Bókasafnið - 01.07.2018, Side 51

Bókasafnið 42. árg – 2018 51
Þó sumarið sé komið þegar Bókasafnið kemur út þá er enn snjór úti og annar mánuður ársins hálfnaður þegar þessi grein er skrifuð. Tilgangur hennar er þó
sá að gera upp það starf sem stjórn félagsins sem tók við
vorið 2016 hefur unnið en starfstíma hennar lýkur á aðal-
fundi félagsins nú í vor. Miklar breytingar verða á stjórninni
þar sem fl estir, ef ekki allir, núverandi stjórnarmeðlimir
ganga úr stjórn. Það er óheppilegt og á ekki að geta gerst en
stundum fara hlutirnir á annan veg en ætlað er. Undirbún-
ingur vegna þessa er löngu hafi nn og allt gert til að skrá og
viðhalda þekkingu innan stjórnar félagsins. Tveir stjórnar-
meðlimir munu einnig sitja áfram sem varamenn.
Að venju hefur starfi ð snúist um undirbúning Morgun-
korna, Bókasafnsdags, vísindaferðar og jólagleði. Það er
efl aust sá hluti starfs okkar sem fl estir félagsmenn okkar
hafa orðið varir við. Á Morgunkornum undanfarin tvö
ár höfum við fengið erindi um opinn aðgang, starfsemi
ARLIS/Norden, hlutverk bókasafna í nútíma lýðræðissam-
félagi, um Rafbókasafnið og margt fl eira. Við höfum einnig
brugðið okkur í vísindaferð í Kvikmyndasafn Íslands, Bóka-
safn Hafnarfj arðar og Hljóðbókasafn Íslands. Ekki má svo
gleyma jólagleðinni sem haldin var á bókasafni Mennta-
skólans við Sund árið 2016 og á Bókasafni Seltjarnarness
árið 2017. Síðan er það málþingið, Samstarf og samstaða
sem haldið var í nóvember 2017 og er einnig gerð góð skil í
þessu blaði.
Starf stjórnar félagsins hefur þó
einnig einkennst af mörgu öðru
og þá sérstaklega erlendu sam-
starfi og ætla ég mér að eyða
restinni af þeim blaðsíðum blaðsins sem ég hef til umráða í
að stikla á stóru um það. Stjórn félagsins hefur ávallt sinnt
erlendu samstarfi að einhverju leyti en síðasta eitt og hálfa
árið hefur það verið örlítið meira en áður.
Norrænt samstarf hefur verið fastur hluti af starfi félags-
ins í mörg ár en undanfarin ár hefur samstarfi ð orðið ögn
markvissara, meiri vinna hefur verið lögð í að efl a samstarf
á milli landanna og beita sér í sameiningu fyrir hagsmunum
norrænna bókasafna og notenda þeirra. Aðild að samstarf-
inu eiga formenn og aðrir fulltrúar norrænu félaganna í
bókasafns- og upplýsingafræði. Árlegir tveggja daga fundir
eru haldnir í janúar í einu af Norðurlöndunum og má til
gamans geta að árið 2016 var hann haldinn í Reykjavík,
2017 í Stokkhólmi og árið 2018 í Kaupmannahöfn. Einnig
er haldinn stuttur hádegisfundur í ágúst á IFLA ráðstefnu
(International Federation of Library Associations and
Institutions) þess árs ásamt því að sambandi er haldið og
upplýsingum deilt í hópi á Facebook og í tölvupósti. Innan
hópsins sem sinnir þessu samstarfi skapast vinátta og er
eitt af markmiðum hans að efl a hvort annað í öðru erlendu
samstarfi til dæmis innan IFLA, EBLIDA og svo framvegis
Á síðasta ári náðist til dæmis það markmið að koma ekki
einum heldur tveimur fulltrúum Norðurlanda inn í stjórn
IFLA sem þykir góður árangur. Á IFLA ráðstefnunni í
Starf stjórnar Upplýsingar árin
2016-2018
Kristjana Mjöll J. Hjörvar er bókasafns- og upplýsingafræðingur á Landsbókasafni
Íslands – Háskólabókasafni og fyrrum formaður Upplýsingar.
Unnið á vinnustofu Global Vision verkefnis IFLA í Madrid á Spáni.
Formenn norrænu félaganna í bókasafns- og upplýsingafræði á IFLA
ráðstefnu í Póllandi 2017. Frá vinstri: Jukka Relander, þáverandi for-
maður fi nnska félagsins, Mariann Schjeide, formaður norska félagsins,
Kristjana Mjöll Jónsd. Hjörvar, formaður íslenska félagsins, Steen B.
Andersen, formaður danska félagsins og Calle Nathanson, formaður
sænska félagsins.