Breiðfirðingur - 01.04.1996, Qupperneq 102

100
BREIÐFIRÐINGUR
skólagöngu. Þennan undirbúning áttu heimilin að annast án
aðstoðar skólans. Einhver misbrestur mun hafa verið á heima-
fræðslunni. Leiddi það til þess að sum börnin komu ólæs og
óskrifandi í skólann og voru þar af leiðandi engan veginn
samkeppnisfær við hin börnin.4)
Vorið 1927 þegar farið var að prófa 8-10 ára börn sam-
kvæmt fyrirmælum í fræðslulögunum frá 1926, kom hinn mis-
jafni undirbúningur barnanna berlega í ljós. Til að jafna að-
stöðu þeirra til námsins í skólanum nýtti Ingveldur Á. Sig-
mundsdóttir skólastjóri (1914-1936) lagaákvæðið í 10. gr.
fræðslulaganna frá 1926. í bréfi dagsettu 9.9.1929 fer hún
þess á leit við fræðslumálastjóra að hann heimili kennslu 9 ára
barna til þess að þau verði öll „samkeppnisfær“. Þessi heimild
var veitt.5)
Ekki hefur þetta þótt fullnægjandi því með bréfi dagsettu
21.9.1931 fer skólanefnd m.a. fram á það við fræðslumála-
stjóra að skólaskyldualdur barna verði færður niður í 8 ára
aldur. Þetta er samþykkt með bréfi fræðslumálastjóra dagsettu
1.10.1931. Skólaskyldan var síðan færð niður í 7 ára aldur með
fræðslulögunum 1936. Upp úr 1943 var svo hafinn mánaðar
vorskóli í maí, fyrir 6 ára börn.