Morgunblaðið - 05.04.2018, Side 43

FRÉTTIR 43Erlent
MORGUNBLAÐIÐ FIMMTUDAGUR 5. APRÍL 2018
Laugavegi 103, við Hlemm | 105 Reykjavík | Sími 551 5814 | www.th.is
VOR
ÚTSALA
20%
afsláttur
af öllum
vörum
Þvottadagar WW70vottavélKG. 1400 SN.
co Bubble
olalaus mótor.
erð nú 59.900,-
V70M
urrkari A++
KG. barkarlaus
urrkari.
armadæla í stað
ments.
erð nú 76.900,-
TM
59.90
0,-
Væntanleg
ur
URRKARI
6DBM720G
ekur 7 kg af þvotti.
ður: 99.900,-
Nú: ,-
16097949
15%
ÞVottAVél
L6FBE720I
Tekur 7 kg af þvotti.
1200 snúningar.
Öll hugsanleg þvottakerfi.
Íslensk notendahandbók.
Verð áður: 89.900,-
914913404
15%
Lágmúla 8 - Sími 530 2800Umboðsmenn um allt land - Ormsson.is
Aldraður maður var handtekinn í
Lundúnum í vikunni, grunaður um að
hafa stungið innbrotsþjóf til bana.
Hringt var í lögreglu í gær og sagt
að innbrot stæði yfir í húsi í Hither
Green í suðausturhluta Lundúna.
Svo virðist, sem tveir menn hafi
brotist inn í hús í hverfinu. Húsráð-
andinn, sem er 78 ára ellilífeyrisþegi,
var heima og kom að mönnunum.
Annar þeirra ógnaði húsráðandanum
með skrúfjárni en hinn fór upp á efri
hæð hússins. Svo virðist sem húsráð-
andinn og þjófurinn hafi lent í átök-
um. Þegar lögreglan kom á staðinn lá
þjófurinn utan við húsið með stungu-
sár en hinn var á bak og burt og hefur
ekki fundist. Særði maðurinn, sem er
sagður hafa verið 38 ára gamall, var
fluttur á sjúkrahús en lést þar.
Lögreglan handtók húsráðandann
og verður hann ákærður fyrir mann-
dráp. Talsmaður lögreglu sagði að
maðurinn hefði marist á handleggjum
en ekki slasast alvarlega.
Íbúar í hverfinu segja að talsvert
hafi verið um innbrot þar að undan-
förnu.
Ljósmynd/Wikipedia Commons
Lundúnir Hither Green er gamalgróið hverfi í austurhluta Lundúna.
Stakk þjóf til bana
 Húsráðandi ákærður fyrir manndráp
Stefán Gunnar Sveinsson
sgs@mbl.is
Kínversk stjórnvöld tilkynntu í gær
að þau hygðust setja sérstaka vernd-
artolla á ákveðnar bandarískar
vörur sem fluttar eru til Kína. Eru
aðgerðir Kínverja sagðar vera í
hefndarskyni fyrir þau áform
Bandaríkjastjórnar að setja tolla á
um þúsund mismunandi vörur frá
Kína, en tollarnir eiga að nema um
50 milljörðum bandaríkjadala, eða
sömu upphæð og fyrirhugaðir vernd-
artollar Bandaríkjamanna eiga að
skila.
Markaðir á Wall Street féllu í kjöl-
farið við upphaf viðskipta, en réttu
nokkuð úr kútnum eftir því sem leið
á daginn. Þá var einnig tap á mörk-
uðum annars staðar í heiminum, þar
sem fjárfestar héldu að sér höndum.
Wilbur Ross, viðskiptaráðherra
Bandaríkjanna, hafnaði því að tolla-
deila Bandaríkjamanna og Kínverja
gæti skaðað þessi tvö stærstu hag-
kerfi heimsins. Þá sagði hann að
markaðir hefðu átt að vera viðbúnir
því að Kínverjar myndu svara fyrir
sig, slíkt hefði verið í farvatninu.
Viðskiptastríð ekki hafið
Donald Trump Bandaríkjaforseti
notaði samskiptamiðilinn Twitter
sem fyrr til þess að koma sjónarmið-
um sínum á framfæri. Þvertók hann
þar fyrir það að „viðskiptastríð“ væri
hafið á milli Bandaríkjanna og Kína,
og sagði hann jafnframt að aðgerðir
ríkisstjórnar sinnar hefðu verið til
þess að leiðrétta mistök fyrri ríkis-
stjórna varðandi viðskipti við Kína.
Tollarnir sem Kínverjar hyggjast
setja á beinast einkum að vörum sem
taldar eru pólitískt viðkvæmar fyrir
ríkisstjórn Trumps. Þannig hyggjast
Kínverjar snarhækka tolla á soja-
baunir frá Bandaríkjunum, en Kína
er langstærsti markaðurinn fyrir
þær. Til að bæta gráu ofan á svart
eru baunirnar einkum ræktaðar í
þeim ríkjum Bandaríkjanna þar sem
repúblikanar eru við völd, og hafa
samtök bandarískra sojabaunarækt-
enda þegar skorað á ríkisstjórn
Trumps að íhuga það að nema fyr-
irhugaða verndartolla úr gildi.
Ólíklegt að áhrifin verði mikil
Sérfræðingar í tollamálum sögðu
við AFP-fréttastofuna að ólíklegt
væri að tollarnir myndu hafa mikil
efnahagsleg áhrif á viðskipti stór-
veldanna tveggja. Hins vegar væri
pólitíski fórnarkostnaðurinn öllu
meiri, þar sem kosið verður til
Bandaríkjaþings í nóvember. Verði
fyrirhugaðar aðgerðir nógu óvinsæl-
ar, gæti Trump séð sig tilneyddan til
þess að draga í land með fyrirætlanir
sínar, en enn er mánuður til stefnu
áður en tollarnir eiga að taka gildi.
Hyggjast svara í sömu mynt
 Kínverjar ætla að setja tolla á bandarískar vörur í hefndarskyni fyrir aðgerðir Bandaríkjastjórnar
 Hlutabréfamarkaðir féllu í kjölfar yfirlýsingarinnar  Trump neitar að viðskiptastríð sé hafið
AFP
Wall Street Verðbréfamiðlarar á Wall Street voru áhyggjufullir í gær
vegna yfirvofandi hefndartolla Kínverja á bandarískar vörur.