Morgunblaðið - 17.02.2018, Síða 54
54 MENNING
MORGUNBLAÐIÐ LAUGARDAGUR 17. FEBRÚAR 2018
Söfn • Setur • Sýningar
LISTASAFN ÍSLANDS
Sunnudaginn 18. febrúar kl. 14:
Leiðsögn: Katrín Jakobsdóttir, forsætisráðherra.
Þjóð verður til – Menning og samfélag í 1200 ár
grunnsýning Þjóðminjasafnsins
David Barreiro – Langa blokkin í Efra Breiðholti í Myndasal
Karl Jeppesen – Fornar verstöðvar á Vegg
Safnbúð fjölbreytt úrval gjafavöru
Kaffitár ljúfar veitingar í fallegu umhverfi
Sunnudaginn 18. febrúar kl. 14: Fjölskylduleiðsögn
Sjónarhorn - Ferðalag um íslenskan myndheim fyrr og nú
grunnsýning Safnahússins
Jónsbók, kirkjulist, skjöl, samtímalist, alþýðulist, plötuumslög,
ljósmyndir, landakort, vaxmynd og margt fleira
Krossfestingarmynd á skinnblaði frá 14. öld
Spegill samfélagsins 1770 - Almúgi og embættismenn skrifa Danakonungi
Fræðslurými og skemmtilegt fræðsluefni fyrir alla fjölskylduna
Safnbúð Bækur og gjafavörur í úrvali
Julia&Julia ljúfar veitingar í fallegu umhverfi.
Safnahúsið er hluti af Þjóðminjasafni Íslands
Hverfisgata 15, 101 Reykjavík, s. 530 2210
www.safnahusid.is - https://www.facebook.com/safnahusid/
Opið þriðjudaga til sunnudaga frá 10-17
SAFNAHÚSIÐ VIÐ HVERFISGÖTU
ÞJÓÐMINJASAFN ÍSLANDS
Suðurgata 41, 101 Reykjavík, s. 530 2200,
www.thodminjasafn.is • www.facebook.com/thjodminjasafn
Opið þriðjudaga til sunnudaga frá 10-17.
Draugasmiðja fyrir börn í Listasafni Íslands í tengslum við sýninguna Korriró og
Dillidó - þjóðsagnamyndir Ásgríms Jónssonar. Laugardaginn 17. febrúar kl. 13.
Sunnudagsleiðsögn um sýninguna Elina Brotherus - Leikreglur, 18. febrúar kl. 14
ELINA BROTHERUS - LEIKREGLUR 16.2. - 24.6.2018
KORRIRÓ OG DILLIDÓ 2.2. - 29.4.2018 - Þjóðsagnamyndir Ásgríms Jónssonar
FJÁRSJÓÐUR ÞJÓÐAR 7.4.2017 - 31.12.2019 - Valin verk úr safneign
ORKA 14.9. - 29.4.2018
Sýning á vídeóinnsetningunni Orka eftir Steinu í Vasulka-stofu
SAFNBÚÐ - Listrænar gjafavörur
Fríkirkjuvegi 7, 101 Reykjavík, sími 515 9600, www.listasafn.is.
Listasafn Íslands er opið alla daga kl. 11-17 nema mánudaga.
LISTASAFN SIGURJÓNS ÓLAFSSONAR
TVEIR SAMHERJAR - ASGER JORN OG SIGURJÓN ÓLAFSSON
21.10.2017 - 13.5.2018
Opið laugardaga og sunnudaga kl. 14-17. Laugarnestanga 70, sími 553 2906, www.lso.is
Kaffistofa – heimabakað meðlæti
SAFN ÁSGRÍMS JÓNSSONAR
ÓGNVEKJANDI NÁTTÚRA 2.10.2016 - 1.3.2018
Opið laugardaga og sunnudaga kl. 14-17
Bergstaðastræti 74, sími 561 9616, www.listasafn.is
TÓNLIST
Arnar Eggert Thoroddsen
arnareggert@arnareggert.is
Jæja, síðasta kvöld var … ja … ekk-
ert neitt voðalega sérstakt verður að
segjast. Og ég veit að sumir telja
mig heldur hófstilltan í því mati. All-
tént komust tvö sterkustu lögin
áfram og er það vel. En hvað er í
gangi í kvöld?
