Morgunblaðið - 21.06.2018, Side 6

6
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 112.800 kr. á mann í tvíbýli.
Mjög mikið innifalið!
sp
ör
eh
f.
Fararstjóri: Aðalheiður Jónsdóttir
Í Brussel og Brugge ríkir hátíðleg jólastemning á aðventunni.
Báðar borgirnar eru með einstaklega huggulega jólamarkaði
innan um virðulegar gamlar byggingar og hefur jólamarkaður
Brussel verið tilnefndur sá frumlegasti í Evrópu. Þar sem landið
er þekkt fyrir dásemdar súkkulaði, mikla matarmenningu og
góðan bjór er ljóst að hér er margs að njóta.
22. - 25. nóvember
Jólaferð til Brussel & Brugge
Aron Þórður Albertsson
aronthordur@mbl.is
„Hugmyndin er sú að hjólin verði sett á uppboð eftir HM
og ágóðinn látinn renna til góðgerðarmála,“ segir Valur
Rafn Valgeirsson, markaðsstjóri reiðhjólaverslunarinnar
Tri, um reiðhjólin sem íslensku landsliðsmennirnir hafa
notað á milli leikja liðsins á heimsmeistaramótinu í Rúss-
landi. Tri útvegaði landsliðsmönnunum 31 reiðhjól og
jafnmarga hjálma, en verkefnið er samvinnuverkefni
verslunarinnar og KSÍ. Hjólin eru flest merkt með nöfn-
um leikmanna og sniðin að stærð þeirra, en þegar þátt-
töku Íslands í mótinu lýkur verða hjólin flutt heim. „Við
flytjum þetta hingað heim þegar mótið er búið og þá verða
þau strax sett á uppboð. Strákarnir munu síðan árita hjól-
in og ef allt gengur eftir verður hægt að fá alvöruupphæð
fyrir þetta,“ segir Valur og bætir við að sambærileg fjalla-
hjól kosti í kringum 100.000 krónur. Þá hafi KSÍ nú þegar
skuldbundið sig til að kaupa nokkur hjól.
„Þeir vilja eiga þetta sem minjagripi en restin verður
síðan sett á uppboð og seld hæstbjóðanda. Strákarnir fá
síðan að velja í hvaða málefni peningarnir verða settir,“
segir Valgeir sem kveðst bjartsýnn á góðan árangur Ís-
lands í mótinu. Það muni auðvelda sölu á hjólunum þegar
heimsmeistaramótinu lýkur, sem vonandi skilar sér í
hærri upphæð til góðs málefnis.
Spurður hvernig hugmyndin um hjólin kviknaði segir
Valgeir að Helgi Kolviðsson, aðstoðarþjálfari landsliðsins,
hafi haft samband við fyrirtækið með það fyrir augum að
fá hjól til Rússlands sem landsliðsmenn gætu notað á milli
leikja. Hjólin gætu strákarnir nýtt til að hreyfa sig en
einnig sem samgöngutæki í Kabardinka, dvalarstað
strákanna meðan á mótinu stendur.
„Þetta er í raun hugmynd sem við tókum frá þýska
knattspyrnulandsliðinu. Það hefur verið hefð fyrir því að
taka hjól með þýska landsliðinu á stórmót. Helgi hefur
auðvitað dvalið lengi í Þýskalandi og fannst hugmyndin
sniðug og ákvað að setja sig í samband við okkur. Við
höfðum í kjölfarið samband við þýska hjólaframleiðand-
ann Cube, sem setti okkur í sambærilegt „prógramm“ og
þeir bjuggu til fyrir þýska landsliðið. Eftir það var farið í
vinnu við að flytja hjólin til Rússlands svo þau yrðu til taks
þegar strákarnir mættu,“ segir Valur, sem kveðst bjart-
sýnn á að hægt verði að selja hjólin dýrum dómum að móti
loknu.
Reiðhjól landsliðsmanna
seld á uppboði eftir HM
 Hjólin merkt með nafni og sniðin að stærð leikmanna
Morgunblaðið/Skapti
Hjólatúr Landsliðsmennirnir hafa nýtt sér hjólin
óspart á milli leikja liðsins á mótinu í sumar.
Í VOLGOGRAD
Skapti Hallgrímsson
skapti@mbl.is
Einhverjir stuðningsmenn íslenska
landsliðsins í fótbolta eru komnir til
Volgograd í suðurhluta Rússlands,
þar sem Ísland mætir Nígeríu í 2.
umferð heimsmeistaramótsins ann-
að kvöld. Liðið flaug einmitt úr
heimahaganum við Svartahaf í gær
og lenti í Volgograd undir kvöld,
eins og fjallað er um í íþróttablaðinu.
„Ég er alsæll. Hér er ekki undan
neinu að kvarta – nema flugunum,“
sagði Gunnar Guðmundsson, sem
Morgunblaðið hitti að máli í gær-
kvöldi á hóteli skammt frá miðborg-
inni. Þar gista þeir Gestur Eyjólfs-
son, en fjöldi blaðamanna er þar
einnig á meðal gesta.
