Morgunblaðið - 03.03.2018, Blaðsíða 15
FRÉTTIR 15Innlent
MORGUNBLAÐIÐ LAUGARDAGUR 3. MARS 2018
Framtíðhöfuðborgarsvæðisins
Skipulag, innviðir og fjármögnun
Ráðstefna í Laugardalshöll, föstudaginn 9. mars kl. 13–16
Ráðstefnan er haldin í tengslum við sýninguna Verk og vit 2018 í samstarfi
við Landsbankann og Samtök iðnaðarins. Markmið ráðstefnunnar er að
varpa ljósi á framtíð höfuðborgarsvæðisins þegar horft er til skipulags,
innviða og fjármögnunar. Farið verður yfir helstu tækifæri og áskoranir
sem höfuðborgarsvæðið stendur frammi fyrir næstu ár.
Ráðstefnan er öllum opin en þátttökugjald er kr. 6.900.
Innifalinn er aðgöngumiði á sýninguna Verk og vit 2018.
Skráning á verkogvit.is/radstefna, fyrir 7. mars nk.
Athugið að sætafjöldi er takmarkaður. www.verkogvit.is
DAGSKRÁ
13:00 Setning ráðstefnu
Lilja Björk Einarsdóttir, bankastjóri Landsbankans
13:10 Svæðisskipulag höfuðborgarsvæðisins til framtíðar litið
Ármann Kr. Ólafsson, formaður Samtaka sveitarfélaga á
höfuðborgarsvæðinu og bæjarstjóri í Kópavogi
13:30 Heildarsýn og staða verkefna, borgarlína og önnur
samgöngumál
Dagur B. Eggertsson, borgarstjóri Reykjavíkur
13:50 Innviðir – ástand og framtíðarhorfur
Ingólfur Bender, aðalhagfræðingur Samtaka iðnaðarins
14:10 Kaffihlé
14:30 Róast markaðurinn án brotlendingar?
Ari Skúlason, hagfræðingur hjá Landsbankanum
14:50 Uppsöfnuð þörf og áhrif á velferð þjóðar
Una Jónsdóttir, hagfræðingur og deildarstjóri
leigumarkaðsmála hjá Íbúðalánasjóði
15:10 Skipulagsmál og þarfir íbúðarkaupandans
Örn Tryggvi Johnsen, rekstrarstjóri ÞG verktaka
15:30 Frá bæjardyrum fasteignasalans
Ingibjörg Þórðardóttir, löggiltur fasteignasali hjá Híbýli
fasteignasölu og fyrrverandi formaður Félags fasteignasala
15:50 Umræður
16:00 Léttar veitingar á sýningarsvæði Landsbankans
Fundarstjóri: Sigmundur Ernir Rúnarsson, fjölmiðlamaður
„Pantanir eru farnar að streyma inn
og þetta verður að veruleika. Það
eru hátt í fimmtíu manns búnir að
bóka og borga allt upp í topp,“ segir
Ásgeir Halldórsson, einn skipuleggj-
enda ferjusiglingar með stuðnings-
menn íslenska landsliðsins í knatt-
spyrnu á HM í Rússlandi í sumar.
Morgunblaðið sagði frá þessum
áformum á dögunum. Þá kom fram
að ná þyrfti ákveðnum fjölda til að
staðfesta bókun á 270 manna ferju.
Það náðist ekki fyrir mánaðamót en
í staðinn var gripið til þess ráðs að
bóka minni ferju. Það er nú frágeng-
ið og fyrir liggur að ríflega 150 Ís-
lendingar geta siglt með m/s Caesar
niður Volgu í sumar.
„Ég varð að afpanta 270 manna
skipið. Rússinn hefur engan skilning
á íslenskum „séraðstæðum“,“ segir
Ásgeir í léttum tón. „En nú verður
eflaust fljótt uppselt.“
Það er ferðaskrifstofan Bjarma-
land sem tekur á móti bókunum í
þessa 13 daga siglingu. Siglt verður
á milli leikstaða Íslands og geta far-
þegar notið lífsins fyrir lítið á meðan
ferð stendur.
