Morgunblaðið - 03.03.2018, Blaðsíða 60

LAUGARDAGUR 3. MARS 62. DAGUR ÁRSINS 2018
Í LAUSASÖLU 1.050 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
VEÐUR » 8 www.mbl.is
»MEST LESIÐ Á mbl.is
1. Brynja og Þórhallur létu …
2. Andlát: Stefán Kristjánsson
3. Allir sakfelldir í Glitnismáli
4. „Allt saman rosalegt drama“
 Nokkur blásarasóló íslenskra
meistara verða flutt á morgun í 15:15
tónleikasyrpunni í Norræna húsinu
undir yfirskriftinni Ásjónur hjarð-
pípuleikaranna. Þá leika þær Eydís
Franzdóttir óbóleikari, Kristín Mjöll
Jakobsdóttir fagottleikari og Pamela
De Sensi sem leikur á altflautu og
kontrabassaflautu verk eftir Elínu
Gunnlaugsdóttur, Svein Lúðvík
Björnsson, Steingrím Þórhallsson og
Hafdísi Bjarnadóttur.
Ásjónur hjarðpípu-
leikaranna í 15:15
 Bryndís Halla
Gylfadóttir selló-
leikari og Edda Er-
lendsdóttir píanó-
leikari halda
tónleika á morgun
í röðinni Sígildir
sunnudagar í
Norðurljósasal
Hörpu. Þær flytja
verk fyrir selló og píanó sem spanna
breitt tímabil en eiga sameiginlegt
að vera ljóðræn.
Ljóðræn verk fyrir
selló og píanó
 Sópransöngkonan Álfheiður Erla
Guðmundsdóttir og píanóleikarinn
Eva Þyri Hilmarsdóttir fagna vorkom-
unni með norrænum sönglögum á
tónleikum í Tíbrár-röðinni í
dag kl. 16 í Salnum. Þær
munu meðal annars
flytja lög eftir E. Grieg,
J. Sibelius, Jórunni
Viðar og frumflytja
lög eftir Guðmund
Emilsson.
Álfheiður og Eva
fagna vorkomunni
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Norðaustan- og norðanátt, víða 8-15 m/s, en 15-20 í vind-
strengjum suðaustanlands. Dregur úr vindi annað kvöld. Frost 0 til 7 stig, minnst syðst.
Á sunnudag, mánudag, þriðjudag og miðvikudag Norðaustan 5-13 m/s. Víða létt-
skýjað á sunnan- og vestanverðu landinu en skýjað með köflum eða alskýjað og él norðan
og austan til, einkum með norðurströndinni og á annesjum austan til. Frost víða 0 til 6
stig yfir daginn en kaldara að næturlagi. Frost herðir þegar líður á vikuna.
Tvær 17 ára og alls sex leikmenn 20
ára eða yngri voru í byrjunarliði Ís-
lands gegn Japan, silfurliði HM, í Alg-
arve-bikarnum í knattspyrnu í gær.
Japan vann leikinn 2:1 með sigur-
marki undir lokin, eftir að Glódís
Perla Viggósdóttir hafði jafnað metin
korteri fyrir leikslok. Ísland er því
með 1 stig fyrir lokaleik sinn í riðla-
keppni mótsins. »4
Margar ungar nálægt
frábærum úrslitum
Chaz Williams, bandarískur
leikmaður körfuknattleiks-
liðs Þórs í Þorlákshöfn, er
flæktur í umfangsmikið
hneykslismál í bandaríska
háskólakörfuboltanum. Al-
ríkislögreglan, FBI, er með
málið til rannsóknar. Þetta
er meðal þess sem Benedikt
Guðmundsson fjallar um í
pistli sínum eftir 20. um-
ferð Dominos-deildar karla
sem lauk í gær. 2
Þórsari er flæktur
í FBI-mál
Íslandsmeistarar Esju í íshokkíi karla,
sem eru á leið í úrslitaeinvígi um
meistaratitilinn á nýjan leik ætla að
hætta keppni að loknu þessu tíma-
bili. Félagið fær ekki aðstöðu til að
byggja upp starfsemi fyrir börn og
unglinga, eða vera með kvennalið.
Formaður Íshokkísambands Íslands
segir að aðstöðuleysi íþróttarinnar
sé rauði þráðurinn í málinu
og þetta sé enn eitt
ákallið um að það
vanti fleiri
skautahallir. »1
Meistararnir hætta
vegna aðstöðuleysis
Guðmundur Magnússon
gudmundur@mbl.is
Ragnheiður Martha Jóhann-
nesdóttir er óvenjulegur læknir.