Golddigger
Höfundar lags: Jóel Ísaksson, Oskar
Nyman og Sveinn Rúnar Sigurðsson
Höfundur texta: Valgeir Magnússon
Flytjandi: Aron Hannes Emilsson
OK, þetta er hresst! Og miðað við
himinhrópandi slappleikann sem ég
hef upplifað fram að þessu tek ég
þessu fagnandi. Lagið er í fönkuðum
gleðigír; hróp og köll, brass og blást-
ur, stuð og gleði. Bruno Mars svífur
þarna um og útfærslan á þessu öllu
virkar. Einfalt og sleppir aldrei tök-
unum, viðlagið kröftugt og grípandi,
textinn grallaralegur og hæfilega
flippaður. Algerlega eftir formúl-
unni og bara hið besta mál. Aron
flytur þetta á einkar sannfærandi
hátt. Þetta gæti farið langt.
Óskin mín
Höfundur lags og texta: Hallgrímur
Bergsson
Flytjandi: Rakel Pálsdóttir
Hugljúf ballaða, nánast vögguvísa.
Þekkilegt og þægilegt en óþægilega
einkennalaust. Ergo: Hljómar eins
og þúsundir annarra laga af svip-
uðum toga. Undirspilið hæfir, gítar-
plokk og strengir, en bygging lags-
ins er fulleintóna og lítið að frétta
þegar á líður. Söngmelódían og lagið
passa líka ekki nógu vel saman, dá-
lítið stirðbusalegt flæði á þessu.
Rakel gerir eins vel og hægt er með
takmarkaðan efnivið.
Svaka stuð
Höfundar lags: Agnes Marinósdóttir,
Aron Þór Arnarsson og Marinó
Breki Benjamínsson
Höfundar texta: Agnes Marinós-
dóttir, Lovísa Rut Kristjánsdóttir og
Stefanía Svavarsdóttir
Flytjendur: Agnes Marinósdóttir,
Regína Lilja Magnúsdóttir og
Stefanía Svavarsdóttir
Jæja, þá erum við komin að enda
áttunda áratugarins eða svo og
diskótjúttið í algleymingi. Það er
eitthvað íslenskt við þetta lag, ég fer
að hugsa um Þú og ég og Geimstein.
Diskómotturnar sem malla hérna
eru allar hárréttar en lagasmíðin
sjálf er óttalegt þunnildi, meira
svona grúv-hjakk en alvörulag.
Textinn er hallærislegur, nær ekki
að fara hringinn einu sinni og flutn-
ingurinn er furðu andlaus. Maður
trúir því trauðla að flytjendur séu í
svaka stuði, það er eitthvert nor-
rænt hrím yfir sem bara gerir sig
ekki.
Brosa
Höfundar lags og texta: Fannar
Freyr Magnússon og Guðmundur
Þórarinsson
Flytjendur: Gyða Margrét Kristjáns-
dóttir og Þórir Geir Guðmundsson
Þeir Fannar og Guðmundur áttu
einnig lagið „Litir“ og þetta lag er í
svipuðum gír, lauflétt smíð sem
rennur einhvern veginn í gegn án
þess að þú takir eftir henni. Þetta
lag hér er þó aðeins „feitara“ en Lit-
irnir en bara rétt svo. Einfalt lag og
eitthvað svona afgerandi er hvergi
að finna. Flutningur er sæmilegur,
Þórir gerir vel en Gyða hefði mátt
vera framfærnari. Virðist með
ágæta rödd en hún heldur of mikið
aftur af sér. Það er ekki gott merki
þegar maður er farinn að bíða eftir
því að lag endi eftir ca eina og hálfa
mínútu.
Í stormi
Höfundur lags: Júlí Heiðar Halldórs-
son
Höfundar texta: Júlí Heiðar
Söngvabeygjur
og -sveigjur
Hér verður síðari skammtur þeirra laga sem
keppa um sæti í Söngvakeppni evrópskra sjón-
varpsstöðvanna tekinn til kostanna.
900-9901 Aron Hannes syngur
Golddigger eftir nokkra höfunda.
900-9902 Rakel flytur Óskin mín
eftir Hallgrím Bergsson.
Söngvakeppnin 2018
Silja Björk Huldudóttir
silja@mbl.is
„Ég leitaði innblásturs víða, allt frá
textum til kvikmynda og teikni-
mynda,“ segir Steen Nikolaj Hansen
um tónverk sitt
Ferðina til Val-
hallar sem hann
stjórnar á tón-
leikum Stór-
sveitar Reykja-
víkur í Silfurbergi
Hörpu í dag,
laugardag, kl. 16.
