Gerðir kirkjuþings - 01.01.2017, Síða 74

74 75
Skýrslutaka
12. gr.
■Nefndin getur óskað eftir því að tilteknir menn komi til viðtals við hana til þess að tjá sig
um málefni sem tengjast úrlausnarefninu en gefa skal málsaðilum kost á að vera viðstaddir
á slíkum fundum.
□Slíkar skýrslur er heimilt að bóka eða hljóðrita eftir því sem henta þykir og skal gera
þeim sem skýrslu gefur grein fyrir því hvernig upplýsingar, sem hann gefur, eru skráðar.
13. gr.
■Nú neitar maður að koma til viðtals hjá nefndinni eða neitar að afhenda skjal eða láta
uppi efni þess og nefndin telur útilokað að útkljá málefni það, sem til meðferðar er, án þess
að skýrsla hans eða upplýsingar um efni skjalsins liggi fyrir, er þá nefndinni heimilt, ef hún
telur nauðsyn bera til, að afla sönnunargagna eftir því sem heimilt er skv. 2. mgr. 77. gr.
laga um meðferð einkamála, nr. 91/1991.
□Sé grunur um refsiverða háttsemi getur nefndin hlutast til um að fram fari opinber
rannsókn á þeirri háttsemi.
III. kafli. Úrskurður
Gagnaöflun lokið
14. gr.
■Þegar aðilar hafa skilað þeim greinargerðum og gögnum, sem þeir eiga kost á, og tjáð sig
munnlega um málið, hafi það verið ákveðið, tekur úrskurðarnefndin málið til úrskurðar.
Nefndin fjallar um málið á fundum eins og þurfa þykir og til að komast að niðurstöðu.
□Nefndin skal semja skriflegan og rökstuddan úrskurð um úrlausnarefnið.
Úrskurður
15. gr.
■Úrskurðarnefndin skal kveða upp úrskurð svo fljótt sem kostur er og að jafnaði
innan fjögurra vikna frá því að gagnöflun, sbr. 14. gr., er lokið. Dragist málsmeðferð
fyrir nefndinni lengur en ákvæði þessi gera ráð fyrir, svo sem vegna þess að mál er til
opinberrar rannsóknar, sem nauðsynlegt er að bíða eftir að ljúki, skal sá dráttur skýrður í
áliti nefndarinnar. Tilkynna skal málsaðilum um dráttinn.
□Þegar nefndarmenn eru ekki sammála ræður meiri hluti niðurstöðu máls en sá sem er
í minni hluta skilar séráliti um hana. Forfallist aðalmaður, án þess að ráðrúm gefist til
að boða varamann í hans stað, er nefndin engu að síður ályktunarhæf þegar meiri hluti
nefndarmanna situr fund. Við þær aðstæður ræður atkvæði formanns úrslitum ef atkvæði
falla eitt á móti einu. 
□Þegar úrskurðarnefnd hefur lokið samningu úrskurðar síns skal hún senda hann til
málsaðila.
□Úrskurðum úrskurðarnefndar þjóðkirkjunnar verður ekki skotið til annars stjórnvalds.