Breiðfirðingur - 01.04.1996, Page 80

78
BREIÐFIRÐINGUR
Verst þykir mér með aumingja Kidda minn, en ég hefi ný-
lega fengið bréf frá honum og ber hann sig vel. Vona bara að
þú reynir að ganga í ábyrgð fyrir hann ef hann þarf á að halda.
Vona að það gangi þó þú sért gift.
ES. 2.jan. 1926.
Nú er nýárið liðið ég meina nýársdagur, en ég býst við að
fara ekki héðan fyrr en eftir 15. janúar. Þær frænkurnar vilja
ekki að ég fari eitt fet fyrr en ég hef vissan stað í Noregi.
Til Kristjönu Hannesdótturfrá Hannesi Kristánssyni
Nesi
26. jan. 1926.
Fréttir eru hér fáar, tíðin hefur verið ágæt sem af er vetrinum.
Snjólaus jörð og lítil frost. Nú er ég að hugsa um að ferðast
inn í Dali og finna Imbu. Nú er hún gift, hún gjörði það rétt
fyrir jólin.
Nú er allt á öðrum endanum í Reykjavík. Eimskipafélagið
vill lækka kaup skipverja svo það er verkfall og óvíst að
Gullfoss komi hér ef hann þá kemst nokkuð og eru það skugga-
legar horfur en vonandi að úr rætist. Líka horfir hér til verk-
falls fyrir verkalýð og vinnuveitendum út úr kaupgjaldi.
Þá sendi ég þér nú peningana er þú áttir í sparisjóðnum. Það
eru 600 krónur sem ég tók og áttu nú eftir 33 krónur og 58 aura.
Til Ingibjargar Hannesdóttur
Osló
20. febrúar 1926.
Bréfið þitt var býsna gamalt er það kom til mín - skrifað 11.
jan. og ég fékk það 18. febr.
Mér líður ágætlega - finnst bara ég ekkert gera annað en
njóta lífsins. Ég man ekkert hvenær ég skrifaði þér síðast -
hugsa helst ekki síðan 2. jan. frá Dyne. Ég lifði nú þar í frið
og ró yfir jólin og svo allan janúarmánuð. Harriet var heima til
16. jan. en svo fór hún aftur til starfs síns í Gautaborg. Ég