Í rúm þrjátíu ár
var Hansen leið-
andi básúnu-
leikari í Stórsveit
danska ríkisútvarpsins í Kaupmanna-
höfn og stjórnaði hljómsveitinni
reglulega síðustu sex árin ásamt því
að leika sem gestaleikari með stór-
sveitum í París og New York.
„Síðustu árin hef ég líka stjórnað
öllum herlúðrasveitum Danmerkur
og lúðrasveit konunglegu lífvarðar-
sveitarinnar,“ segir Hansen, sem
samhliða því að sinna hljómsveitar-
stjórn í auknum mæli hefur snúið sér
að tónsmíðum og útsetningum, en
meðal þeirra sveita sem hann hefur
útsett fyrir auk Stórsveitar danska
ríkisútvarpsins eru Stórsveit BBC,
Sinfóníuhljómsveit Danmerkur og
Sinfóníuhljómsveitirnar í Óðinsvéum
og Álaborg. Samhliða þessu hefur
hann um árabil kennt básúnuleik í
Óðinsvéum, Esbjerg og Álaborg.
Spurður um tilurð þess að hann
stjórnar eigin verki hérlendis segist
Hansen lengi hafa gengið með þann
draum í maganum að færa verkið
áheyrendum á víkingaslóðum. „Við
Sigurður [Flosason] höfum þekkst í
mörg ár, en það eru rúm 20 ár síðan
við spiluðum fyrst saman á tónlistar-
hátíð í Svíþjóð. Eftir frumflutning
Ferðarinnar til Valhallar í Danmörku
haustið 2015 fannst mér tilvalið að
fara með verkið til Íslands í ljósi þess
að umfjöllunarefni þess tengist vík-
ingum nánum böndum,“ segir Han-
sen og lýsir ánægju sinni með að fá
tækifæri til að vinna með Stórsveit
Reykjavíkur, en svo skemmtilega vill
til að í dag, á tónleikadeginum sjálf-
um, fagnar sveitin 27 ára starfs-
afmæli sínu.
„Ferðin til Valhallar var fyrsta
stóra tónverkið sem ég samdi,“ segir
Hansen og lýsir verkinu sem svítu í
níu þáttum fyrir stórsveit og raf-
eindatól. „Mörg tónverk hafa verið
skrifuð innblásin af grískum og róm-
verskum guðum og því fannst mér
kominn tími á verk um norrænu goð-
in,“ segir Hansen, en meðal goða sem
koma fyrir í verkinu eru Þór, Loki,
Freyja, Týr, Njörður, Hel og Óðinn.
„Mér fannst hæfa best að láta bassa-
klarínettuna túlka Óðin. Það er ein-
hver dulúð yfir hljómnum í því hljóð-
færi sem hæfir þessu göldrótta goði.
Ég flétta síðan raftónlist inn í verkið,“
segir Hansen og rifjar upp að þegar
verkið var frumflutt í Danmörku á
sínum tíma hafi rafhljóðin verið tekin
upp fyrirfram, en að þessu sinni séu
þau leikin lifandi. „Þannig verða raf-
hljóðin eins og aukahljóðfæri í sjálfu
sér sem spilar með stórsveitinni sem
verður spennandi að heyra,“ segir
Hansen.
Aðspurður um stíl verksins segist
hann hafa leitað fanga víða. „Verkið
felur í sér ferðalag sem hefst á víg-
vellinum við sólarupprás, en þaðan
liggur leiðin til Valhallar um Bifröst
og að lokum aftur til Miðgarðs,“ segir
Hansen og tekur fram að verkið beri
þess merki að hann hafi menntað sig í
kvikmyndatónlist. „Verkið er undir
sterkum áhrifum frá hefðbundinni
stórsveitartónlist, en ég vitna líka í
hipphopp, rokk og klassíska sam-
tímatónlist. Verkið spannar allt frá
hljómmiklum köflum yfir í lýrík á
milli þess sem hljóðheimurinn verður
á köflum stórskrýtinn, enda er þetta
lýsing á ferðalagi út í hið óþekkta.“
Þess má geta að sérstakur gestur
tónleikanna er Einar Kárason sem
verður bæði kynnir og sögumaður.
„Leitaði inn-
blásturs víða“
Stórsveit Reykjavíkur leikur Ferð-
ina til Valhallar á 27 ára afmæli sínu
Afmælisgleði Stórsveit Reykjavíkur leikur Ferðina til Valhallar á tónleikum í Silfurbergi Hörpu í dag kl. 16.
Steen Nikolaj
Hansen