Morgunblaðið - 28.02.2018, Page 34

34 ÍSLENDINGAR
MORGUNBLAÐIÐ MIÐVIKUDAGUR 28. FEBRÚAR 2018
Álfheimum 74, 104 Rvk, sími 568 5170
GUERLAIN
KYNNING
28. feb – 2. mars
Guerlain kynnir
nýjasta ilminn sinn,
Mon Guerlain EDP Florale
með stolti.
Baðaðu þig nýjum blómum
ilmaðu af frelsi, sjálfstrausti
og rómantík
Guerlain sérfræðingur
tekur vel á móti þér.
20% afslátturaf öllum vörum fráGUERLAIN
Helga Guðrún Guðjónsdóttir, verkefnastjóri í Hamraskóla íGrafarvogi, á 60 ára afmæli í dag. Helga er er grunnskóla-kennari að mennt með framhaldsnám í stjórnun. „Nemend-
urnir þurfa á þessari þjónustu að halda af ýmsum ástæðum s.s. námi,
félagsfærni, kvíða og hegðun.“
Helga hefur gegnum tíðina starfað mikið að félagsmálum, sat m.a. í
stjórn Ungmennafélags Íslands frá 1997, þar af sem formaður 2007 til
2015 og er fyrsta og eina konan sem hefur verið formaður í 111 ára
sögu hreyfingarinnar. Samhliða setu sinni í stjórn UMFÍ sat hún einn-
ig í stjórn Íslenskrar getspár og Íslenskra getrauna. Henni var veitt
fálkaorðan árið 2016 fyrir störf sína að íþrótta- og æskulýðsmálum.
„Félagsmál og sjálfboðaliðastörf hafa verið og eru mín helstu
áhugamál og ég hef nýlega gengið í Delta Kappa Gamma sem er fé-
lagsskapur kvenna sem eru í menntastörfum og svo er ég að ganga í
Oddfellowregluna. Fjallgöngur og útivist eru áhugamál en þess utan
þá er það fjölskyldan og eru barnabörnin í miklu uppáhaldi.
Ég ætla að byrja afmælisdaginn á því að mæta í vinnuna en svo er
ég að vona að eiginmaðurinn bjóði mér út að borða um kvöldið. Svo
ætla ég að vera með fjölskyldu minni í bústað fyrir austan fjall um
helgina, frá föstudegi til sunnudags, með börnum, tengdabörnum og
barnabörnum, og halda þar upp á afmælið,“ en bústaðurinn er í Unn-
arholtskoti í Hrunamannahreppi.
Eiginmaður Helgu er Hálfdán Kristjánsson viðskiptafræðingur.
Börn þeirra eru Kristín Harpa, Guðjón Bjarni og Hálfdan Helgi og
barnabörnin eru orðin fimm.
Heima Helga, Hálfdán og sonarsynirnir Elmar Þór og Hákon Darri.
Fagnar afmælinu
fyrir austan fjall
Helga Guðrún Guðjónsdóttir er sextug í dag
G
uðmundur Haraldsson
Norðdahl, eða Norðdal,
eins og hann vill að eftir-
nafn sitt sé skrifað,
fæddist á hlaupársdegi
29. febrúar 1928 í Reykjavik. Hann
ólst þar upp á Bergstaðastræti 66.
Guðmundur lauk gagnfræðaprófi
frá Gagnfræðaskóla Vesturbæjar
1945, stundaði nám í klarinettleik, pí-
anóleik og tónfræði við Tónlistarskól-
ann í Reykjavík 1949. Guðmundur
lauk kennaraprófi 1960 og söngkenn-
araprófi frá Tónlistarskólanum í
Reykjavík 1961. Hann nam í einkatím-
um í tvo vetur hjá dr. Victor Urbancic,
Jóni Þórarinssyni og dr. Róbert Abra-
ham Ottóssyni. Guðmundur lauk próf-
um frá Orff Institute við Mozarteum í
Salzburg 1970, sótti námskeið hjá
Ernst Read Association í Englandi
1970 og sótti ýmis tónlistarnámskeið á
Íslandi, i Kanada og Ungverjalandi.
Frá árinu 1962 til ársins 1995 var
Guðmundur kennari við marga skóla;
við Barnaskóla Garðahrepps, Tónlist-
arskóla Garðahrepps, Tónlistarskól-
ann í Sandgerði, Tónlistardeild
Stórutjarnaskóla, Tónlistardeild
Hafralækjarskóla, og Tónlistarskóla
Akraness. Alls spannar kennsluferill
Guðmundar nú yfir 70 ár. Guðmundur
var einn af stofnendum Tónlistarskóla
Keflavikur og kenndi við skólann, var
einn stofnenda og skólastjóri Tónlist-
arskólans í Sandgerði frá 1958, var
meðal stofnenda og skólastjóri Tónlist-
arskólans í Garðabæ 1962-75, stjórnaði
tónlistardeild Stórutjarnaskóla og var
stofnandi og stjórnandi tónlistar-
deildar Hafralækjarskóla. Þá kenndi
hann við Tónlistarskólann á Akranesi.
Guðmundur hefur stjórnað fjölda
skólakóra og verið stjórnandi Lúðra-
sveitar Keflavíkur, Lúðrasveitar
Sandgerðis og Lúðrasveitar Reykja-
víkur 1994-95. Hann er félagi í
Guðmundur H. Norðdal tónmenntakennari – 90 ára
Morgunblaðið/Sverrir
Feðgar Guðmundur ásamt yngsta syni sínum, Guðmundi Þór, með Lyftistöngina, hjálpartæki fyrir klarinettleikara.
Reif upp tónlistarlífið
hvert sem hann fór
Morgunblaðið/Árni Sæberg
Vinsæll Guðmundur tekur á móti
gestum á áttræðisafmæli sínu.
Vilhelmína Norðfjörð
Sigurðardóttir, Melateig
39, Akureyri, á 80 ára
afmæli í dag.
Árnað heilla
80 ára
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.