Skipulagt hefur verið leiguflug
með ferðaskrifstofunni Trans-
Atlantic í tengslum við siglinguna.
Flogið er til Moskvu 15. júní og heim
frá Rostov hinn 27. júní. hdm@mbl.is
150 sigla
með Sesari
Ferjusigling milli
leikstaða Íslands
Sigling Íslendingum býðst að sigla
með m/s Caesar í Rússlandi í sumar.
„Ég held að þetta verkefni að
tengja saman yndislestur og fót-
bolta sé mjög viðeigandi. Við erum
með framúrskarandi barnabóka-
höfunda sem eru að vinna mjög
þarft verk með sínum bókum. Það
er um að gera að tengja saman
þennan stórviðburð í íþróttasög-
unni og efla um leið lestur og les-
skilning,“ segir Lilja Alfreðsdóttir,
mennta- og menningarmálaráð-
herra.
Samþykkt var á fundi ríkisstjórn-
arinnar í gærmorgun að verja 20
milljónum króna af ráðstöfunarfé
hennar í átak varðandi lestur og
menningu fram að HM í knatt-
spyrnu í Rússlandi í sumar.
Átakið felur í fyrsta lagi í sér að
efnt verður til vitundarvakningar
um yndislestur undir yfirskriftinni
Bolti og bækur. Fram að HM verð-
ur lögð sérstök áhersla á mikilvægi
lesturs og munu rithöfundarnir
Gunnar Helgason, Ævar Þór Bene-
diktsson og Kristín Ragna Gunn-
arsdóttir heimsækja alla grunn-
skóla landsins og fræða og
skemmta nemendum. Landsliðs-
menn okkar munu einnig taka þátt í
átakinu og hvetja yngri kynslóðina
til lesturs.
Þá munu mennta- og menningar-
málaráðuneytið, utanríkisráðu-
neytið og Íslandsstofa ráðast í sam-
stillt kynningarátak í tengslum við
þátttöku íslenska karlalandsliðsins
á HM í Rússlandi. Daginn fyrir
fyrsta leik liðsins gegn Argentínu í
Moskvu verður haldin þar mikil
menningarkynning. Ber hún yf-
irskriftina Menning í Moskvu og
þar munu bæði íslenskar bók-
menntir og tónlist verða kynnt.
hdm@mbl.is
20 milljónir í bolta og bækur
Morgunblaðið/Golli
Strákarnir okkar Landsliðsmenn taka þátt í átaksverkefni um yndislestur.
Átak varðandi lestur og menningu í tengslum við HM
Brennisteinsvetni (H2S) kemur upp
með jarðhita. Sú mengun hefur verið
í íshellinum í Blágnípujökli þar sem
banaslysið varð í vikunni en ekki
brennisteinsdíoxíð sem kemur upp
með eldgosum, eins og misritaðist í
frétt Morgunblaðsins um slysið.
Brennisteinsvetnið er algengt í
jarðhitagufum og vatni og er það gas
sem er að koma upp á Nesjavöllum
og Hellisheiði í miklu magni. Það er
baneitrað taugagas í háum styrk og
veldur meðvitundarleysi, lömun og
dauða, samkvæmt upplýsingum
Hrefnu Kristmannsdóttur jarðefna-
fræðings. Oft verða menn meðvit-
undarlausir af þess völdum og kafna
svo þar sem kolsýra sem kemur líka
upp með jarðhitagasi ryður and-
rúmslofti frá þar sem hún er þyngri.
Brennisteinsvetnið hefur í lágum
styrk mjög megna lykt eins og rotin
egg, en lyktin hverfur þegar styrk-
urinn eykst. Það fyrsta sem jarð-
hitafólki er kennt er að ef það hætti
að finna lykt inni á háhitasvæðum
við vinnu sína þá skuli það koma sér
burt strax ef það geti. helgi@mbl.is
Brennisteins-
vetni í jarðhita