Gerðir kirkjuþings - 01.01.2017, Blaðsíða 52

52 53
6. gr.
■Prestum, djáknum og öðrum starfsmönnum þjóðkirkjunnar er skylt að gæta trúnaðar
og þagmælsku um atriði sem þeir fá vitneskju um í störfum sínum og leynt skulu fara.
□Trúnaðar- og þagnarskyldan helst þótt látið sé af starfi.
III. kafli.
Sóknir og prestaköll.
7. gr.
■Sókn er félagsleg og fjárhagsleg grunneining þjóðkirkjunnar.
□Söfnuður á tilteknu landsvæði myndar sókn sem er starfssvæði safnaðar á hverjum stað.
Ein eða fleiri sóknir mynda prestakall.
□Hlutverk safnaða er einkum að standa fyrir helgihaldi, trúfræðslu og kærleiksþjónustu.
Allir safnaðarmenn eiga rétt á kirkjulegri þjónustu í sókninni.
□Safnaðarmenn í sókn eru þeir sem eiga lögheimili þar, hafa hlotið skírn, sbr. 2. gr., og eru
skráðir í þjóðkirkjuna í þjóðskrá.
□Um sóknargjöld fer samkvæmt gildandi lögum hverju sinni.

8. gr.
■Í hverri sókn þjóðkirkjunnar starfar sóknarnefnd sem kjörin er af aðalsafnaðarfundi.
Aðalsafnaðarfund sókna skal halda árlega.
□Sóknarnefnd annast rekstur og framkvæmdir á vegum safnaðarins. Sóknarnefnd er
ásamt sóknarpresti í fyrirsvari fyrir söfnuðinn, hefur umsjón með kirkjum safnaðarins og
safnaðarheimilum.
□Kirkjuþing setur nánari ákvæði í starfsreglur um safnaðarfundi, val, stöðu, störf og
skyldur sóknarnefnda og starfsmanna sókna.

IV. kafli.
Kirkjuþing.
9. gr.
■Kirkjuþing hefur, nema lög kveði á um annað, yfirstjórn í sameigin legum mál efnum þjóð kirkj-
unnar og markar henni stefnu í öðrum málum en þeim sem lúta að kenningu þjóðkirkjunnar.
□Kirkjuþing, sbr. 1. mgr., fer með yfirstjórn fjármála þjóðkirkjunnar nema lög kveði á um
annað.
□Kirkjuþing setur starfsreglur um ábyrgð og valdmörk innan yfirstjórnar þjóðkirkjunnar,
um stjórnsýslu hennar og starfsemi og um tilhögun yfirstjórnar kirkjuþings á fjármálum.
10. gr.
■Kosið skal til kirkjuþings til fjögurra ára í senn. Kirkjuþing ákveður skipan kjör dæma þings-
ins. Jafn framt ákveður kirkjuþing fjölda þingmanna. Leikmenn skulu vera fleiri en vígðir.
□Kirkjuþing kýs þingforseta úr röðum leikmanna þingsins og tvo varaforseta úr röðum
þingfulltrúa. Saman mynda þeir forsætisnefnd kirkjuþings.
□Kirkjuþing setur starfsreglur um skipan kjördæma þingsins, kjör þess og störf, seturétt
annarra en kjörinna fulltrúa á þinginu og þingsköp.