Morgunblaðið - 16.02.2018, Blaðsíða 19

FRÉTTIR 19Viðskipti | Atvinnulíf
MORGUNBLAÐIÐ FÖSTUDAGUR 16. FEBRÚAR 2018
Strandgötu 24 | 220 Hafnarfjörður | Sími 565 4100 | nyform.is
Úrval af rafdrifnum
hvíldarstólum
Opið virka daga
11-18
laugardaga
11-15
N Ý F O R M
h ú s g a g n a v e r s l u n
Komið og skoðið úrvalið
10%
afsláttur
10% afsláttur af
trúlofunar- og
giftingarhringa-
pörum
CARAT Haukur gullsmiður | Hátúni 6a | Sími 577 7740 | carat.is
Sendum frítt um allt land
Skoðaðu úrvalið á carat.is
Rafport ehf • Auðbrekka 9-11 • 200 Kópavogur • Sími 580 1900 • rafport@rafport.is
Merkivélarnar
frá Brother eru
frábær lausn
inná hvert
heimili og
fyrirtæki
Komdu og kíktu
á úrvalið hjá okkur
Anders Olshov, hagfræðingur hjá
rannsóknarsetrinu Intelligence
Watch í Svíþjóð, sagði í erindi á
morgunverðarfundi íbúðaleigufyrir-
tækisins Heimavalla í gær að mjög
líklega væri húsnæðisbóla í Svíþjóð,
en sem dæmi þá er húsnæðisverð
þar í landi 60% hærra en í Dan-
mörku. Hann sagði að af þessum
sökum væru íbúðir yfirverðlagðar og
það væri áhættusöm fjárfesting í dag
að kaupa íbúð í Svíþjóð.
Erindi Olshow fjallaði um hús-
næðismarkaðinn í Svíþjóð og Dan-
mörku, og hlutverk og þróun leigu-
markaðar í þessum löndum. Hann
sagði að staðið hefði yfir langt tíma-
bil sterks húsnæðismarkaðar í bæði
Danmörku og Svíþjóð.
Í máli hans kom fram að gríðar-
lega vinsælt væri að vera á leigu-
markaði í Svíþjóð, en um 40% allra
íbúða eru leiguíbúðir. Leiguverð sé
bæði frekar lágt og stöðugt og tengt
verðbólgu, sem hefur ekki verið há,
en leiguverð hefur lengi verið
ákvarðað í samningum milli leigu-
taka og samtaka leigusala. Þá er
regluverkið sem um geirann gildir
hagstætt leigutökum.
Hann segir verðhækkanirnar á
húsnæði í Svíþjóð keyrðar áfram af
langvarandi lágum vöxtum og mikilli
eftirspurn eftir húsnæði til kaups.
Byggingarkostnaður sé hár og því sé
dýrt að reisa nýbyggingar. Lítt
freistandi sé einnig að byggja þegar
ekki megi leigja íbúðirnar út á mark-
aðsverði.
tobj@mbl.is
Áhætta fólgin í íbúðakaup-
um á sænska markaðnum
 Eftirspurn eftir leigu mun meiri en framboð  40% leigja
Bið Álíka að fá leigt í Stokkhólmi og fá Trabant í A-Þýskalandi, 10 ár.
Hagnaður Landsvirkjunar á síðasta
ári nam 108 milljónum bandaríkja-
dala, jafngildi um 11,2 milljarða
króna. Til samanburðar var hagnað-
ur fyrirtækisins 66,8 milljónir dala
árið 2016.
Rekstrartekjur Landsvirkjunar á
síðasta ári námu 483 milljónum dala,
eða liðlega 50 milljörðum króna, og
jukust um tæplega 63 milljónir dala
á milli ára. Skýrist aukningin að
mestu af hærra álverði, aukinni
orkusölu, hærri flutningstekjum og
styrkingu íslensku krónunnar gagn-
vart bandaríkjadal.
