Morgunblaðið - 03.03.2018, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 3. MARS 2018
Í HELGUM STEINI
TABULA GRATULATORIA
Karl Sigurbjörnsson, biskup, er áhrifamikill
prédikari sem talar beint inn í íslenskan samtí-
ma. Hann leggur út af guðspjallstextum af
hugkvæmni og dýpt. Kímnin er aldrei langt
undan enda undirstrikar hún iðulega alvöru
málsins á sinn margræða hátt.
Lesandinn fer með honum um ýmsar slóðir
kunnugra texta úr Biblíunni og verður margs
vísari. Hann vefur með listilegum hætti inn í
texta sinn tilvitnanir í sígild íslensk skáld sem
erlend, spekinga, alþýðufólk og börn, og varpar
með því oft óvæntu ljósi á samhengi textans.
Hver prédikun verður eins og lítið listaverk, ofin
úr mörgum traustum þráðum sem sameinast
að lokum í einum punkti: manneskjunni and-
spænis Guði.
Lestur einnar prédikunar kallar á lestur annar-
rar því þær laða lesandann til sín með einlægri
boðun sinni, baráttugleði, speki og hnyttni.
Með hverri prédikun eru teikningar og tákn úr
fórum höfundar, ljósmyndir og ljóð.
Í bókinni verður Tabula Gratulatoria – heilla-
óskaskrá. Þau sem vilja skrá sig á heillaóska-
skrána, geta skráð sig og um leið gerst
áskrifendur að bókinni, en hún kostar
kr. 4.900 sem er forsöluverð. Skálholtsútgáfan
annast útgáfu bókarinnar.
Karl Sigurbjörnsson,
biskup, varð sjötugur
á síðastliðnu ári.
Af því tilefni hafa vinir
hans og velunnarar
tekið höndum saman
og ákveðið að gefa út
safn prédikana eftir
hann, en þær eru að
mestu leyti frá þjónustu
hans við Dómkirkjuna
í Reykjavík
síðastliðin þrjú ár.
Hægt er að panta bókina á netfanginu
skalholtsutgafan@skalholtsutgafan.is eða í síma 528 4200.
VIÐTAL
Baldur Arnarson
baldura@mbl.is
Reykjavíkurborg mun á næstu fimm
árum fjárfesta fyrir um 200 milljarða
í innviðum og þjónustu borgarinnar.
Dagur B. Eggertsson borgarstjóri
segir þetta um tvöföldun frá síðustu
fimm árum. Borgin hafi aldrei fjár-
fest svo mikið á fimm árum.
„Ég held að það megi fullyrða að
það komist ekkert í hálfkvisti við
þetta. Við erum á mesta uppbygging-
arskeiði í sögu borgarinnar. Fjárfest-
ingar borgarsjóðs eru t.d. 20 millj-
arðar í ár. Þetta eru líka fyrirtækin
og auðvitað er Orkuveitan lang-
stærst. Hún er að koma inn með end-
urnýjun veitna og fjárfestingar sem
hafa í sumum tilfellum beðið. Alls er
þetta því svona umfangsmikið.“
Fjárfest í félagslegum íbúðum
„Hér eru líka taldir með Félags-
bústaðir sem eru að fjárfesta mikið í
nýju félagslegu leiguhúsnæði á tíma-
bilinu. Þetta er þríþætt. Í fyrsta lagi
skólar, leikskólar, sundlaugar, átak í
malbiki og aðrir innviðir borgarinn-
ar. Í öðru lagi veitur og aðrar fram-
kvæmdir á vegum Orkuveitunnar og
í þriðja lagi þetta mikla uppbygg-
ingarátak í félagslegu húsnæði.“
Dagur vék m.a. að þessari fjárfest-
ingu í fyrirlestri í Ráðhúsinu í gær-
morgun (sjá grein fyrir neðan).
Spurður hvort þetta verði því að
jafnaði 40 milljarðar á ári næstu
fimm ár segir Dagur fjárfestinguna
meiri í ár og á næsta ári en árin þar á
eftir. Fjárfestingin sé „framþung“.
Spurður um fjármögnun segir
Dagur hér horft til langs tíma.
„Þessar framkvæmdir eru meðal
annars fjármagnaðar af fyrirtækjum
borgarinnar. Þau eru auðvitað vön að
vera í svona langtímafjárfestingum.
Sumt af því er tekið að láni en við er-
um líka að greiða niður býsna mikið
af lánum. Borgarsjóður fær tekjur af
sölu byggingarréttar og gatnagerð-
argjöld vegna uppbyggingarinnar.
