteinn það
vera Reykvíkinga en líka mikið
uppalda Selfyssinga sem séu
búnir að mennta sig og flytji
nú aftur heim með fjölskyld-
una. Nokkuð sé um að eldra
fólk selji eignir á höfuðborg-
arsvæðinu og flytji á Selfoss „Í
Gráhellum voru 70 íbúðir seld-
ar í raðhúsum og stór hluti af
þeim sem keyptu er fólk 60
ára og eldra sem var að
minnka við sig í Reykjavík.“
Þorsteinn segir lítið vera til
sölu á Selfossi, í Hveragerði og
Þorlákshöfn og flest allt sem
kemur inn seljist á tiltölulega
skömmum tíma. „Ég sé ekki
lát á þessu.“
Hefur verið
mjög gott
FASTEIGNASALI
ÞG verk byggja nú þrjú fjölbýlishús á
Selfossi, með samtals 57 íbúðum.
Fyrsta húsið er í byggingu, 23 íbúða
fjölbýlishús, og fara íbúðir í því í sölu í
byrjun næsta árs og er afhending
áætluð með haustinu.
Sindri Már Guðbjörnsson, bygg-
ingarstjóri ÞG verka á Selfossi, segir
að nú þegar séu farnar að berast fyr-
irspurnir um íbúðirnar sem eru í
byggingu. „Það er mikill áhugi. Þetta
er fyrsta fjölbýlishúsið sem við byggj-
um á Selfossi og við erum að horfa til
framtíðar því þetta er fyrsta verkið
þar sem við tökum heildstæða nálgun
á rafbílavæðinguna á Íslandi,“ segir
Sindri Már en hleðslustöðvar fyrir
rafbíla verða strax settar upp á bíla-
plönum húsanna. „Við húsið sem við
erum að byggja núna verða til að
byrja með hleðslustæði fyrir sex bíla
en hægt verður að bæta við fleirum
eftir því sem þarf. Húsfélagið mun
síðan reka hleðslustöðvarnar og að-
eins íbúar í húsinu hafa aðgang að
þeim.“
Sindri Már nefnir aðra nýjung í
sambandi við bygginguna en baðher-
bergiseiningarnar koma allar tilbúnar
frá Litháen, smíðaðar eftir norskri
hönnun, og verða hífðar inn í íbúð-
irnar. „Einingarnar eru framleiddar
við bestu aðstæður og tryggja mjög
góðan frágang.“
Morgunblaðið/Hari
Selfoss stækkar Fjölbýlishús sem ÞG verk byggir nú í Hagahverfinu.
Byggja þrjú fjölbýlis-
hús með 57 íbúðum
 Rafhleðslustöðvar verða við hvert hús
Askalind 3 • 201 Kópavogur • Sími: 562 1500 • friform.is
Nettoline fær 5 stjörnur frá
dönskum gagnrýnendum
styrkur - ending - gæði
Eldhúsinnréttingar
hÁgÆÐa dansKar
OpiÐ:
Mán. - fim. kl. 09 til 18
Föstudaga kl. 09 til 17
Laugardagar kl. 11 til 15
úrVal innréttingaViÐ hönnum Og tEiKnum VönduÐ gÆÐaVaragOtt sKipulag