Morgunblaðið - 28.02.2018, Page 2

2 FRÉTTIRInnlent
MORGUNBLAÐIÐ MIÐVIKUDAGUR 28. FEBRÚAR 2018
Nánari upplýsingar áwww.geosilica.is
Fæst í apótekum, heilsubúðum, Hagkaupum, Nettó, Fjarðarkaupum og á geoSilica.is
Kísil STEINEFNI
Hágæða 100% náttúrulegt steinefni, þróað og framleitt
á Íslandi úr jarðhitavatni frá Hellisheiðarvirkjun.
Getur meðal annars stuðlað að:
• Fyrirbyggingu við beinþynningu
• Styrkingu á hjarta- og
æðakerfi líkamans
• Heilbrigði húðar og hárs
• Sterkari nöglum
• Góðri heilsu
• Losun áls úr líkamanum
• Aukinni upptöku annarra steinefna
• Örvun kollagen myndunar
Inniheldur engin aukaefni.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Ég óttast mjög að góður árangur
Íslendinga í forvörnum vegna slysa
sem börn lenda í sé að fara forgörð-
um,“ segir Herdís Storgaard hjá
Miðstöð slysavarna barna.
„Áhugi stjórnvalda á að leggja
þessum málum lið með fjárstuðningi
er ekki mikill og það verður að breyt-
ast. Drukknunum, föllum og fleiri
slysum þar sem börn slösuðust eða
létu lífið hafði fækkað mikið hér á
landi og til þess árangurs var horft
víða um lönd. Ísland var komið í
mjög öfundsverða stöðu.“
Hjá Miðstöð slysavarna barna
stendur Herdís fyrir námskeiði fyrir
nýbakaða foreldra sem ber yfir-
skriftina „Vertu skrefi á undan“. Þar
er farið yfir
hverjar séu
helstu hættur á
heimilum og hvað
beri að varast.
Hvert námskeið
er ein og hálf
klukkustund og
er það haldið
vikulega, þátttak-
endum að kostn-
aðarlausu. For-
eldrar eru upplýstir um námskeiðin í
ungbarnaeftirliti heilsugæslunnar.
„Það er mikilvægt að fólk þurfi ekki
að greiða fyrir þessa mikilvægu
fræðslu og ég sinni þessu fyrir hug-
sjónina, enda hef ég svigrúm til þess.
IKEA og Sjóvá standa við bakið á
mér hvað varðar beinan kostnað – en
opinberir aðilar hafa ekki séð sér
fært að leggja mér lið. Ég er búin að
hamra á þessu við marga ráðherra,“
segir Herdís, sem hefur sinnt þess-
um málum síðan um 1990 og starfað
fyrir ýmsa aðila. Það var svo árið
2010 sem Miðstöð slysavarna barna
var sett á laggirnar.
Ráðgjöf sé fyrir hendi
„Námskeiðahald er það sem mest
kveður að en ótrúlega margir leita til
mín með spurningar, sem segir að
ráðgjöfin þarf að vera fyrir hendi og
þá meira en bara upplýsingar á vef-
síðu,“ segir Herdís. sbs@mbl.is
Telur góðan árangur í
slysavörnum vera í hættu
 Miðstöð slysavarna barna fær ekki opinberan stuðning
Herdís
Storgaard
Sigurður Bogi Sævarsson
Anna Sigríður Einarsdóttir
„Við erum búin að standsetja íbúð-
irnar og núna erum við á leiðinni í
verslun svo þessir nýju Vestfirð-
ingar koma að ísskápnum fullum af
mat þegar þeir mæta á svæðið,“ seg-
ir Bryndís Friðgeirsdóttir, svæðis-
fulltrúi Rauða krossins á Ísafirði. Í
dag koma þangað tvær fjölskyldur,
níu manns alls, Írakar sem verið
hafa á flótta og hafst við í Amman í
Jórdaníu, jafnvel í langan tíma.
Þrjár fjölskyldur frá Sýrlandi, alls
þrettán manns, eru væntanlegar
vestur í næstu víku.