Við erum því í raun að taka mjög lít-
inn hluta þeirra að láni. Á þessu ári
erum við til dæmis að taka að láni um
þrjá milljarða af þeim 20 sem við er-
um að fjárfesta fyrir [hjá borgar-
sjóði]. Þannig að við erum að nýta
fjárhagslegan styrk til þess að fjár-
festa í innviðum.“
Spurður hvernig efnahagsreikn-
ingur borgarinnar verði að loknu
þessu framkvæmdaskeiði segir Dag-
ur að hann verði „svipaður og núna“.
„Við náðum algjörum umskiptum í
fjármálum borgarsjóðs á miðju þessu
kjörtímabili; áður hafði okkur [tekist]
að snúa við stöðu Orkuveitunnar sem
var lykilatriði. Á síðustu fimm árum
höfum við greitt niður skuldir um 100
milljarða í samstæðu borgarinnar.
Og erum að nýta þá sterku stöðu til
þess að fjárfesta í innviðum og íbúð-
um,“ segir Dagur. Sveitarstjórnar-
kosningar fara fram laugardaginn
26. maí næstkomandi.
Spurður hvernig stefnan í skatta-
málum muni birtast borgarbúum á
næsta kjörtímabili nefnir Dagur til
dæmis skatta af fasteignum.
Lækkuðu fasteignaskatta
„Skattastefnan mun birtast í því að
Reykjavíkurborg er með einhverja
lægstu álagningu fasteignaskatta á
íbúðarhúsnæði í landinu. Við vorum
að lækka hana um 10% og er álagn-
ingin því nú 0,18%. Til viðbótar erum
við með eina hæstu afslættina fyrir
eldri borgara og öryrkja. Það tekur
mið af tekjum, þannig að tekjulægri
eldri borgarar og öryrkjar fá allt að
100% afslátt af fasteignasköttunum.
Við erum með þá stefnu að stilla
gjaldtöku í hóf. Við erum með sér-
stök markmið varðandi barnafjöl-
skyldur. Við viljum að það sé hag-
stæðast fyrir barnafjölskyldur að
vera í Reykjavík þegar allir skattar
og gjöld eru tekin saman. Það er að-
eins Seltjarnarnes sem er á svipuð-
um slóðum. Þannig að ég er mjög
stoltur af því hvernig þessum málum
er háttað. Og svo má ekki gleyma að
um 3,5 milljarðar af útsvari Reykvík-
inga fara árlega í að niðurgreiða
skólamál úti á landi í gegnum jöfn-
unarsjóð sveitarfélaga.“
Hann segir aðspurður tilefni til að
endurskoða þetta fyrirkomulag.
„Það vekur alla vega spurningar
að hluti þessa fjár rennur til stönd-
ugra sveitarfélaga, til dæmis Garða-
bæjar. Ég held að það sé fyllsta
ástæða til að fara yfir það.“
Mikil þjónusta kallar á útsvarið
Spurður um útsvarsprósentuna á
komandi kjörtímabili segir Dagur
borgina fullnýta þann tekjustofn
„eins og flestöll sveitarfélög“. „Það er
almennt ekki mikill munur á útsvar-
sprósentum sveitarfélaga. Útsvarið
er hugsað til að standa undir góðri og
öflugri þjónustu við borgarbúa,“ seg-
ir Dagur.
Spurður hvaða áhrif fyrirhuguð
uppbygging atvinnuhúsnæðis mun
hafa á tekjur borgarinnar segir Dag-
ur að til skamms tíma kalli þetta á
mikil útgjöld borgarinnar. Til lengri
tíma jafnist það út með tekjum.
Hann tekur dæmi af Vogabyggð
en þar verða á annað þúsund íbúðir.
„Þar þurfti sérstaka samninga við
uppbyggingaraðila um að deila inn-
viðakostnaði með borginni svo það
yrði ekki eftir himinhár reikningur
fyrir skattgreiðendur út af því nýja
hverfi, en uppbyggingaraðilar fengju
allan ábatann af nýju skipulagi. Þess-
ir útreikningar sýndu að þrátt fyrir
aukin fasteignagjöld og útsvarstekj-
ur til framtíðar dugir það rétt fyrir
þeirri öflugu þjónustu sem sveitar-
félögum er ætlað að veita íbúum.
Stofnkostnaðinn þarf líka að fjár-
magna,“ segir Dagur.
