Breiðfirðingur - 01.04.1996, Síða 64

62
BREIÐFIRÐINGUR
tvisttauskjóla og bómullarsokka, en þær voru hreinar og snotr-
ar og prúðar í framkomu. Herbergin þeirra voru hrein og allt
þar í reglu og fyllsta samræmi.
Úr gömlum bréfum
Ur bréfum sem Kristjana Hannesdóttir skrifaði systkinum sín-
um og foreldrum þegar hún dvaldi á Norðurlöndum á árunum
1925 og 1926.
Til Ingibjargar Hannesdóttur
Táma.
14. júní 1925.
Nú í dag komu 25 Tárna lærisveinar hingað að heimsækja
skólann. Með þeim var gamli rektorinn, gráhærður öldungur,
en svo kátur og fjörugur eins og unglingur. Hann heimsótti
okkur með skólastjóranum og spjallaði um alla heima og
geima. Hann sagðist hafa þekkt marga Islendinga og lesið
íslenskar bækur í mörg ár þegar hann var ungur stúdent í
Lundi, en sagðist nú hafa gleymt því öllu saman. Hann hélt
hér fyrirlestur um menningu ungdómsins og hann er eitt það
allra besta sem ég hef heyrt. Svo sungum við fyrir gestina
kórsöng í staðinn. Það var mjög hátíðlegt.
Til Hannesar Kristjánssonai; föður Kristjönu
Táma.
23. júní 1925.
Nú 21. 22. og 23. júní er hátíð um alla Svíþjóð, miðsumarhá-
tíð sem það kallar. Þá er nú mikið um dýrðir. Allan laugar-
daginn var frí úr skólanum og þá sátu kennarar og lærimeyjar
hér úti á grasflöt á milli trjánna og knýttu blómsveiga til að
skreyta með bæði skólana og öll hús bæði úti og inni og
sömuleiðis stöng eina stóra sem þeir kalla maístöng. Hún var