Morgunblaðið - 16.02.2018, Qupperneq 20

20 FRÉTTIRErlent
MORGUNBLAÐIÐ FÖSTUDAGUR 16. FEBRÚAR 2018
Guðmundur Sv. Hermannsson
gummi@mbl.is
Bandarískir hermálasérfræðingar
segja að stöðugt meiri hætta stafi
af kjarnorkuvopnaáætlun Norður-
Kóreu og umheimurinn eigi ekki að
láta blekkjast af þeirri glansmynd
sem þarlend stjórnvöld hafa sýnt
umheiminum af sér í tengslum við
Vetrarólympíuleikana í Suður-
Kóreu.
„Norður-Kórea ógnar í sífellt
meiri mæli Bandaríkjunum og
hagsmunum þeirra,“ sagði Daniel
Coats, yfirmaður bandarísku leyni-
þjónustunnar þegar hann bar vitni
fyrir bandarískri þingnefnd í vik-
unni. Sagði hann að norðurkóresk
stjórnvöld hefðu ítrekað lýst því yf-
ir að þau mundu ekki semja um að
hætta þróun kjarnorkuvopna og
eldflauga.
Það vakti mikla athygli í síðustu
viku þegar Kim Yo-jong, systir
Kims Jong-un, leiðtoga Norður-
Kóreu, kom til Suður-Kóreu til að
vera viðstödd setningarathöfn ól-
ympíuleikanna og afhenti Moon
Jae-in, forseta Suður-Kóreu, bréf
frá bróður sínum. Þar bauð hann
suðurkóreska forsetanum til fundar
við sig í Pyongyang, höfuðborg
Norður-Kóreu, og sagðist vilja
bæta samskipti ríkjanna tveggja.
Ríkisfréttastofa Norður-Kóreu
hafði síðan eftir Kim Jong-un að
mikilvægt væri nýta það tækifæri
sem Ólympíuleikarnir hefðu gefið
til að bæta samskiptin og auka
gagnkvæman skilning.
Engin breyting
Mike Pompeo, forstjóri banda-
rísku leyniþjónustunnar CIA, sagði
fyrir þingnefndinni að Bandaríkja-
menn ættu að muna að systir
norðurkóreska leiðtogans væri yfir-
maður áróðursmála í norðurkóreska
stjórnkerfinu.
„Það bendir ekkert til þess að
Kim Jong-un hafi breytt
grundvallarafstöðu sinni og hann
vill ráða yfir kjarnorkuvopnum til
að geta ógnað Bandaríkjunum,“
sagði hann.
Fleiri sérfræðingar hafa tekið í
sama streng og lýst þeirri skoðun
að tilgangur Norður-Kóreu með
þessari „brosherferð“ sé að reyna
að reka fleyg milli Suður-Kóreu og
Bandaríkjanna og draga þannig úr
samstöðu alþjóðasamfélagsins um
að neyða Norður-Kóreu til að hætta
að þróa kjarnorkuvopn.
Japönsk stjórnvöld lögðu í vik-
unni áherslu á mikilvægi þess að
framfylgja af fullu afli ályktunum
öryggisráðs Sameinuðu þjóðanna
og fá Norður-Kóreu til að til að
breyta um stefnu. Alþjóða-
samfélagið mætti ekki láta norð-
urkóresku brosherferðina blinda
sig.
Mike Pence, varaforseti Banda-
ríkjanna, sem var viðstaddur setn-
ingu Ólympíuleikanna í Suður-
Kóreu sagði um síðustu helgi að
bandarísk stjórnvöld væru opin fyr-
ir viðræðum við Norður-Kóreu. Rex
Tillerson, utanríkisráðherra Banda-
ríkjanna, sagði hins vegar að ekki
væri tímabært að tala um beinar
viðræður.
Klókir Kóreumenn
Breska blaðið Financial Times
segir í fréttaskýringu um þessi mál
að það sé miður að Donald Trump
Bandaríkjaforseti vilji draga upp
einskonar skrípamyndir af and-
stæðingum sínum. Hann hafi m.a.
kallað Kim „litla eldflaugamanninn“
í twitterfærslum og „sjúkan hvolp“.