Móttakan er samstarf margra
Fólk þetta nemur land í krafti
samninga sem Ásmundur Einar
Daðason félagsmálaráðherra og
Gísli Halldór Halldórsson, bæjar-
stjóri Ísafjarðarbæjar, undirrituðu í
gær. Móttaka fólksins er sam-
starfsverkefni Ísafjarðarbæjar,
Súðavíkur og Bolungarvíkur. Í
hópnum eru tíu fullorðnir, ellefu
börn og tvö eldri en 18 ára. Fyrr á
þessu ári var annar samningur gerð-
ur við Fjarðabyggð um móttöku
flóttafólks, samtals 42 einstaklinga.
Það fólk flaug austur á land í gær.
Til viðbótar eru væntanlegir til
landsins síðar í þessum mánuði tíu
Úgandamenn sem eins og sakir
standa eru í Kenía.
Laus úr erfiðum aðstæðum
Sveitarfélögin hafa undirbúið
móttöku fólksins í samstarfi við vel-
ferðarráðuneytið og fleiri. Í ýmis
horn er að líta í stuðningi við fólkið,
en hver og ein fjölskylda hefur sér til
halds og trausts bakverði frá Rauða
krossinum. Stuðningurinn af hálfu
sveitarfélagsins felst í að tryggja
fólki húsnæði, menntun, heilbrigðis-
þjónustu, atvinnuleit og fjárhags-
aðstoð.
„Fólkinu er bara ofboðslega létt
að vera komið úr erfiðum aðstæðum
og í öryggið hér,“ segir Linda Rós
Alfreðsdóttir, sem hefur með flótta-
mannamálin að gera í velferðarráðu-
neytinu.
Morgunblaðið/Kristinn Magnússon
Ísland Flóttafólkið var fegið þegar það kom til landsins í gær, enda laust úr erfiðum aðstæðum. Rauði krossinn verður fólkinu til halds og trausts.
Flóttafólkið komið í öryggi
 65 flóttamenn til Íslands  Fyrsti hópurinn kom í gær og þau fyrstu farin
austur  Fullur ísskápur bíður þeirra sem fljúga vestur á Ísafjörð í dag
Morgunblaðið/Kristinn Magnússon
Nýbúar Fólkið er á öllum aldri og allir eiga sína sögu eftir flótta síðustu ára.
Yfirheyrslur
stóðu lengi dags í
gær yfir tveimur
karlmönnum sem
lögreglan handtók
fyrr um daginn,
en þeir eru grun-
aðir um innbrot í
hús við Dalsbyggð
í Garðabæ. Skv.
upplýsingum frá
Sævari Guð-
mundssyni, varðstjóra í Hafnarfirði,
er talið að mennirnir tengist inn-
brotahrinu sem staðið hefur yfir á
höfuðborgarsvæðinu síðustu mánuði.
Mennirnir eru af erlendum uppruna
og telur Sævar að líklega séu fleiri
menn í spilinu.
Samkvæmt upplýsingum frá lög-
reglunni var tilkynnt um tvo menn
sem voru að reyna að komast inn í
húsið við Dalsbyggð og var það mað-
ur í næsta húsi sem gerði viðvart.
Lögreglan vildi í gærkvöldi ekki
gefa upplýsingar um framgang rann-
sóknar eða hvort óskað yrði gæslu-
varðhalds yfir mönnunum.
Tveir voru
handteknir
í Garðabæ
 Eru taldir tengjast
innbrotahrinunni
Garðabær Málið
er í rannsókn.
Héraðsdómur Reykjavíkur dæmdi í
gær mann um þrítugt í átta mánaða
fangelsi, þar af fimm skilorðsbundna,
fyrir líkamsárás og tilraun til ráns. Þá
var manninum gert að greiða um 3,1
millj. kr. í bætur og sakarkostnað.
Maðurinn var ákærður fyrir að
hafa í ágúst 2016 ráðist á konu í
Reykjavík og heimtað að hún legði
fjármuni inn á reikning hans. Hann
hefði komið aftan að henni, gripið um
höfuð hennar og sett nærbuxur fyrir
vit hennar. Síðan hefði hann hrint
konunni í gólfið, ógnað með hnífi og
hótað lífláti færi hún ekki að vilja
hans.
Konan barðist um og greip um
blaðið á hnífnum sem maðurinn ógn-
aði henni með. Við það hlaut konan
grunnt sár skáhallt á bringu og
skurði á lófum og fingrum beggja
handa. Þar á meðal djúpan skurð á
litlafingri vinstri handar.
Dæmdur
fyrir alvar-
lega árás
 Fangelsi og bætur