Saga - 2008, Page 209

til að skoða sem mest af heimildum til að kynnast viðfangsefninu
vel. Það hjálpar þeim þegar þeir fara af stað með viðtölin að geta
nýtt sér þekkinguna til að spyrja gagnlegra spurninga og síðan
fylgt þeim eftir. Þeir geta fyllt upp í göt í frásögninni og geta betur
metið viðhorf viðmælandans til viðfangsefnisins.
Það þarf að huga að ýmsum þáttum þegar viðfangsefnið er valið.
Í fyrsta lagi þarf kennarinn að velta fyrir sér hvers vegna hann velur
að láta nemendur vinna verkefnið, í öðru lagi hvaða heim ildir eru
aðgengilegar og loks í þriðja lagi hver afrakstur verkefnisins á að
vera. Þegar kennarinn er búinn að skoða þessi atriði er tímabært að
athuga hvernig hann getur nálgast það sem hann sækist eftir. Hver
getur gefið upplýsingar, hverjir eru mögulegir við mæl endur, hvaða
tæki á að nota, hve lengi á verkefnið að standa og hversu mikil rann-
sóknarvinna er nauðsynleg?12
Verkefnin geta verið allt frá stöku viðtali um ákveðið viðfangs-
efni sem tengist námskrá aldurstigsins eða yfirgripsmeira verkefni
sem felur í sér fjölda viðtala og nær yfir almennara viðfangsefni.
Hægt er að skipuleggja bekkjarverkefni í kringum ákveðið þema
eða tímabil og nota þannig persónulegar frásagnir til að gera við -
fangsefnið lifandi fyrir nemendur. Skoða má ákveðin tímabil eða
atburð, til dæmis hvernig lífið var á sjötta áratug 20. aldar eða
Kvennafrídaginn 1975. Þetta eru möguleg viðfangsefni þegar viðtöl
eru höfð í huga. Með því að hafa ákveðið þema fyrir verkefnið
getur kennarinn sett upp sameiginlega efnisgrind að verkinu sem
nemendur geta síðan stuðst við. Þar getur komið fram mögulegt
lesefni, uppbygging viðtalanna og aðrar frumheimildir. Þetta gerir
nemendum kleift að vinna saman að undirbúningi og afmarka
viðfangsefni sitt út frá þemanu og síðan fara af stað með forrann-
sókn. Nemendur geta æft sig saman í að taka viðtöl.13
Val á viðfangsefnum er líka bundið aldri nemenda. Stutt og ein-
föld verkefni henta vel yngri nemendum. Verkefnið getur falist í að
nemendur spyrja foreldra sína eða ömmur og afa nokkurra spurn-
inga, eins og til dæmis: Hvar varst þú þegar Vestmannaeyjagosið
byrjaði og hvað getur þú sagt mér um það? Síðan skila nemendur
svörunum daginn eftir og bera saman niðurstöðurnar.
munnleg saga og sögukennsla 209
12 Vef. „Oral History: A Practical Guide“ (Fourth Edition, nóv. 2005). The
Southern Oral History Program, http://www.sohp.org/howto/guide/
index.html, skoðað 24. júní 2008.
13 Crace C. Huerta og Leslie A. Flemmer, „Using Student-Generated Oral
Histoy Research in the Secondary Classroom“, bls. 107.
Saga haust 2008 nota:Saga haust 2004 - NOTA 25.11.2008 15:38 Page 209