Morgunblaðið - 25.01.2018, Qupperneq 45

UMRÆÐAN 45
MORGUNBLAÐIÐ FIMMTUDAGUR 25. JANÚAR 2018
Shea handáburðurinn er ríkur af shea
smjöri (20%) sem gengur fljótt inn í
húðina svo hún verður vel nærð og mjúk.
MÖGNUÐUSTU VERKFÆRIN OKKAR,
HENDURNAR.
Kringlan 4-12 | s. 577-7040
SHEA HANDKREM
NÆRIR OG MÝKIR
Hvað er það mik-
ilvægasta í lífinu?
Hver og ein mann-
eskja ætti að svara
þessari spurningu:
„ég“. Ef ekki þá er
erfitt að vita hvað
maður er eða vill.
Í Markþjálfun er
unnið með persón-
unni „þér“ og þér
hjálpað að komast
nær kjarnanum þín-
um ef þú er tilbúin(n) til þess og
vilt það. Aðferð markþjálfunar er
eitt skilvirkasta verkfærið til að
hjálpa einstaklingum að ná mark-
miðum sínum og þannig árangri á
sem skemmstum tíma. Við erum
öll sérfræðingar í okkur sjálfum,
þó okkur þyki gott að fá ráð og
gefa ráð sem getur verið nauð-
synlegt í mörgum tilfellum. Það á
samt ekki alltaf við eða passar
ekki alltaf. Í slíkum tilfellum
koma markþjálfar að góðum not-
um því þeir eru einskonar „hugs-
anafélagar“ þar sem þeir hafa
aldrei skoðun á viðfangsefni hvers
markþjálfatíma.
Markþjálfar nota samtalstækni
sem inniheldur 11 grunnhæfn-
isþætti sem alþjóðleg samtök
markþjálfunar, ICF
(International Coach
Federation), hafa bú-
ið til og setja sem
kröfur að séu í
hverju einasta mark-
þjálfasamtali, til að
það geti verið skil-
greint sem mark-
þjálfun. ICF skil-
greinir markþjálfun
með eftirfarandi
hætti:
„Markþjálfun er
marksækið, árang-
ursmiðað og kerfisbundið ferli
þar sem einstaklingur auðveldar
öðrum einstaklingi eða hópi að
öðlast varanlega breytingu með
því að hlúa að sjálfmiðuðu námi
og persónulegum vexti þess sem
er í þjálfun. Markþjálfun er við-
varandi samband sem miðast að
því að marksækjandinn taki
skref sem gera framtíðarsýn,
markmið og óskir hans að veru-
leika. Markþjálfi notar ferli
spurninga og persónulegra upp-
götvana til að efla vitund og
ábyrgð marksækjandans. Hann
veitir honum jafnframt aðferðir,
stuðning og endurgjöf. Mark-
þjálfunarferlið hjálpar mark-
sækjandanum bæði að skilgreina
og ná faglegum og persónulegum
markmiðum hraðar og auðveldar
en annars væri mögulegt“.*
Með því að læra og kafa vel í
hvern hæfnisþátt markþjálfunar
getur hvaða einstaklingur sem er
orðið færari einstaklingur, bæði
fyrir sig og aðra. Markþjálfun er
því frábært verkfæri fyrir alla
stjórnendur til að ná fram-
úrskarandi árangri með bættum
samskiptum á vinnustað og
annarsstaðar. Með því að finna
út styrkleika og ástríðu hvers og
eins starfsmanns með jákvæðum
og uppbyggilegum samskiptum,
eru meiri líkur á því að hann nái
að blómstra á vinnustaðnum og
skapa verðmæti til vaxtar, ekki
bara fyrir hann – heldur líka fyr-
irtækið.
*Heimild: International
Coach Federation
Hvað er það mikil-
vægasta í lífinu?
»Með því að læra og
kafa vel í hvern
hæfnisþátt markþjálf-
unar getur hvaða ein-
staklingur sem er orðið
færari einstaklingur.
Höfundur er formaður ICF Iceland,
félags markþjálfa á Íslandi.
Eftir Ástu Guðrúnu
Guðbrandsdóttur
Ásta Guðrún
Guðbrandsdóttir
Strætó hefur verið í
umræðunni að und-
anförnu, vegna nætur-
strætó og borgarlínu.
Sem vagnstjóri með
margra ára reynslu get
ég sagt eftirfarandi:
Næturstrætó
Ég keyrði næt-
urvagna talsvert á sín-
um tíma. Það gekk yf-
irleitt sæmilega en
samt var nokkuð um drykkjulæti,
sofandi og jafnvel ælandi farþega.
Það að keyra strætó á næturnar um
helgar er öðruvísi upplifun en á dag-
inn.