Boðar 200 milljarða fjárfestingu
 Borgarstjóri boðar átak í uppbyggingu innviða  Fram undan séu mestu framkvæmdir í sögunni
 Vegna eignasölu þurfi borgin ekki að taka mikil lán  Þjónustukrafan kalli á núverandi útsvar
Teikning/VA arkitektar
Drög Deiliskipulag við Skúlagötu og Frakkastíg. Hér er búið að teikna 8
hæða íbúðaturn fyrir miðri mynd og nýbyggingar meðfram Sæbrautinni.
Dagur B. Eggertsson borgarstjóri
kynnti uppbyggingu og lóðaframboð í
borginni á fundi í Ráðhúsinu í gær.
Þar greindi hann frá hugmyndum
um gerð ylstranda í Gufunesi og við
Laugarnes. Þær verði minni en
ylströndin í Nauthólsvík.
Dagur kynnti líka hugmyndir um
uppbyggingu á landi meðfram Skúla-
götu á horni Frakkastígs. Þar stendur
til að reisa 8 hæða hús með tugum
íbúða. Landið er þar á móti, milli Sæ-
brautar og Skuggahverfis.
„Það má sjá fyrir sér heilsutengda
starfsemi á þessari landræmu. Það er
ekki mikið framboð af líkamsrækt,
jóga eða öðru slíku í miðborginni,“
segir Dagur en svæðið er eitt þriggja
sem borgin þróar í alþjóðlegu verkefni
40 borga. Miðar það að umhverfis-
vernd og sjálfbærni.
Þá greindi Dagur frá áformum um
samstarf borgar og Golfklúbbs
Reykjavíkur um uppbyggingu golf-
aðstöðu og vinnu við deiliskipulag fyr-
ir nýjar atvinnulóðir. Þá bæði í
Grafarholti og á Korpúlfsstöðum.
Fram kom í máli Dags að Reykja-
víkurborg hefði úthlutað 2.028 lóðum
undir íbúðir 2014-17. Til samanburðar
hefði Kópavogur úthlutað 413 lóðum,
Hafnarfjörður 395 lóðum, Garðabær
42 lóðum og Mosfellsbær 200 lóðum.
Til viðbótar mun borgin úthluta lóðum
fyrir 1.173 íbúðir í vor.
Umræðan fellur í skotgrafir
Spurður hvort þessi samanburður
sé heiðarlegur, í ljósi þess að hin sveit-
arfélögin séu að byggja upp á svæðum
sem séu í einkaeigu en sveitarfélögin
samþykktu nýjar byggingarheimildir
í skipulagi, segir borgarstjóri borgina
bæði í fararbroddi í lóðaúthlutunum
og samþykktu skipulagi.
„Umræðan dettur stundum í póli-
tískar skotgrafir. Þá er talað um eitt-
hvað sem geti komið höggi á einhvern
pólitískt. Það hefur verið mikil um-
ræða um lóðaúthlutanir borgarinnar
og ég biðst ekki undan því. Það er hins
vegar svolítið furðulegt að þegar kem-
ur í ljós að Reykjavík hefur úthlutað
miklu fleiri lóðum en nokkur annar
megi ekki lengur tala um lóðaúthlut-
anir.“
Má ekki vantelja íbúðirnar
Dagur segir borgina að yfirfara
skráningu nýrra íbúða með Þjóðskrá
Íslands og öðrum hagsmunaaðilum.
„Þessar tölur hafa verið mikið á
reiki og þess vegna þarf að leggjast
yfir þær. Eitt af því sem við lærðum í
hruninu var að byggingariðnaðurinn
byggði ákvarðanir á mjög ófull-
komnum gögnum. Þetta viljum við
bæta. Það má hvorki oftelja né van-
telja. Það er ýmislegt sem virðist
stangast á í þeim tölum sem liggja fyr-
ir. Við höfum til dæmis í þrjú ár í röð
afgreitt metfjölda byggingarleyfa fyr-
ir nýjar íbúðir. Við sjáum á krönunum
að þessi svæði eru í uppbyggingu en
við sjáum það ekki koma inn í tölur yf-
ir fokheldar íbúðir eða fullgerðar íbúð-
ir af sama krafti. Mestu skiptir að
þetta sé rétt. Þetta eru hlutir sem við
þurfum að fara yfir,“ segir Dagur. Þá
kom fram í máli Dags að borgin hefði
fengið 3,6 milljarða fyrir sölu bygging-
arlands og fasteigna í Gufunesi. Þar á
að reisa kvikmyndaþorp. bald-
ura@mbl.is
Ylstrendur og
jóga á Skúlagötu
 Lóðir teiknaðar á landi golfklúbbs
Morgunblaðið/Hari
Í Ráðhúsinu Dagur B. Eggertsson
kynnir framboð af lóðum í borginni.