Gerðir kirkjuþings - 01.01.2017, Side 84

84 85
lögheimili hans er skráð í þjóðskrá, sbr. 2. mgr. 7. gr. Leikmaður sem uppfyllir skilyrði 4. gr.
um kosningarrétt, nýtur réttarins innan þess kjördæmis sem sókn hans tilheyrir, sbr. 2. gr.
9. gr.
Rafræn kjörskrá.
■Kjörskrá skal vera rafræn og annast kjörstjórn gerð hennar á grundvelli gagna frá Þjóðskrá
Íslands og vinnsluheimilda þaðan ef við á. Kjörskrá skal vera aðskilin frá kosningarhluta
kosningakerfisins og þar skulu koma fram upplýsingar um kjördæmi, nafn kjósanda,
lögheimili, kennitölu og kyn.
□Á kjörskrá skal taka þá sem uppfylla skilyrði 3. og 4. gr., sbr. 6. gr. Kjörskrá skal hafa
verið gerð þremur vikum áður en kosning hefst.
□Þegar kjörskrá hefur verið samin skal kjörstjórn auglýsa það á vefsíðu kirkjunnar og
í prentuðum dagblöðum. Í auglýsingunni skal tekið fram að þeir sem vilja koma að
athugasemdum við kjörskrá skuli senda þær kjörstjórn.
□Eftir auglýsingu um gerð kjörskrár getur kjósandi kannað á þar til gerðu vefsetri hvort nafn
hans er skráð á kjörskrá. Við aðgang að vefsetrinu er notuð almenn innskráningarþjónusta
sem kjörstjórn ákveður, s.s. rafræn skilríki eða Íslykill Þjóðskrár Íslands.
□Kjörskrá skal enn fremur leggja fram á pappír kjósendum til sýnis á biskupsstofu og
skrifstofum prófasta.
10. gr.
Leiðréttingar á kjörskrá.
■Athugasemdir vegna kjörskrár skulu berast kjörstjórn eigi síðar en þremur sólar hringum
áður en kosning hefst. Kjörstjórn skal þegar taka til meðferðar athuga semdir sem henni berast
vegna kjörskrár og gera viðeigandi leiðréttingar á henni. Kjör stjórn skal í síðasta lagi gera
leið réttingar á kjörskrá, tveimur sólarhringum áður en kosning hefst. Ef kjör stjórn verður
þess áskynja að villa hafi átt sér stað við kjör skrárgerðina skal slíkt leiðrétt. Óheimilt er að
breyta kjör skrá ef skilyrði skv. 6. gr. hafa ekki verið uppfyllt fyrir þann tíma sem þar greinir.
□Berist kjörstjórn athugasemd þess efnis að nafn skuli tekið af eða sett á kjörskrá skal
það þegar tilkynnt hlutaðeigandi, nema athugasemdin stafi frá honum sjálfum. Skal
hlutaðeigandi veittur frestur, eftir því sem tími og atvik leyfa, til að koma að athugasemdum.
Kjörstjórn skal þegar í stað tilkynna hlutaðeigandi um niðurstöðu málsins.
□Kjörstjórn skal fram að þeim degi er kosning hefst leiðrétta kjörskrá ef henni berst
vitneskja um andlát manns sem er á kjörskrá.
□Ákvörðun kjörstjórnar um leiðréttingu á kjörskrá má skjóta til yfirkjörstjórnar þjóð-
kirkjunnar. Skal niðurstaða yfirkjörstjórnar liggja fyrir ekki síðar en einum sólarhring
áður en kosning hefst.
11. gr.
Framboð til kosningar kirkjuþings.
■Kjörstjórn auglýsir á vefsíðu þjóðkirkjunnar og í prentuðum dagblöðum eigi síðar en 25.
febrúar á því ári sem kjósa skal eftir framboðum til kirkjuþings.