Morgunblaðið - 16.02.2018, Side 38

38 MENNING
MORGUNBLAÐIÐ FÖSTUDAGUR 16. FEBRÚAR 2018
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Varmadælur
Hagkvæmur kostur til
upphitunar
Verð frá aðeins
kr. 155.000 m.vsk
Midea MOB12
Max 4,92 kW
2,19 kW við -7° úti og
20° inni hita (COP 2,44)
f. íbúð ca 60m2..
• Kyndir húsið á veturna
og kælir á sumrin
• Fyrir norðlægar slóðir
• Fjarstýring fylgir
• Hægt að fá WiFi sendi
svo hægt sé að stjórna
dælunni úr GSM síma
TANGARHÖFÐA 13
VÉLAVERKSTÆÐIÐ
kistufell.com
Það er um 80% ódýrara að
skipta um tímareim miðað við
þann kostnað og óþægindi
sem verða ef hún slitnar
Hver er staðan á tíma-
reiminni í bílnum þínum?
Hringdu og pantaðu
tíma í síma
577 1313
Þýski ljósmyndarinn Candida Höfer hlýtur í ár heið-
ursviðurkenningu Sony World Photography Awards
fyrir framúrskarandi framlag til ljósmyndamiðilsins.
Viðurkenningin verður afhent í Somerset House í
London í apríl þegar hin viðamikla og árlega verð-
launasýning á ljósmyndum sem kennd er við Sony,
verður opnuð, en á henni verða yfir 600 ljósmyndir
teknar af fólki víða um lönd. Þá verður jafnframt opn-
uð sýning á úrvali verka eftir Höfer.
Meðal fyrri handhafa heiðursviðurkenningarinnar
má nefna ljósmyndarana Mary Ellen Mark, Eve Arnold,
Bruce Davidson, Elliott Erwitt og Martin Parr.
Hin þýska Candida Höfer, sem er fædd árið 1944, er í
framvarðasveit samtímaljósmyndara sem hafa notað
miðilinn til að skapa verk sem einkum hafa birst í söfn-
um, sýningarsölum og bókverkum. Hún var í hópi nem-
enda hinna kunnu listamanna og kennara Bernd og
Hilla Becker, við Listaháskólann í Düsseldorf, sem
margir hafa orðið heimskunnir fyrir ljósmyndaverk sín
en auk Höfer má nefna þá Andreas Gursky, Thomas
Struth, Thomas Ruff og Axel Hütte.
Höfer er þekkt fyrir nákvæm vinnubrögð og meist-
araleg tök á tækninni en í verkum sínum skráir hún
einkum með stórum blaðfilmumyndavélum og milli-
formatsvélum stofnanir þar sem menningararfleifð
manna er varðveitt og þá ekki síst bókasöfn. Verk
hennar hafa verið sýnd í mörgum helstu listasöfnum
jarðar og eru í eigu safna víða.
Höfer ljósmyndari heiðruð
© Candida Höfer/ VG Bild-Kunst
Framúrskarandi Eitt verka Candida Höfer úr bókasöfn-
um: Trinity College Library, Dublin, I – 2004.
Af óviðráðanlegum orsökum hefur
þurft að færa tónleika ensku popp-
stjörnunnar Jessie J. í Laugardals-
höll á nýja dagsetningu, 6. júní í
stað 18. apríl. Miðar sem þegar
hafa verið seldir á tónleikana gilda
þó að um nýja dagsetningu sé að
ræða.
Jessie J. hefur áður haldið tón-
leika hér á landi, í Laugardalshöll í
september árið 2015 og gerðu gest-
ir góðan róm að þeim.
Tónleikar Jessie J. færðir til 6. júní
Kraftmikil Jessie J. á tónleikum sem hún
hélt í Laugardalshöll árið 2015.
Einar Falur Ingólfsson
efi@mbl.is
Leikreglur, Règle du Jeu, er heiti
sýningar á verkum finnska ljós-
myndarans Elinu Brotherus sem
verður opnuð í Listasafni Íslands í
kvöld, föstudag, kl. 20. Á sýningunni
eru ný ljósmynda- og vídeóverk,
unnin 2016 til 17, og er hún liður í
Ljósmyndahátíð Íslands 2018.
Elina Brotherus (f. 1972) er einn
þekktasti og áhrifamesti myndlist-
armaður Norðurlanda í dag sem
vinnur með ljósmyndamiðilinn en
allt frá upphafi ferilsins hefur hún
einkum unnið með sjálfsmyndir og
landslagsmyndir, og oft sameinað
hvoru tveggja með allrahanda vís-
unum í listasöguna. Í verkum Brot-
herus má skynja sterka nálægð
hennar sjálfrar en hún kemur fyrir í
öllum verkum sýningarinnar, ber-
skjölduð og hispurslaus.
Þessi nýju verk byggjast á marg-
laga frásögnum þar sem sveiflast er
milli kímni og trega. Mörg þeirra
byggjast á leikreglum sem listakon-
an setti sér og fer eftir innan ramma
myndavélarinnar sem, eins og segir í
tilkynningu um sýninguna, er í senn
leikfélagi hennar og sálarspegill.
Segja má að verk Elinu Brotherus
hafi slegið í gegn meðan hún var enn
í listaháskóla og var hún farin að
sýna á alþjóðlegum vettvangi fyrir
aldamótin, sem hluti af hópi finnskra
ljósmyndara sem vinna innan mynd-
listarheimsins og kallast Helsinki
skólinn. Brotherus hefur markvisst
notað ljósmyndamiðilinn, og seinna
einnig vídeó, til að endurspegla til-
finningalífið og kanna persónulegar
en jafnframt sammannlegar upplif-
anir, sjálfsmyndina, tímahugtakið,
nærveru og fjarveru ástarinnar.
Verk Brotherus hafa verið sýnd í
mörgum þekktum söfnum, svo sem í
Centre Pompidou í París, Neue
Berliner Kunstverein í Berlín,
Þjóðarlistasafni Finnlands og Loui-
siana-listasafninu í Danmörku. Verk
hennar hafa í tvígang verið sýnd hér
á landi, í i8 Galleríi árið 2000 og á
samsýningu í Gerðarsafni í Kópa-
vogi árið 2006. Þá hefur hún unnið
verk hér á landi sem birst hafa á
sýningum hennar og í bókum.
Viss melankólía
Sýningarstjórinn Birta Guðjóns-
dóttir segir mörg verkanna unnin út
frá fyrirmælum sem Brotherus gaf
sjálfri sér og þá hafi þorri þeirra
verið frumsýndur á viðamikilli sýn-
ingu hennar í Pompidou-safninu í
fyrra, í kjölfar þess að hún vann virt
verðlaun safnsins, „Carte blanche
PMU 2017“. Í þeim vísar hún til að
mynda til leikja barna nema hér eru
það tvær konur sem taka þátt í þeim,
Brotherus sjálf og kunnur finnskur
dansari, Vera Nevanlinna, og leik-
irnir vísa til verka annarra lista-
manna, eins og Johns Baldessari og
Johns Cage.
„Verkin eru úr þremur seríum,“
segir Birta sem valdi þau og stillir
upp í sal Listasafnsins. „Í samráði
við Elinu kusum við að sýna aðeins
ný verk. Elina er sjálf í öllum römm-
um þessarar sýningar, sem er ekki
yfirlitssýning á neinn hátt en gefur
samt góða sýn á það hvernig hún
hugsar sig sem módel og á í samtali
við önnur myndverk, og jafnframt
sín eigin eldri verk.“
Þeir sem þekkja til listasögunnar
sjá að í nánast öllum verkunum er
vísað á einhvern hátt til annarra
verka og listamanna en sýningar-
gestir þurfa samt á engan hátt að
þekkja til þess til að njóta einlægrar
og tærrar nálgunarinnar í verkum
Brotherus. „Þetta eru marglaga
verk en í öllum er viss melankólía,
sem hún hefur orðið þekkt fyrir.
Með þessum fyrirmælaverkum má
samt líka greina leið fyrir hana til að
stíga frá vissum persónulegum að-
stæðum sem hún var að vinna úr og
það er meiri leikur í þessum en
mörgum fyrri verkum hennar,“ seg-
ir Birta. Hún mun á sunnudag kl. 14
leiða gesti um sýninguna.
Birt með leyfi Elina Brotherus og gb agency, París
Sjálfsmyndir Eitt verka Elinu Brotherus sem er til vinstri: Orange Event, frá 2017. Úr myndröðinni Leikreglur.
Sjálfsmyndir Brotherus
 Sýning á ljósmynda- og vídeóverkum eftir hina þekktu
finnsku listakonu Elinu Brotherus opnuð í Listasafni Íslands