Breiðfirðingur - 01.04.1996, Side 29

GÖNGUKONA Á GRÝTTRI SLÓÐ
27
manni virðist og að heita má allslaus hefur tekið í sig að
stofna sjóð sem nýtast skyldi í mannúðarskyni á heimaslóðum
hennar, heimaslóðum sem bjuggu yfir seiðmagni breiðfirskra
vornótta sem dregið gat einmana og vonsvikna farandkonu og
tælt svo mjög í minningunni að hún kaus að snúa baki við
ævintýralandinu fyrirheitna og halda á vit harneskju og mis-
skilnings mannanna sem hún hafði horfið frá um sinn. Og
heldur en að bíða elliára og hinstu hvíldar í ókunnu landi kaus
Þjóðhildur heimförina, vitandi samt að heima beið hennar
enginn sælureitur.
Þjóðhildarsjóður
Sjóðurinn sem Þjóða lét eftir sig í Breiðafjarðardölum er við
hana kenndur og heitir Þjóðhildarsjóður. Skipulagsskráin er
útgefin á venjulegan hátt af dómsmálaráðherra 22. júní 1955.
Samkvæmt arfleiðsluskrá Þjóðhildar skyldi stjórn sjóðsins
vera sýslumaðurinn í Dalasýslu, prófasturinn í Dalaprófasts-
dæmi og héraðslæknirinn í Suðurdalahéraði.
I skipulagsskrá er tekið fram að sjóðurinn sé eftirlátnar
eignir Þjóðhildar Þorvarðsdóttur frá Leikskálum er andaðist 5.
júní 1953 og hafi öllum eignum dánarbúsins verið komið í
peninga er séu við árslok 1954 kr. 1158.12 sem ávaxtast í
Sparisjóði Dalasýslu.
Hálfum vöxtum sjóðsins, þar til hann væri orðinn 15000.00
og síðan níu tíunda vaxtanna mátti verja til styrktar fátækum
sjúklingum í Dalasýslu, þeirra er þyrftu að leita sér lækninga á
spítulum eða sérlækningastofnunum. Sjúklingar úr Suðurdöl-
um, Hörðudal, Miðdölum og Haukadal skyldu að jafnaði
ganga fyrir um styrki þessa, og þeir einir hljóta þá sem ekki
væru á sveitarframfæri.24