Um síðustu helgi keyrði ég leið
101. Farþegar voru fjölmargir, hög-
uðu sér flestir vel en nokkrir aug-
ljóslega yngri en tvítugir. Nætur-
strætó er aðallega fyrir unglinga og
ungt fólk. Kannski ætlar stjórn
Strætó að endurvekja gamlan draug,
drukkna unglinga í miðbænum um
helgar?
Með næturstrætó opnast aftur
tækifæri fyrir unglinga að sækja
miðbæinn á kvöldin og fara heim með
strætó um nóttina. Við, vagnstjór-
arnir, flytjum fólk í misjöfnu ástandi í
úthverfin. Það er ekki góð tilfinning
að sjá villuráfandi, drukkinn ungling
stíga út úr vagninum um miðja nótt í
sjö stiga frosti. Það gerðist um síð-
ustu helgi á endastöðinni á Völlunum.
Borgarlínan
Á höfuðborgarsvæðinu búa um
230.000 manns á mjög dreifðu land-
svæði. Jafnvel þó þeim fjölgi um
100.000 á næstu 25 árum þá er
Reykjavík fámenn borg. Almenn-
ingssamgöngur eru í raun góðar
miða við fjölda íbúa.
Fólk almennt notar einkabílinn.
Það mun líklegast ekkert breytast í
ljósi hagsældar í landinu. Er einhver
þörf fyrir sérstaka borgarlínu? Um-
ferðin gengur yfirleitt ágætlega. Það
er helst á morgnana og síðdegis að
umferðin þyngist og fólk verður fyrir
töfum.
Ég hef keyrt margar strætóleiðir.
Á öllum þessum leiðum eru til-
tölulega fáir staðir, yfirleitt gatna-
mót, sem tefja umferðina á háanna-
tímum. Væri ekki betra að veita
fjármunum til úrbóta á þessum stöð-
um og greiða fyrir allri umferð en að
leggja 100 milljarða í rándýra borg-
arlínu?
Ef borgaryfirvöld vilja raunveru-
lega greiða veg Strætó í umferðinni
þá er til frekar ódýr lausn: fjarstýr-
ing og forgangur á umferðarljósum.
Með skynsamlegum framkvæmdum
á nokkrum gatnamótum og betri
stýringu á umferðarljósum væri
hægt að bæta flæði umferðarinnar
fyrir alla.
Því miður er það markmið borg-
aryfirvalda að hefta bílaumferðina og
þrengja götur, eins og dæmin sanna.
Það er yfirlýst stefna sumra stjórn-
málamanna að neyða fólk til notk-
unar almenningssamgangna. Hafa
vit fyrir hinum fíflunum. Hins vegar
eftir 25 ár, ef pólitíska rétttrún-
aðarfólkið verður ekki búið að tor-
tíma heiminum með visku sinni,
munu umferðartafir í Reykjavík
heyra sögunni til með sjálfkeyrandi
bílum.
Samgöngusérfræðingum sem
hanna leiðakerfi Strætó er smá vor-
kunn, höfuðborgarsvæðið er illa
skipulagt með tilliti til almennings-
samgangna. Það hefur samt ekki fælt
þá frá því að sýna snilld sína í verki
margoft, farþegunum til mikillar
ánægju og okkur vagnstjórunum til
stanslausrar skemmtunar.
Virðingin fyrir farþegum?
Hlemmur er aðalskiptistöð
Strætó. Núna er búið að breyta henni
í mathöll og farþegarnir þurfa að hír-
ast úti í kuldanum og rigningunni.
Þeir geta reyndar feng-
ið sér sæti á hörðum
stálbekk og horft á fólk
gæða sér á kræsingum í
Mathöllinni meðan þeir
bíða eftir að komast
sinnar leiðar.
Ljósið í myrkrinu eru
góðir og vitrir stjórn-
málamenn. Efast ekki
um að þeir eyði hundr-
uðum milljóna í að
kynna sér almennings-
samgöngur um allan
heim og til hönnunar
borgarlínunnar. Teikningarnar verða
til fyrirmyndar. Svo verður vafalaust
hætt við allt saman.
Já, upphefð Strætó er mikil hjá yf-
irvöldum og virðingin fyrir farþegum
til fyrirmyndar. Vantar bara geltandi
hunda í Strætó.
Hugleiðingar vagn-
stjóra um strætó
Eftir Brynjólf G.
Stefánsson
Brynjólfur G.
Stefánsson
»Hlemmur er aðal-
skiptistöð Strætó.
Núna er búið að breyta
henni í mathöll og far-
þegarnir þurfa að hírast
úti í kuldanum og rign-
ingunni.
Höfundur er vagnstjóri hjá Strætó.