Morgunblaðið - 05.04.2018, Síða 44

44 FRÉTTIRErlent
MORGUNBLAÐIÐ FIMMTUDAGUR 5. APRÍL 2018
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu
❁ Auðveldara að þrífa penslana
❁Gufar ekki upp
❁Má margnota sama löginn
❁Notendur anda ekki að sér eiturefnum
❁ Bjargar hörðnuðum olíumálningarpenslum
❁UNDRI brotnar hratt niður í náttúrunn
Hágæða umhverfisvæn hreinsivara
Fást í betri byggingavöruverslunum og matvöruverslunum
Stefán Gunnar Sveinsson
sgs@mbl.is
Vladimír Pútín Rússlandsforseti
kallaði í gær eftir því að „almenn
skynsemi“ fengi að ráða för í Skri-
pal-málinu svokallaða. Rússar vís-
uðu í gær einum erindreka Ung-
verjalands úr landi í hefndarskyni
fyrir samsvarandi brottvísun rúss-
nesks sendiráðsstarfsmanns frá
Búdapest.
„Það sem við væntum er að al-
menn skynsemi muni að lokum fá að
ráða för og að sá skaði í alþjóðasam-
skiptum sem við höfum séð verði
ekki varanlegur,“ sagði Pútín, en
hann var staddur í Ankara, höfuð-
borg Tyrklands, til þess að ræða
ástand mála í Sýrlandi.
Bretar hafna tillögu Rússa
Efnavopnastofnunin, OPCW,
fundaði í gær í Haag að beiðni
Rússa. Lagði sendinefnd Rússlands
þar til að Bretar og Rússar tækju
sameiginlega þátt í rannsókninni á
efnavopnaárásinni í Salisbury í síð-
asta mánuði. John Foggo, fulltrúi
Breta hjá stofnuninni fordæmdi hins
vegar tillöguna og sagði hana öfug-
snúna. Sagði Foggo það niðurstöðu
Breta, sem studd væri áliti margra
annarra þjóða, að langmestar líkur
væru á því að Rússar bæru sjálfir
ábyrgð á árásinni og að engin önnur
trúverðug skýring hefði verið sett
fram.
Sagði Foggo að Rússar hefðu
forðast í lengstu lög að svara þeim
spurningum sem vaknað hefðu um
mögulega aðild þeirra að árásinni, og
að þeir hefðu sent frá sér „óskamm-
feilnar og fáránlegar“ yfirlýsingar
vegna málsins, en fyrr um daginn
hafði Sergei Naryshkín, yfirmaður
rússnesku leyniþjónustunnar SVR,
sakað leyniþjónustur Breta og
Bandaríkjamanna um að bera
ábyrgð á tilræðinu við Sergei Skrí-
pal. Sagði Foggo Rússa greinilega
vera óttaslegna um niðurstöður
rannsóknar sem Efnavopnastofnun-
in hefði ráðist í á eitrinu sem beitt
var í Salisbury.
Niðurstöður í næstu viku
Sérfræðingar stofnunarinnar
munu nú vera að kanna uppruna
taugaeitursins, sem beitt var í Sal-
isbury, en Bretar sögðu í síðasta
mánuði að um væri að ræða tauga-
eitrið Novichok, sem framleitt hefði
verið í Sovétríkjunum sálugu. Ahmet
Uzumcu, yfirmaður Efnavopn-
astofnunarinnar sagði að niðurstöð-
ur rannsóknarinnar ættu að liggja
fyrir í næstu viku, en hún hefði verið
framkvæmd án nokkurrar aðkomu
breskra stjórnvalda. Rússar munu
hins vegar hafa krafist þess að
fulltrúar þeirra fái að taka þátt í
rannsókninni með einum eða öðrum
hætti.
Krefst afsökunarbeiðni
Dímítrí Peskov, fjölmiðlafulltrúi
Pútíns Rússlandsforseta, krafðist
þess í fyrrakvöld að Theresa May,
forsætisráðherra Breta, og Boris
Johnson utanríkisráðherra bæðu
Pútín afsökunar á þeim ásökunum
sem heyrst hefðu um að hann hefði
persónulega fyrirskipað árásina í
Salisbury. Sagði Peskov að „heimsk-
an hefði gengið of langt“.
Þá fögnuðu rússnesk stjórnvöld
þeirri yfirlýsingu rannsóknarstofu
breska hersins í Porton Down, þar
sem viðurkennt var að Bretar gætu
ekki sagt með fullri vissu að tauga-
eitrið hefði verið framleitt í Rúss-
landi. Hins vegar sögðu forsvars-
menn rannsóknarstofunnar það
hafið yfir allan vafa að eitrið tilheyrði
þeim flokki efna sem kallaðist Novic-
hok, sem upphaflega hefði verið þró-
að í Sovétríkjunum.