Staðreyndin sé hins vegar sú að
Kim hafi beitt mun meiri klókindum
en vesturveldin og sú ákvörðun að
senda háttsetta embættismenn og
klappstýrur á Vetrarólympíuleikana
í Suður-Kóreu hafi verið „meistara-
klassi í alþjóðasamskiptum“ sem
hafi bæði keypt Kim Jong-un meiri
tíma og afhjúpað veikleika Banda-
ríkjanna. Kim Yo-jong hafi fengið
gríðarlega umfjöllun í alþjóðlegum
fjölmiðlum. Og þótt hún hafi ekkert
sagt opinberlega hafi hún brosað á
réttum stöðum – í hrópandi mót-
sögn við fýlusvipinn á Mike Pence.
Norður-Kórea í sviðsljósinu
 Brosherferð Norður-Kóreumanna
„meistaraklassi í alþjóðasamskiptum“
Fæddur 1912
Systir Kim Jong-Il
Kim Jong-un
KimYo-jong
Kim Chun Song
Kim Jong-nam
Myrtur
13. feb. 2017
í Malasíu
Sung Hye Rim KimYong Suk Ko Yong Hui
Giftust ekkiGiftust ekki Í hjónabandi
Eiginkonur/
sambýliskonur
1971
1984
Fæddist
á tímabilinu 1987-1989
Kim Sol-song
1974
Býr í Norður-Kóreu
Starfar fyrir
Verkamannaflokkinn
Ekkert vitað um
hana
Heimildir: Yonhap/Suður-kóreska leyniþjónustan
KCNA og KNS
Kim Jong-chul
1981
Býr í Norður-
Kóreu
Leiðtogi
Norður-Kóreu
2011 -
Stýrir áróðurs-
málum stjórnarinnar
Skipuð í stjórnmála-
ráð Norður-Kóreu
í október 2017
Kim-ættarveldið í Norður-Kóreu
Kim Han-sol
Stundaði nám
í Sciences-Po
háskólanum í París
1995
Jang Song ThaekKim Kyong Hui
Kim Il-Sung
„Mikli leiðtogi og
eilífi forseti”
1948 - 1994
Tekinn af lífi
12. des. 2013
Gerð að fjögurra
stjörnu hers-
höfðingja 2010*
„Hreinsaður”vegna
„glæpa”og fyrir
að leiða„gagn-
byltingarhóp”
Kim Jong-il
„Kæri leiðtogi”
1994 - 2011
1941 eða 1942
*Suður-kóreska leyniþjónustan sagði 2015 að hún væri enn á
lífi þótt hún hefði ekki sést lengi opinberlega
1946 1946
Ri Sol-ju
Giftust
árið 2009
2010 2013 2017
Ekki vitað um kyn barnanna. Bandaríski körfubolta-
maðurinn Dennis Rodman sagði eftir ferð til
Norður-Kóreu 2013 að eitt barnið væri stúlka sem héti Ju-Ae
Ekki vitað hvar hann
er niðurkominn
Lorem ipsum
AFP
Bros Kim Yo-jong og Moon Jae-in.
Kista Hinriks prins, eiginmanns
Margrétar Danadrottningar, var í
gær flutt frá Fredensborgarhöll á
Sjálandi, þar sem hann lést, til
Amalíuborgarhallar í Kaupmanna-
höfn.
Kistan verður í dag flutt í kirkj-
una við Kristjánsborgarhöll og þar
mun hún standa uppi fram á mánu-
dag. Útförin fer fram á þriðjudag.
Fjöldi fólks hefur lagt blóm og
kveðjur á torgið við Amalíuborgar-
höll. Synir Hinriks og Margrétar,
þeir Friðrik og Jóakim, komu út á
torgið í gær með fjölskyldum sínum,
heilsuðu fólki og lásu kveðjur.
Danska ríkisútvarpið, DR, hefur eft-
ir Nikoline Vestergaard, sem var á
torginu í gær, að fólk hefði haft á
orði að það gæti aðeins gerst í Dan-
mörku, að kóngafólk gæfi sér tíma
til að hitta almenning þegar svona
stæði á.
„Skyndilega stóð ég við hliðina á
Maríu krónprinsessu. Fólk sýndi
þeim mikla virðingu, vék úr vegi og
leyfði fjölskyldunni að syrgja í næði
og skoða blómin og kveðjurnar,“
segir Ditte Haue, blaðamaður DR, á
vef útvarpsins.
AFP
Blómahaf Friðrik, krónprins Danmerkur, skoðar blóm og kveðjur á hallar-
torginu við Amalíuborgarhöll í gær ásamt eiginkonu og börnum sínum.
Kista Hinriks flutt til
Kaupmannahafnar