Morgunblaðið - 05.04.2018, Síða 16

Bláa nælan
Nælan sem er
tvö andlit sem
mynda fiðrildi,
er á stærð við
tíkall og blái
liturinn í
merkinu er
glerungur sem
er bræddur inn
í næluna.
Blár apríl, árlegt styrktar- og vit-
undarátak Styrktarfélags barna
með einhverfu, snýst um að auka
vitund og þekkingu á einhverfu og
safna fé sem rennur óskert til
styrktar málefnum sem hafa bein
áhrif á börn með einhverfu og fjöl-
skyldur þeirra. Jafnframt er mark-
miðið að fagna fjölbreytileikanum.
Bláa nælan er einkennismerki þeirra
sem styðja átakið og hana er hægt
að kaupa í vefverslun félagsins: bla-
rapril.is.
Í tengslum við átakið verður Blái
dagurinn haldinn hátíðlegur á morg-
un, föstudaginn 6. apríl. Til að vekja
athygli á góðum málstað eru vinnu-
staðir, skólar og stofnanir hvött til
að hafa bláa litinn í heiðri þann dag
og börn jafnt sem fullorðnir að
mæta í bláum klæðnaði í skóla og
til vinnu. Kl. 20 að kvöldi Bláa
dagsins verður tónlistarveisla
kl. 20 í Gamla
bíói og æskilegt – en þó ekki nauð-
synlegt – að gestir mæti í bláum
fatnaði. Á styrktartónleikunum
koma fram Ylja, Birgir, Hafdís Huld,
AmabAdamA, Snorri Helgason og
Moses Hightower. Kynnir Ævar Þór
Benediktsson, leikari og vísinda
maður. Miðar fást á midi.is. Hægt er
að hringja í númerið 902-1010 og
styrkja Bláan apríl um 1.000 krónur.
Einnig er hægt að styrkja félagið
með ýmsum öðrum hætti.
Blár apríl – styrktarfélag barna með einhverfu
Fjölbreytileikanum fagnað og
blái liturinn í heiðri hafður
16 DAGLEGT LÍF
MORGUNBLAÐIÐ FIMMTUDAGUR 5. APRÍL 2018
S i g n · Fo r n u b ú ð i r 1 2 · H a f n a r f i r ð i · s i g n @ s i g n . i s · S : 5 5 5 0 8 0 0
W W W. S I G N . I S
Valgerður Þ. Jónsdóttir
vjon@mbl.is
Löngum hefur verið sagt að vagga evr-ópskrar menningar sé í París. Einnigað þar sé vagga kan-kan-dansins ogkabarettanna, nánar til tekið í Moulin
Rouge, eða Rauðu myllunni, sem opnuð var með
pomp og pragt í Montmartre-hverfinu árið
1889. Þrátt fyrir að víða í borginni væri boðið
upp á óperur, óperettur og söngleiki mun Rauða
myllan hafa verið fyrst til að setja á svið kabar-
etta, sem stóðu undir nafni sem slíkir og áttu
eftir að ryðja sér til rúms í Evrópu.
Fáklæddu kan-kan-dansmeyjarnir þóttu af
öðrum bera og Rauða myllan naut fljótlega fá-
dæma vinsælda. Efalítið hafa broddborgarar þó
ekki vanið þangað komur sínar í miklum mæli,
enda fór það orðspor af dansmeyjunum að þær
drýgðu tekjurnar með vændi. Þar var hins veg-
ar krökkt af listamönnum og þeim sem sóttust
eftir hinu ljúfa og frjálsa lífi. Listmálarinn Tou-
louse-Lautrec átti frátekið sæti á staðnum, en
eigendurnir greiddu honum laun fyrir að fanga
bæði dansmeyjarnar og stemninguna í mál-
verkum, sem bæði voru til sýnis og sölu. Öðrum
listamönnum mun ekki hafa þótt mikið til þess-
arar iðju kollega síns koma.
Sérfræðingar í skóm og fjöðrum
En nú er öldin önnur og að sama skapi
margt með öðrum blæ á Rauðu myllunni, sem í
áratugi hefur verið eitt helsta aðdráttarafl fyrir
ferðamenn í París. Á hverju kvöldi koma um
1.800 gestir til að berja dýrðina augum á tveim-
ur sýningum. Glæsileikinn og íburðurinn í bún-
ingum og sviðsmyndinni ber með sér að margir
leggja hönd á plóg til að skapa umgjörðina og
augljóst að fólkið á bak við tjöldin kann vel til
verka. Öfugt við ferðamenn fékk ljósmyndari
AFP-fréttaveitunnar að heimsækja tvö rótgróin
fyrirtæki sem sjá Rauðu myllunni annars vegar
fyrir skóbúnaði og hins vegar fjöðrum. Ber er
hver listamaður að baki nema hann eigi að góð-
an handverksmann kemur kannski upp í huga
margra sem skoða myndirnar af fólkinu að
tjaldabaki.
Clairvoy-húsið hefur síðan árið 1945 smíð-
að skó og stígvél dansaranna og annarra sem
stíga á svið í Rauðu myllunni. Skóbúnaðurinn er
yfirleitt ekki samkvæmt nýjustu tísku, enda
spegla kabarettarnir ekki endilega nútímann.
Ekki heldur fjaðraskrautið sem Fevrier-
fjölskyldufyrirtækið leggur til og hefur gert í
nærri níutíu ár. Þar ræður ríkjum Editte Fevr-
ier, sem sýndi ljósmyndaranum fjaðrir af strút-
um, fasönum og fleiri fuglum frá öllum heims-
hornum. Mikil vinna felst í að vinna fjaðrirnar
áður en dansararnir geta skreytt sig með þeim
eða blakað þeim með listrænum tilþrifum.
Ferðamenn geta keypt sér miða á glæsi-
legar sýningar í Rauðu myllunni, en koma efa-
lítið flestir að lokuðum dyrum handverksfólks-
ins að tjaldabaki.
Vagga kan-kan og kabaretta
Rauða myllan í París með sín-
um íburðarmiklu kabarettum
er eitt helsta aðdráttarafl fyrir
ferðamenn sem sækja borgina
heim. Fjölmargt handverksfólk
hjá gamalgrónum fyrirtækjum
gerir dýrðina mögulega; einn
hópur smíðar skóbúnaðinn,
annar verkar fjaðrirnar og
svo mætti lengi telja.
AFP
Fjaðraskraut Editte Fevrier ræður lögum og lofum á vinnustofu fjölskyldufyrirtækisins í París.