Hún stundar nú fyrst íslenskra
kvenna sérnám í hjarta- og lungna-
skurðlækningum, einni vandasöm-
ustu grein læknisfræðinnar. Þetta
er nám sem krefst fíngerðra hreyf-
inga, nákvæmni og þolinmæði og
þess vegna kemur það kannski
mörgum á óvart að meðfram þessu
stundar hún kraftlyftingar og mót-
orsport og hlustar á þungarokk.
Engin venjuleg kona!
Ragnheiður náði þeim áfanga í
síðustu viku að gera sína fyrstu
sjálfstæðu hjartaskurðaðgerð á
Norrlands-háskólasjúkrahúsinu í
Umeå í Svíþjóð. „Þegar við fórum í
aðgerðina sagði leiðbeinandi minn,
Fredrik Holmner hjartaskurðlækn-
ir, að ég skyldi byrja og svo sæju
þeir til hvort ég héldi áfram og klár-
aði. Það varð úr að ég stýrði þessu
alveg til enda og það er stór áfangi
hjá mér,“ sagði Ragnheiður í samtali
við Morgunblaðið í gær. Áður hafði
hún stýrt nokkrum minni lungna-
aðgerðum og hluta hjartaskurð-
aðgerða á sjúkrahúsinu.
Ragnheiður, sem er 31 árs gömul,
lauk læknaprófi frá Háskóla Íslands
árið 2010. Eftir það starfaði hún m.a.
á Landspítalanum og háskólasjúkra-
húsinu í Uppsölum í Svíþjóð og á
heilsugæslustöð þar úti. Hún valdi
sér hjarta- og lungnaskurðlækn-
ingar sem sérfag en varð að bíða
nokkurn tíma áður en hún fékk fasta
sérnámsstöðu. Þessa grein lækn-
isfræðinnar er aðeins hægt að
stunda á sjúkrahúsum og lítið um
laus pláss. Upphaflega var henni
boðið að koma í hálft ár til reynslu á
Norrlands-háskólasjúkrahúsinu, en
henni gekk vel og snemma árs í
fyrra var henni boðin föst náms-
staða. Hún segist vonast til að ljúka
sérfræðináminu á næstu tveimur til
þremur árum.
„Hvort ég kem heim til starfa eft-
ir það veit ég ekki núna,“ segir
Ragnheiður. „Ég hef ekkert mátt
vera að því að hugsa um það og mað-
ur veit svo sem ekkert hvernig líf
manns verður þegar þessu sérnámi
lýkur.“
Með henni úti í Umeå er mað-
urinn hennar Benjamín Már Þor-
grímsson sem starfar í bygging-
argeiranum og á heimilinu hafa þau
hund. Sautján ára gamall sonur
Benjamíns er heima.
Vinnudagarnir hjá Ragnheiði eru
langir og geta verið ansi þreytandi.
Hún segir að unnið sé á sólarhrings-
vöktum, 24 klukkustundir í senn. Við
skurðaðgerðir, sem eru ein til tvær á
dag, þarf hún að standa í þrjár til
átta klukkustundir í senn. „Maður
þarf að vera góður í skrokknum til
að halda þetta út,“ segir Ragnheið-
ur. Hún heldur sér í formi með því
að fara reglulega í ræktina nokkrum
sinnum í hverri viku. Þar er hún
reyndar enginn viðvaningur því hún
hefur margsinnis keppt í kraftlyft-
ingum. Fyrir nokkrum árum lenti
hún í öðru sæti í keppni um titilinn
„sterkust íslenskra kvenna“. Hún
hefur líka ánægju af mótorsporti
eins og maðurinn hennar sem hefur
keppt í því og hún segist hlusta mik-
ið á þungrokk. Í fyrrahaust fóru þau
Benjamín á tónleika hjá Rolling
Stones og skemmtu sér vel. Það má
því segja að lífið leiki við þessa dug-
miklu konu sem numið hefur nýjar
lendur fyrir stallsystur sínar heima
á Íslandi.
Rokkandi hjartaskurðlæknir
 Er einnig í
kraftlyftingum
og mótorsporti
Ljósmynd/Úr einkasafni
Aðgerðin Ragnheiður Martha gerði sína fyrstu sjálfstæðu hjartaskurðaðgerð á föstudag í vikunni sem leið.
Læknirinn Ragnheiður ánægð að
lokinni vel heppnaðri skurðaðgerð.