„Það var rosalega mikið af flugum
á sveimi í dag og létu okkur ekki í
friði. Við vorum á hlaðborði!“ sagði
Gestur og hló.
Gunnar kom til Volgograd í gær
en Gestur degi fyrr, eftir langa
lestarferð frá Moskvu, þar sem hann
sá fyrsta leik Íslands, við Argentínu.
Ber hann Rússum vel söguna, bæði í
Moskvu og ekki síður þeim fjölda
sem var honum samferða í lestinni.
„Þeir vilja allt fyrir mann gera, eru
mjög elskulegir og hjálplegir.“
Gestur sagði blaðamanni frá
ánægjulegu samtali við fréttamann
stórs rússnesks miðils sem hann
hitti á förnum vegi, og byrjaði á að
spyrja hvers vegna svona fáir ís-
lenskir stuðningsmenn væru mættir
til borgarinnar. Fátt varð um svör,
en í framhaldinu hrósaði frétta-
maðurinn íslenska landsliðshópnum
sérstaklega fyrir ánægjulegt viðmót.
Sagði bæði Heimi Hallgrímsson
þjálfara og leikmennina kurteisa og
svara vel fyrir sig, sem því miður
væri ekki hægt að segja um leik-
manna allra liða á HM. Sumir væru
beinlínis dónalegir og legðu greini-
lega ekki mikið upp úr góðri fram-
komu við fjölmiðla.
Misjafn sauður er í mörgu fé, sem
sagt. Og þrátt fyrir að Gestur og
Gunnar hrósi hinum almenna Rússa
lenti sá síðarnefndi í vandræðum
þegar hann hugðist leigja sér hús í
nokkra daga í Volgograd. Fyrsta
uppgefna verð var 400 dollarar, um
40.000 krónur en þegar til kom, eftir
afbókanir og nokkrar beiðnir um að
ganga aftur frá pöntun, átti að rukka
hann um 42.000 dollara – rúmlega
fjórar milljónir króna! „Sem betur
fer pantaði ég þannig að hægt væri
að hætta við án þess að þurfa að
borga, og gaf aldrei upp nein kredit-
kortanúmer. Ég slapp því alveg,
hætti einfaldlega að svara póstum
frá fyrirtækinu, enda var þetta ekki
svaravert. En þetta kostaði mikla
vinnu við að útvega okkur hótel og
við þurfum að færa okkur á milli. En
það verður ekkert vandamál.“
Hæstánægðir í Rússlandi
 Rússar elskulegir og hjálpsamir  Von á fjölda íslenskra stuðningsmanna til
Volgograd í dag  Sögur af móskítóflugum við Volgu því miður á rökum reistar
Morgunblaðið/Skapti
Glaðir Gestur Eyjólfsson og Gunnar Guðmundsson eru hæstánægðir með allt í Rússlandi – nema moskítóflugurnar!
Morgunblaðið/Eggert
Draumurinn Rúta rækilega merkt íslenska liðinu – Látum drauminn verða
að veruleika – beið liðsins á flugvellinum í Volgograd og flutti á hótelið.
„Við höfum aldrei selt eins mikið af
markmannstreyjum og nú,“ segir
Viðar Valsson, verslunarstjóri í Jóa
útherja, um sölu landsliðstreyja það
sem af er HM. Mikil eftirspurn
hafði verið eftir markmanns-
treyjum í aðdraganda mótsins en
eftir vítaspyrnuvörslu Hannesar
Þórs Halldórssonar gegn Argent-
ínu hefur salan farið á flug. Versl-
unin hefur nú þegar pantað fleiri
markmannstreyjur frá birgi en það
er í fyrsta sinn sem það gerist.
„Lagerinn hjá okkur er nánast
búinn og við eigum einhverjar örfá-
ar treyjur eftir. Við eigum hins veg-
ar von á nýrri sendingu í vikunni,“
segir Viðar sem ráðgerir að sala á
markmannstreyjum í ár sé um þre-
falt meiri en fyrir Evrópumótið í
Frakklandi fyrir tveimur árum.
Viðar segir að markmanns-
treyjan í ár sé talsvert þægilegri en
ýmsar eldri markmannstreyjur.
„Þetta er auðvitað bara stutt-
ermabolur, engir púðar og ekkert
vesen. Þess utan er hún bara svo
svakalega flott,“ segir Viðar og
bætir við að fáir viti líklega að
markmenn Íslands séu með þrjár
varatreyjur. Það hafi hins vegar
verið ákvörðun Errea að gera
rauðu treyjuna að sölutreyju. „Þeir
eru með nokkrar sem þeir geta
skipst á að nota. Rauða treyjan er
samt hrikalega flott þannig að ég
held að þetta hafi verið góð ákvörð-
un hjá Errea,“ segir Viðar.
aronthordur@mbl.is
Morgunblaðið/Skapti
Treyjan Hannes í leiknum þar
sem hann varði víti frá Messi.
Rauðar
treyjur
rjúka út
MORGUNBLAÐIÐ FIMMTUDAGUR 21. JÚNÍ 2018