Rekstrarhagnaður fyrir afskriftir
og fjármangsliði, EBITDA, var 346
milljónir dala og var EBITDA hlut-
fall 71,5% af tekjum, samanborið við
71,8% árið á undan.
Nettó skuldir Landsvirkjunar
voru í árslok 2.043 milljónir dala,
jafnvirði 212 milljarða króna. Hækk-
uðu þær um 82 milljónir dala á árinu
2017, sem einkum skýrist af veikingu
bandaríkjadals gagnvart helstu
myntum. Þá var fjárfest fyrir 254
milljónir dala á síðasta ári, einkum í
byggingu Þeistareykjavirkjunar og
Búrfells II.
Hörður Arnarson forstjóri segir
þessar framkvæmdir hafa hægt á
lækkun skulda en þær leggi grunn
að styrkari og öruggari tekjustofn-
um fyrir fyrirtækið. „Á árinu 2018
lýkur þessu mikla framkvæmda-
tímabili og þá eru horfur á því að fyr-
irtækið verði enn stöðugra en áður
og betur í stakk búið að takast á við
verkefni framtíðarinnar.“
Hörður segir rekstur Landsvirkj-
unar hafa gengið vel á árinu 2017.
„Tekjur voru meiri en nokkru sinni
fyrr og slegin voru met í orkusölu og
-vinnslu. Selt magn nam 14,3 tera-
vattstundum, sem var yfir 5% aukn-
ing frá fyrra ári.“ sn@mbl.is
Metár hjá Landsvirkjun
 Hagnaður 11 milljarðar í fyrra  Selt magn jókst um 5%
Morgunblaðið/Golli
Raforka Hörður Arnarson segir að
á þessu ári muni miklu fram-
kvæmdatímabili ljúka.
Kaupskil, dótturfélag Kaupþings,
hafa annars vegar upplýst Banka-
sýslu ríkisins um að félagið hyggist
nýta kauprétt að 13% hlut ríkisins í
Arion banka. Hins vegar hafa
Kaupskil samið við Arion banka um
að bankinn kaupi 9,5% hlut af eigin
bréfum af félaginu. Eftir viðskiptin
eykst hlutur Kaupskila í Arion
banka um 3,5%. Um er að ræða
langstærsta hluthafa bankans.
Fram kemur í tilkynningu frá
Bankasýslunni að kaupverðið yrði
23,4 milljarðar króna og að málið
verði tekið til skoðunar. Fram kem-
ur í tilkynningu frá Arion banka að
hann kaupi bréfin af Kaupskilum
fyrir rúmlega 17,1 milljarð króna.
Sú fjárhæð komi til frádráttar arð-
greiðslu sem samþykkt var á hlut-
hafafundi á mánudag og geti að há-
marki numið 25 milljöðrum króna.
Arion banki greiði 90,087 krónur
á hlut fyrir bréfin sem sé sama verð
og Kaupskil greiði íslenska ríkinu
við nýtingu kaupréttarins. Kaup-
rétturinn er í samræmi við ákvæði í
hluthafasamkomulagi frá árinu
2009.
Tilboð Kaupskila til Arion banka
er háð því skilyrði að uppgjör hafi
átt sér stað á milli Kaupskila og ís-
lenska ríkisins varðandi nýtingu
Kaupskila á kauprétti 13% hlutar
ríkisins í Arion banka. Hafi fram-
angreindu skilyrði ekki verið full-
nægt á uppgjörsdegi geta Kaupskil
frestað uppgjörsdeginum um allt
að tíu daga. Fyrirhugað er að upp-
gjör fram fari þann 21. febrúar
2018, segir í tilkynningu frá Arion
banka.
Jón Gunnar Jónsson, forstjóri
Bankasýslu ríkisins, vildi ekki tjá
sig umfram fréttatilkynninguna við
Morgunblaðið. helgivifill@mbl.is
Morgunblaðið/Eggert
Arður Kaup Arion á eigin bréfum mun dragast frá 25 milljarða arðgreiðslu.
Kaupa og selja í Arion
Lifandi tónlist mbl.is/tonleikar