Vill „almenna skynsemi“
 Pútín Rússlandsforseti vonar að Skripal-málið muni ekki hafa langvarandi áhrif
á alþjóðamál  Bretar mótmæla tillögu Rússa hjá Efnavopnastofnuninni OPCW
AFP
Leiðtogafundur Pútín sat fyrir svörum fjölmiðla í gær í Ankara og tjáði sig
þar m.a. um eiturvopnaárásina í Salisbury og áhrif hennar á alþjóðamál.
Mark Zucker-
berg, stofnandi
Facebook, sam-
þykkti í gær að
sitja fyrir svörum
hjá orkumála- og
viðskiptanefnd
bandarísku full-
trúadeildarinnar í
næstu viku vegna
Cambridge
Analytica-málsins
svonefnda.
Repúblikaninn Greg Walden, for-
maður nefndarinnar, og demókratinn
Frank Pallone sögðu í sameiginlegri
yfirlýsingu að koma Zuckerbergs
myndi gefa gott tækifæri til þess að
varpa ljósi á mikilvægt álitaefni um
persónuvernd fólks á netinu, auk þess
sem hún gæti hjálpað öllum Banda-
ríkjamönnum að skilja betur hvað
verði um persónuupplýsingar þeirra
á netinu. Gert er ráð fyrir því að
Zuckerberg muni þurfa að koma fyrir
fleiri þingnefndir vegna málsins.
Facebook hefur sætt harðri gagn-
rýni vegna þeirra uppljóstrana að
persónuupplýsingar um milljónir not-
enda samskiptamiðilsins hefðu endað
á skrá hjá ráðgjafafyrirtækinu Cam-
bridge Analytica, sem síðan hefði not-
að þær í leyfisleysi, m.a. til að hafa
áhrif á gang kosninganna í Banda-
ríkjunum 2016. Í tilkynningu sem
Facebook sendi frá sér í gær kemur
fram að Cambridge Analytica nýtti
sér upplýsingar um allt að 87 millj-
ónir Facebook-notenda, en ekki 50
milljónir eins og áður hafði komið
fram.
Zuckerberg
kemur fyrir
þingnefnd
Mark
Zuckerberg
Lögreglan í San Bruno-borg í Kali-
forníu tilkynnti í gær að konan sem
hóf skothríð hjá höfuðstöðvum
bandaríska tæknirisans YouTube í
fyrrakvöld hefði verið hin íranskætt-
aða Nasim Najafi Aghdam, en hún
var fædd og uppalin í Bandaríkjun-
um. Faðir Aghdam mun hafa hringt í
lögregluna fyrir árásina og sagt að
dóttir sín væri horfin. Varaði hann
lögregluna jafnframt við því að henni
væri í nöp við YouTube-fyrirtækið.
Tildrög árásarinnar voru þau að
Aghdam dró upp níu millimetra
skammbyssu og hóf skothríð. Þrír
særðust í árásinni, tvær konur og
einn karlmaður. Þegar lögreglan
umkringdi höfuðstöðvarnar beindi
Aghdam byssunni að sjálfri sér og
svipti sig lífi. Maðurinn sem særðist í
árásinni mun enn
vera í lífshættu.
Þá var ástand
annarrar konunn-
ar sagt alvarlegt
en sú þriðja var
sögð á batavegi.
Ed Barberini,
lögreglustjóri í
San Bruno, sagði
í gær að svo virt-
ist sem Aghdam
hefði verið reið yfir þeim skilmálum
sem giltu á YouTube um það efni
sem þar birtist, og hafði Aghdam
sakað síðuna um að ritskoða þau
myndbönd sem hún hafði sjálf sett á
netið. Kom fram í máli hans að ekki
væri talið að Aghdam hefði átt sér
vitorðsmenn.
„Herskár“ dýraverndunarsinni
Aghdam var 39 ára gömul, og var
henni lýst í gær sem „herskáum“
stuðningsmanni réttinda dýra. Birti
hún á YouTube-rásum sínum mynd-
bönd þeim til stuðnings á ensku,
tyrknesku og farsí. Lokaði fyrirtæk-
ið fyrir flestar rásir hennar í gær eft-
ir árásina.
Hafði Aghdam kvartað yfir því áð-
ur að fyrirtækið hefði reynt að hefta
málfrelsi sitt, en auk myndbanda um
dýraverndun hafði hún einnig birt
myndbönd af sjálfri sér að stunda
líkamsrækt, sem fyrirtækið hafði
merkt sem efni sem ekki væri við
hæfi barna. Sagði Aghdam fyrirtæk-
ið hafa vísvitandi reynt að draga úr
áhorfi á rásir hennar með þessu.
Var í nöp við YouTube
 Hóf skothríð á höfuðstöðvar tæknirisans og svipti sig síðan
lífi  Sakaði YouTube um ritskoðun á myndböndum sínum
AFP
Skotárás Mikill viðbúnaður var í San Bruno eftir að Aghdam hóf skothríðina. Þrír særðust og er einn í lífshættu.
Nasim Najafi
Aghdam