Gerðir kirkjuþings - 01.01.2017, Síða 31

31
1. 1. mál, skýrsla kirkjuráðs.
Kirkjuþing 2016 ályktar mikilvægi þess að bæta skuli stöðu kynningar- og
upplýsingamála þjóðkirkjunnar og áréttar ályktun Kirkjuþings 2015 sama efnis.
Kirkjuráð tók undir ályktun kirkjuþings og upplýst var að unnið væri að því að bæta
stöðuna að þessu leyti.
2. 7. mál, tillaga til þingsályktunar um sóknasamband.
Kirkjuþing ályktar að hafinn verði undirbúningur að stofnun sambands sókna og
vísar málinu til kirkjuráðs.
3. 8. mál, þingsályktun um átak til aukins samstarfs sókna.
Kirkjuþing 2016 beinir því til biskups Íslands, biskupafundar og kirkjuráðs að á
næstu árum verði unnið að sérstöku átaki til að hvetja sóknir þjóðkirkjunnar til að
huga að auknu samstarfi og jafnvel sameiningum þar sem það þykir henta og þá jafnt
í þéttbýli sem dreifýli. Jafnframt er því beint til kirkjuráðs að Jöfnunarsjóður sókna
styðji þetta átak með því að úthluta styrkjum til þeirra sókna sem vilja sameinast skv.
sérstökum reglum sem settar yrðu þar um.
7. og 8. mál voru rædd saman. Samþykkt var að skipaður yrði þriggja manna
starfshópur til að vinna málinu framgang og málið tekið á dagskrá desemberfundar
kirkjuráðs. Sjá einnig umfjöllun um 265. og 271. fund kirkjuráðs í kaflanum:
Verkefni kirkjuráðs á sviði fjármála.
4. 12. og 13. mál, starfsreglur um kirkjuráð.
Breyttar starfsreglur taka gildi hinn 1. janúar 2017. Samþykkt var að Kirkjuráð
feli framkvæmdastjóra að hefja þegar í stað undirbúning að innleiðingu breyttra
starfsreglna með hönnun breyttra verklagsreglna á skrifstofu ráðsins til að tryggja
hnökralausa framkvæmd þeirra frá fyrsta degi. Jafnframt verði honum falið að
annast um að hinar breyttu starfsreglur verði birtar í Stjórnartíðindum.
5. 16. mál, þingsályktun um ráðningu starfsmanns kirkjuþings.
Kirkjuþing samþykkti að forsætisnefnd þingsins fái heimild til að ráða löglærðan
starfsmann kirkjuþings í hlutastarf í tvö ár frá og með næstu áramótum.
Starfsmaðurinn verði óháður öðrum kirkjulegum stofnunum í störfum sínum.
Samþykkt var að kirkjuráð feli framkvæmdastjóra að hefja þegar í stað undirbúning
að ráðningunni í samráði við forseta kirkjuþings.
6. 17. mál, þingsályktun um skírnarfræðslu.
Samþykkt var að Kirkjuráð feli framkvæmdastjóra að taka skipan nefndarinnar á
dagskrá næsta fundar í fjárhagsáætlun Kirkjumálasjóðs fyrir næsta ár. Sjá einnig
umfjöllun um 271. fund kirkjuráðs í kaflanum: Önnur mál sem kirkjuráð fjallaði um
á kirkjuþingsárinu og rétt þykir að gera kirkjuþingi grein fyrir.
7. 18. mál, þingsályktun um líknarsjóði sókna.
Samþykkt var að Kirkjuráð feli framkvæmdastjóra að vinna að framgangi málsins í
samræmi við ályktun kirkjuþings.
8. 19. mál, þingsályktun um útgáfu sálmabókar þjóðkirkjunnar árið 2017.
Samþykkt var að Kirkjuráð feli framkvæmdastjóra að taka málið á dagskrá næsta
fundar í fjárhagsáætlun Kirkjumálasjóðs fyrir næsta ár.