Gerðir kirkjuþings - 01.01.2017, Síða 30

30 31
viðkomandi þingnefndar, fulltrúa úr kirkjuráði og fulltrúa biskups Íslands. Fyrst taldi
hópurinn hefur ekki starfað en löggjafarnefnd kirkjuþings hefur starfað nær óslitið milli
þinga í umboði þess.
Starfsfólk kirkjuráðs
Framkvæmdastjóri kirkjuráðs er Oddur Einarsson. Annað starfsfólk kirkjuráðs eru Guðrún
Finnbjarnardóttir fulltrúi, ritari kirkjuráðs, Arnór Skúlason arkitekt, verkefnisstjóri á
fasteignasviði og Skúli Guðmundsson hdl., lögfræðingur Kirkjumálasjóðs og sérfræðingur
kirkjuþings við undirbúning kirkjuþingsmála og úrvinnslu samþykkta þingsins.
Verkefni kirkjuráðs á starfsárinu
Reglulegt kirkjuþing, 54. kirkjuþing 2016, var haldið í Grensásskirkju og hófst hinn 5.
nóvember 2016. Hinn 9. nóvember var því frestað og framhaldið 25. febrúar 2017. Alls
voru 25 mál á dagskrá þingsins og 17 þeirra voru afgreidd frá því en afgreiðslu átta mála
var vísað til framhaldsfundar og þá lagt var fram með afrigðum eitt mál til viðbótar.
Kirkjuráð lagði fram tvö mál, biskup Íslands flutti sex mál, forsætisnefnd eitt mál,
löggjafarnefnd fjögur mál og kirkjuþing unga fólksins eitt mál. Þingmannamál voru sjö.
Alls var 21 mál afgreitt á þinginu, tvö mál voru sameinuð, þrjú mál voru dregin til baka
og eitt reyndist gallað og var ekki afgreitt frá kirkjuþingi 2016.
Aukakirkjuþing 2017
Á (2)62. fundi kirkjuráðs hinn 14. mars 2017 var upplýst að á afgreiðslu 15. máls
kirkjuþings 2016 sem varðaði tillögu að starfsreglum um breytingu á starfsreglum um
kosningu biskups Íslands og vígslubiskupa nr. 1108/2011 hefðu verið ágallar sem væru
þess eðlis að starfsreglurnar væri ekki unnt að birta nema kirkjuþing kæmi saman til að
afgreiða þær að nýju. Fundurinn ályktaði að framhald málsins væri í höndum forseta
kirkjuþings og forsætisnefndar þingsins. Niðurstaða þessara aðila var sú að kalla saman
aukakirkjuþing hinn 30. mars 2017 og taka þar starfsreglurnar til afgreiðslu. Að því loknu
voru hinar nýju starfsreglur birtar í stjórnartíðindum.
Gerðir kirkjuþings eru gefnar út og þeim dreift til þingfulltrúa, presta, formanna
sóknarnefnda o. fl. Þar eru breytingar á starfsreglum, nýjar starfsreglur, ályktanir og
samþykktir kirkjuþings. Kirkjuráð hefur unnið að framkvæmd og kynningu þeirra mála
sem kirkjuþing fól ráðinu að sinna. Jafnframt hafa samþykktar starfsreglur verið birtar í
Stjórnartíðindum.
Skal nú gerð grein fyrir störfum kirkjuráðs við framkvæmd samþykkta kirkjuþings.
Ályktanir og samþykktir 54. kirkjuþings 2016 og viðbrögð kirkjuráðs við þeim
Mál 54. kirkjuþings sem vísað var til kirkjuráðs eða kirkjuráð ákvað að taka á dagskrá
sína voru tekin fyrir á (2)57. fundi kirkjuráðs hinn 29. nóvember og þar afgreidd með
eftirgreindum hætti: